2013年8月31日 星期六

便便恩物 (二): 西梅蓉

文章日期:08/31/2013 06:13 pm
大人食西梅有助便便, BB都可以架~ 我地BBs都幾鍾意食添~

做法:
1) 西梅要放到熟D (甜D淋D). 去皮(用手撕就OK), 切粒.
2) 用攪拌機攪至蓉狀. (如圖右) 雖然圖係啡紅色, 不過係因為氧化作用, 記得去皮啊~

P.S. 以下係2人下午茶份量. (因為我地係孖寶)

2013年8月29日 星期四

BB 好似唔鍾意食肉 / 蔬菜 ?

文章日期:08/29/2013 12:03 pm
其實真係好少BB會唔鍾意食肉/蔬菜(當然亦有special case). 而有D BB表現好似"唔鍾意",例如:funny face (翁起個鼻),吐出黎,身向後...etc. 其實只不過可能係 
1) 第一次唔習慣
2) 質地唔啱口味 (好似淮山,我地兩個都鍾意稀DD,但粥就杰DD。試過俾杰淮山,兩個叫晒救命,一加番水稀D,就食呀食唔停)
3) 瞓得唔好(午睡 /夜晚都有關)
4) 出牙仔等等等嘅原因。。。

我地大孖孖同細孖孖對食物嘅喜好係有D唔同嘅~ 一個食乜都OK (哈哈, 同Mami 一樣乜都食),  另一個就表現比較有所謂。不過兩個有時都要氹下。以下就係我地用嘅方法:

1) 我自己一路扮食, 一路好誇張咁同佢講"嘩, 咁好食嘅!!!" "真係好好味呀!"
2) 扮俾佢鍾意隻公仔食
3) 俾佢睇下自己食緊乜 (因為好多時佢地睇唔到)
4)食到最後,俾隻碗佢睇下(裡面無乜喇),同佢講"無架喇,快D食埋佢啦"


另外, 佢地係揀人餵....我 / 婆婆餵嗰個通常食得好D, 工人姐姐係麻麻地......
mondy at 08/30/2013 01:14 pm comment
我都覺呢.... 稀D杰D都有影響~~~ 係呢... 營孖媽想請教你bb食香蕉會唔會多屁放d??? 同埋鮮淮山6個月食得未呢...? 同埋米糊係咪應該慢慢轉用水開(唔用奶)再加食物蓉? 我小b都就嚟食左一個月糊嘞... 係咪可以試下俾粥呢...???
營孖媽 at 09/05/2013 11:32 pm reply
Mondy, 嘩你BB一定好CUTIE!!! 97 percentile 係指100個BB裡面你BB重量排第3 (只有3個BB重過你BB). 唔係過重, 幾好呀! 最重要係KEEP住係同一條線度. 食量都幾好呀! 有D人一日5餐, 有D一日4餐, 總計量差唔多就OK喇
mondy at 09/05/2013 05:34 pm reply
營孖媽, Oh.... 係19.8磅至啱.... 我睇左... 係咪果條虛實線? 姑娘畫左97喎..... 即係就過重..?? 唉... 我老爺奶奶已經成日話我俾唔夠野佢食.... 1日4餐, 下午2點果餐食大半碗糊仔(補4安奶), 其餘果3餐飲7安奶, 我覺得夠.... 其實會唔會唔夠...???
營孖媽 at 09/04/2013 11:14 pm reply
Hi Mondy, 唔好意思, 哩排忙D, 遲咗覆. 你睇下本健康院書仔, 佢有個圖表 (姑娘應該填咗), 男仔係第14頁. 19.8 kg??? or 磅? 我可以幫你睇睇. 鐵質方面, 高鐵質嘅食物仲有牛肉, 雞蛋(特別係蛋黃), 豬肉, 西蘭花, 深綠葉蔬菜. 不過我地都未食牛肉 (應該就黎會試). 多D都唔緊要, 大家交流下嘛~
mondy at 09/01/2013 01:05 pm reply
請問係點樣介定 係幾多 percentile? 我b仔出世 3.92kg, 現在 5m3w 19.8kg~~~ 都ok吧? 另外營孖媽都想問一下, 有咩食物係多d鐵質(菠菜, 豬/雞肝?) 因為我想準備定, 遲d bb轉粥仔, 可以多d選擇俾佢~~~ 太多問題~~~ 哈哈~ 不好意思啊~~~
營孖媽 at 08/31/2013 12:38 am reply
Hi Mondy, 食香蕉通常都唔會多屁架喎, 不過食豆類/番薯就會, 因為消化過程會產生多D氣體~ 我建議6.5個月先試淮山好D, 反正好多嘢可以食. 如果BB偏肥就用水開米糊, 但係如果BB偏瘦就用媽媽奶/配方奶開. 你BB睇落起碼都係50 percentile, 兩樣都可以呢~ 我地孖寶體重係25percentile, 所以用奶開, 想大隻D~ 如果每餐食到半碗, 有菜, 有肉都可以試粥架喇~

2013年8月28日 星期三

BB蛋黃蓉做法

文章日期:08/28/2013 11:08 am
一直都無時間寫番之前D BLOG, 要慢慢補番至得.

BB蛋黃蓉做法:
1. 雞蛋連殼用細火烚13分鐘 (凍水落). 熄火後焗一陣(蛋黃熟透).
2. 去殼, 去蛋白, 只剩蛋黃.
3. 用匙將蛋黃整碎 (如圖中下), 然後加少少水, 母乳或配方奶.
4. 攪至蓉狀, 即成! (如圖右下)

食法:
第一次試食可以試1/4 個蛋黃, 連續試3日睇下BB有無敏感. 然後下次食可以試1/4 或 1/2 個. 每日最多食1個蛋黃. 每星期最多2-3個蛋黃.

幾時可以開始食蛋黃?
其實BB食到糊仔之後都可以食, 不過營孖媽我就俾BBs 試蔬菜水果先, 7個月大先食蛋黃. 我地出生體重分別係5磅幾, 同4磅幾 (孖B黎講, 都算幾好) , 所以我都等BBs腸胃發展得成熟D先試.



營孖媽 at 08/29/2013 11:12 pm comment
 yesyes, 營養好,蛋白質類食物黎講,蛋黃屬於易消化。不過如果同菜/水果/五穀比,蛋白質係無咁易消化(留係胃度耐D)。
mondy at 08/30/2013 01:06 pm reply
mondy at 08/29/2013 01:25 am comment
蛋黃好有營養~~~ 不過我都諗住等bb 6-7個月先俾佢試~~~ 蛋黃應該都係比較難消化, 對嗎?
營孖媽 at 10/02/2013 10:58 pm reply
Hi Mondy, 我諗yahoo真係有D問題......我真係每篇BLOG入黎睇先知有留言.......其實6個月時BB試固體都係主要試食同埋學食嘢, 所以唔想佢地太急適應蛋或其他肉類.

2013年8月27日 星期二

蓮藕豬肉蓉

文章日期:08/27/2013 12:06 pm
大人今晚食蒸藕餅, 所以BB就食蓮藕豬肉蓉啦~


做法
1. 蓮藕洗淨, 去皮(用刀仔"挖"就得). 然後切粒, 放入滾水煲大約20分鐘至粉. (如圖右上)
2. 蓮藕 + 蓮藕水放入攪拌機攪至蓉狀. (如圖左下) 唔好太"黏" (我地大細孖都鍾意食無咁黏口嘅)
3. 豬肉蓉做法可睇番另一篇BLOG:


http://blog.yahoo.com/katrinaC/articles/1280324/index

mondy at 08/28/2013 12:23 pm comment
真係無唸過蓮藕~~~ 太好啦~ 因為我B仔可以跟住你o既食譜, 咁我就唔使咁傷腦筋嘞~~~ 哈~
營孖媽 at 08/28/2013 11:45 pm reply
有時都唔係我諗架, 係佢地婆婆, 姨婆, 嫲嫲諗架. 不過我都好鍾意行街市/supermarket, hehe, 睇下有乜當造~ 我初頭懶懶地都想上網搵BB食譜, 不過覺得D食材都係唔夠多種類, 反正搵開, 就同大家分享下啦~ 見到咁多媽媽都覺得有用, 真係好開心呢~~~

2013年8月25日 星期日

馬蹄豬肉 (無便便可以試下)

文章日期:08/25/2013 10:52 am
BB8個幾月大, 真係可以試好多新嘢食. 基本上大人食乜, 都可以用D食材預備俾BB食.

今日大人食馬蹄肉餅, BB就食馬蹄豬肉啦~ 可能馬蹄爽甜, 所以BB都幾鍾意食. 好似老人家咁講 - 馬蹄"省腸", BB去咗3次便便啊! 不過唔係水狀嘅. 如果BB無便便, 真係可以試下! 間唔鍾食下都可以清腸胃.

做法:
1) 馬蹄洗淨, 去皮, 切粒, 蒸大約20分鐘.
2) 待冷卻一D, 用攪拌機攪至蓉狀 (如圖下) ** 攪完都會有大粒粒, 要揀走大粒粒啊.
3) 瘦肉蓉做法可以睇番另一篇BLOG:


http://hk-dietitianmama.blogspot.hk/2013/07/bb_5.html



mondy at 08/28/2013 12:08 pm comment
營孖媽, 我B仔便便情況都唔太理想, 不過而家先就嚟6個月, 應該未俾得馬蹄佢食住.... 開始固體食物都有3個星期啦~ 但係佢就唔肯飲水.... 點算好?? 唔通真係要用餵藥果D針筒餵水佢飲? 已經試過用匙餵, 溝apple juice(自制), 用學習杯.... 我老爺奶奶話開葡萄糖俾佢, 其實我真係唔想.... 我又諗過煲竹蔗水.... 但係又唔知o岩唔o岩.... 定係煲d蘋果雪梨水好???
營孖媽 at 08/29/2013 11:03 pm reply
Mondy 媽媽,我開始時試過蒸菜(因為營養保留得好D),不過真係蒸幾耐,所以之後都係烚(軟身D),然後磨蓉。
營孖媽 at 08/29/2013 10:59 pm reply
Mondy, icic, 嘩, 好厲害呀!!! 小B一定好鍾意飲喇~~ Mami 嘅愛心蘋果水~ 我都無試過蘋果水,等我搵日都試下先~ 我想問1個蘋果加幾多水呀?同埋煲幾耐呢?
mondy at 08/29/2013 01:07 am reply
營孖媽, 其實小b又未至於"便秘", 不過試左固體之後, d便便係少左, 同埋有時係一舊舊... 所以要諗方法補充返水份, 等佢去得好d.... 不過頭先9點我煲左蘋果水佢試~ 我俾個4安樽(50ml蘋果水)佢自己揸住飲, 又讚下佢咁, 佢飲左30ml呀~ 哈哈~ 好開心~~~ 我當然知葡萄糖唔好啦... 無營養價值之餘亦都未必幫到佢培養飲水o既習慣, 果種{死甜}真係令我無法接受.... 固體食物, 紅蘿蔔, 南瓜, 蜜糖豆, 薯仔, 香蕉, 今日開始試冬瓜, 嚟緊試蕃薯.... 其實菜葉我都好想試.... 不過我想問下, 菜葉應該烚定蒸先磨蓉呢...?
營孖媽 at 08/28/2013 11:33 pm reply
我地6個月大時都唔會日日有便便架. 我仲記得大孖試過隔咗2日先有便便 (好在有), 仲有少少血絲! 真係嚇到我........ 我就俾多DD水佢地飲 (用杯慢慢餵), "初下"肚仔, 同埋 "兜" 下佢地去poo poo. BB如果口渴就會飲多D水, 所以又唔使特別引佢飲. 千萬唔好俾葡萄糖呀, 如果唔係BB過瘦或有特別需要, 我都唔建議飲, 因為試過甜嘅, BB可能仲唔鍾意水呀. 加油啊! 開始食菜未? 如果食糊仔OK, 可以試下菜心, 多纖維, 又正氣, 有助便便.

2013年8月24日 星期六

如何開始第一啖固體

文章日期:08/24/2013 11:27 pm
根據美國兒科醫生學會:

開始時餵1/2或少過1/2茶匙固體食物, 並同時跟寶寶說: "你睇幾好味!". 你嘅寶寶一開始可能仲未知道點樣做. 佢可能會顯得疑惑, 縐起個鼻, 將食物推到咀邊, 甚至拒絕嘗試.

其中一個可以令第一次餵BB食固體食物容易一點嘅方法係先餵BB飲一D母乳 /配方奶, 然後餵少過1/2茶匙固體食物, 最後再餵剩餘嘅母乳 /配方奶. 這樣可以防止BB因為太餓而煩躁.

不要驚訝BB最初幾次食固體食物D食物會去咗塊面, 手, 同口水肩. 慢慢增加食物嘅份量, 由1-2茶匙開始, 咁樣可以等BB有時間慢慢學習吞嚥食物.

如果BB喊或將頭轉開, 千萬不要迫BB進食. 可以先餵番母乳 /配方奶, 遲D再試. 請謹記BB開始食固體食物係一個循序漸進嘅過程, 另外, 一開始BB最主要嘅營養來源都係母乳 /配方奶.

註: 千萬不要用奶樽餵嬰兒米糊, 因為有哽親嘅危險. 另外, 亦可能增加BB進食嘅份量, 而引致BB過重. 但如果BB有食物倒流嘅情況, 可能就會建議用奶樽餵米糊, 應先咨詢BB嘅醫生.


How do I feed my baby?
Start with half a spoonful or less and talk to your baby through the process (“Mmm, see how good this is?”). Your baby may not know what to do at first. She may look confused, wrinkle her nose, roll the food around her mouth, or reject it altogether.
One way to make eating solids for the first time easier is to give your baby a little breast milk and/or formula first, then switch to very small half-spoonfuls of food, and finish with more breast milk and/or formula. This will prevent your baby from getting frustrated when she is very hungry.
Do not be surprised if most of the first few solid-food feedings wind up on your baby’s face, hands, and bib. Increase the amount of food gradually, with just a teaspoonful or two to start. This allows your baby time to learn how to swallow solids.
Do not make your baby eat if she cries or turns away when you feed her. Go back to nursing or bottle-feeding exclusively for a time before trying again. Remember that starting solid foods is a gradual process and at first your baby will still be getting most of her nutrition from breast milk and/or formula.
NOTE: Do not put baby cereal in a bottle because your baby could choke. It also may increase the amount of food your baby eats and can cause your baby to gain too much weight. However, cereal in a bottle may be recommended if your baby has reflux. Check with your child’s doctor.

2013年8月22日 星期四

青木瓜雞蓉

文章日期:08/22/2013 10:34 am
相信好多人都飲過青木瓜煲湯, 咁營孖媽今日屋企煲青木瓜湯, BB就食青木瓜啦~

由於時間唔啱 (我地夜晚先煲湯, 但係早晨預備BB一日兩餐嘅"餸"), 所以BB嘅係另外預備嘅.

做法:
1) 青木瓜洗淨, 去皮, 切粒 (如圖上大小)
2) 蒸20分鐘至軟身 (不過唔會好似橙色木瓜咁淋架!)
3) 待冷卻一D, 連蒸木瓜水用攪拌機攪至蓉狀 (如圖下).
4) 雞蓉做法可以睇我另一篇BLOG.

http://blog.yahoo.com/katrinaC/articles/1280324/index

** 註: 有D BB 對木瓜可能會敏感D, 所以要觀察下便便啊~

2013年8月21日 星期三

小唐菜

文章日期:08/21/2013 11:42 pm
中國人可以搵到嘅食材真係比外國多! 我地BBs到8.5 個月大仲有好多蔬菜水果係第一次食呢! 小唐菜係深綠葉菜之一, 有豐富嘅鐵質 (無菠菜咁多, 不過會多過椰菜). BB6個月大都可以食, 不過真係太多種蔬菜, 所以我地BB排到而家先食.

一如其他菜, BB係好鍾意食架! 

2013年8月19日 星期一

咀嚼練習 #3 : 蜜糖豆

文章日期:08/19/2013 05:19 pm
咁細細粒嘅又可以用乜嘢食物呢?今日用大人食嘅蜜糖豆,攞幾粒俾BB練習下。

蜜糖豆烚/蒸至軟身,取出幾粒豆。

哩樣係我暫時諗到最乾淨嘅練習手指頭食物咁咪唔使用/食餅?又唔係喎,因為想佢地試攞唔同質感嘅食物自己食。

* 青豆得唔得?唔係唔得,而係雪藏青豆多數有色素,所以用蜜糖豆會好D。 
P.S. BBs 今日8個月零19日大~

** 食嘅時候, 記住要睇住BB, 因為豆豆都有哽親嘅危機架!


Yip at 08/20/2013 11:01 am comment
你好啊營孖媽...我個女六個月大小小..我俾佢食左幾餐南瓜粥..今朝d便便係橙橙地色..我想問..甘係未代表亞女消化唔好?(直腸直肚)
營孖媽 at 08/20/2013 11:13 pm reply
其實好多時都係咁架, 直到我地8.5個月都好多時係咁. 係因為BB消化功能未完全成熟 (就算大人, 有D都會食南瓜, 出南瓜~). 只要唔係水狀就OK. 如果係水狀, 就要觀察下~ 食菜會綠色添架~ btw, 咁你囡囡鍾唔鍾意食南瓜呀?

2013年8月18日 星期日

咀嚼練習 #2 : 啤梨

文章日期:08/18/2013 04:17 pm
除咗菜心 /芥蘭梗, 可以俾BB練習 "咀嚼" & " 自己攞住食" 嘅仲有好多食物, 今日就用/食啤梨 ~

1) 成個: 哈哈, BB一見到已經搶住要自己拎住食~ (玩咗一陣,食到少少)
2) 切厚片:very good! 自己慢慢咬~
3) 切條(好似大人手指大小): very good! 食得快過"厚片"

細孖BB仲好攪笑,好似倉鼠仔咁好快將成條啤梨一啖一啖食晒入口!成口都係先慢慢0趙。

*今日覺得BBs大個咗好多,因為前幾日都係上下合下合下食嘢多,今日佢地自己食啤梨,已經好似大人咁0趙 (條脷識打圈)~ (好可愛啊!)

 

2013年8月17日 星期六

絲瓜大眼魚

文章日期:08/17/2013 11:02 am
雖然絲瓜係屬於"寒涼", 不過營孖媽BBs設計餐單嘅宗旨係食物多樣化, 所以盡量會俾佢地試多D唔同嘅食物~ 其實只要適量就OK。好似節瓜比較"正氣",所以如果BB鍾意食,可以食多幾啖,不過絲瓜偏"涼",所以真係唔可以太多。 

做法:
1) 大眼魚超易處理!洗淨, 去皮, 蒸大約10分鐘(眼突出). 然後去骨, 刴成魚蓉 (如圖左下), 即成!
2) 絲瓜去皮, 切粒, 蒸大約15分鐘至軟身 (如瓜比較老, 要去核, 所以買嫩嘅比較好). 蒸瓜出嘅水可以撈落魚蓉度.
3) 絲瓜粒用攪拌機攪至蓉狀 (如圖左上).

同平時一樣, 早晨預備兩餐嘅份量, 晚餐嗰份放入雪櫃, 食之前再蒸熱 (BB嘅食物, 我堅持唔用微波爐!). 午餐配糊, 晚餐配粥. 食嘅時候都唔會撈勻, 一啖(糊/粥+魚), 一啖瓜~  yummy yummy~

2013年8月16日 星期五

番薯苗豬肉蓉

文章日期:08/16/2013 11:36 am
BBs 婆婆 & 嫲嫲今日提起番薯苗, 所以營孖媽我立即去採購. 因為好易種, 所以好容易係街市搵到香港有機種嘅~ 今日買嘅就係香港有機種 ~

同其他綠葉菜處理方法一樣, 但係真係只要葉嘅部份 (因為幼莖都好多纖維, 好粗糙).

另外, 因為番薯苗有種特別香味, 所以未必個個BB都鍾意, 所以攪得幼細D, BB接受度會高D

我地兩個都OK. 一個鍾意多D (同一般菜一樣, 鍾意), 另一個就麻麻地, 不過都肯食.

P.S. 有一樣好得意嘅嘢, 就係BB D 便便係啡啡地, 而平時食綠葉菜通常係綠便便. 啡色便便即係消化得幾好 (唔係直腸直肚), 哈哈. 唔知其他BB係唔係都一樣架呢? 好想知啊! 等我下次再留意下先.

2013年8月15日 星期四

蘋果蓉 vs 蘋果汁

文章日期:08/15/2013 04:12 pm
BB唔食蘋果蓉, 飲蘋果汁得唔得? 作為營養師嘅營孖媽梗係話唔得啦! 因為蘋果蓉有豐富嘅纖維, 可以幫助BB腸道有健康嘅運作! 不過如果BB唔舒服, 無謂口, 就可以俾蘋果汁BB飲, 等BB吸收多D維他命C, 同增加熱量

" 蘋果蓉 " 原來唔係想像中咁易整架!

" 蘋果蓉 " 製作要點:
1) 蘋果要"粉" (買番黎放幾日就OK), 如果唔係, 勁難"挖"
2) 我選擇用"5粒的" 蛇果 (如圖下). 試過好多種蘋果 (Gala, Golden Smith, 日本富士.....), 都係哩種最易整.
3) 即"挖"即食, 唔係因為會色唔靚, 而係因為蘋果曝露係空氣中慢慢氧化 (變啡色) 維他命C就會大大減少
4) 用攪拌機攪得唔得? 攪完之後變晒啡色, 維他命C都會少咗好多!



2013年8月14日 星期三

BB第一次食番茄

文章日期:08/14/2013 10:54 am
終於到食番茄喇! BBs 8個月大, 終於可以一嘗番茄嘅滋味~ 幾日前俾番茄佢地食, 第一次食麻麻地 (畢竟有D酸酸地), 隔幾日再試好D.
大孖第二次表現鍾意. 細孖就唔鍾意淨食番茄, 鍾意撈落糊仔/薯蓉度食 (我自己試食過, 真係好食D, 甜甜地, 唔覺酸, 因為有奶味).

做法:

1) 先放原隻番茄落滾水, 焯2分鐘倒 (皮會爆開少少). 然後去皮. (如圖1)
2) 將番茄切開, 去核, 切成小塊 (如圖2)
3) 番茄, 豬肉蒸15分鐘 (如圖3)
4) 薯仔烚大約 30-45 分鐘 (視乎薯仔大小), 至皮爆開就OK (如圖4).
5) 趁薯仔熱, 去皮, 用叉壓至蓉狀 (凍咗會好難壓). 然後開D 奶, 加入薯蓉, 攪混. (如圖5)
6) 最後可以將圖6嘅薯蓉, 番茄蓉, 豬肉蓉撈埋一齊就可以架喇!

P.S. D顏色真係好靚啊! 不過佢地太肚餓, 我影唔到MIX 咗嘅相, 或者遲D補番啦~

2013年8月13日 星期二

咀嚼練習 #1 : 菜心梗

文章日期:08/13/2013 11:38 pm
啱啱先留意到原來唔記得分享點樣"引導"BBs練習咀嚼. 我仍然相信BB天生會識好多嘢, 大人只需要係適當嘅時間俾機會佢地練習.

我試過俾牙仔餅 (長條形), 佢地好鍾意食/ 啜, 不過真係幾污糟, 由於BBs主要係婆婆湊, 而婆婆會因為咁而唔會經常俾BBs食, 所以營孖媽我最鍾意留番菜心梗佢地練習. 連皮就OK (因為D纖維比較韌, 佢地會上下顎合下合下去"咬" ). 好多時會放左放右放中間咁咬, 又會啜.

我地大約7個月大開始食菜心梗~ 另外,仲會食芥蘭梗

** 大人要睇住, 因為有時食得興起, 食到最後會想全部放入口! 但係D皮好粗,會好易梗親架!



2013年8月9日 星期五

BB7個月大餐單

文章日期:08/09/2013 10:18 pm
BB7個月大餐單

  大孖細孖 7個月大的營養餐單        
  Jul-13
               
  Sun Mon Tue Wed Thur Fri Sat
    1 2 3 4 5 6
()   米糊8匙 米糊8匙 米糊8匙 米糊8匙 米糊8匙 米糊8匙
    合掌瓜4匙 菜心4匙 菜心4匙 椰菜4匙 椰菜4匙 西蘭花4匙

    蛋黃1/3個 蛋黃1/2個 蛋黃1/2個 雞蓉1匙 雞蓉1匙
(小吃)   桃1/2個 桃1/2個 啤梨1/4個 啤梨1/4個 蘋果1/4個 蘋果1/4個
()   燕麥糊5匙 米糊8匙 米糊8匙 燕麥糊8匙 米糊8匙 米糊8匙
    合掌瓜4匙 菜心4匙 菜心4匙 節瓜4匙 椰菜4匙 椰菜4匙
            雞蓉1匙 雞蓉1匙
  7 8 9 10 11 12 13
() 米糊8匙 米糊8匙 米糊8匙 米糊8匙 米糊8匙 米糊8匙 米糊8匙
   青瓜4匙  青瓜4匙 蓮子4匙 蓮子4匙 菠菜4匙 粟米4匙 潺菜4匙

大魚腩2匙 大魚腩2匙 雞蓉1匙 雞蓉2匙 豬肉蓉2匙 雞蓉2匙 雞蓉2匙
(小吃) 蘋果1/4個 香蕉1/4隻 蘋果1/4個 香蕉1/3隻 香蕉1/3隻 桃1/2個 蘋果2匙
() 米糊8匙 粥2/3碗 粥2/3碗 粥2/3碗 粥2/3碗 粥2/3碗 粥2/3碗
  青瓜4匙 菜心4匙 蓮子4匙 蓮子4匙 菠菜4匙 粟米4匙 潺菜4匙
  大魚腩2匙 大魚腩2匙 雞蓉1匙 雞蓉2匙 豬肉蓉2匙 雞蓉2匙 雞蓉2匙
  14 15 16 17 18 19 20
() 米糊8匙 米糊8匙 米糊8匙 米糊8匙 米糊8匙 米糊8匙 米糊8匙
  毛豆3匙 蜜糖豆3匙 蜜糖豆3匙 甘筍2匙 冬瓜1/3碗 冬瓜1/3碗 玉米筍4匙

蛋黃1/2個 黃花魚2 豬肉蓉2匙 雞蓉2匙 烏頭魚2匙 蛋黃1/2個 豬肉蓉2匙
(小吃) 蘋果1/3個 啤梨1/3個 桃1/2個 啤梨1/3個 桃1/2個 香蕉1/2隻 桃1/2個
() 粥2/3碗 粥2/3碗 粥2/3碗 粥2/3碗 粥2/3碗 粥2/3碗 粥2/3碗
  毛豆3匙 蜜糖豆3匙 蜜糖豆3匙 甘筍2匙 冬瓜1/3碗 冬瓜1/3碗 玉米筍4匙
  蛋黃1/2個 黃花魚2 豬肉蓉2匙 雞蓉2匙 烏頭魚2匙 蛋黃1/2個 豬肉蓉2匙
  21 22 23 24 25 26 27
() 米糊8匙 米糊8匙 米糊8匙 米糊8匙 米糊8匙 米糊8匙 米糊8匙
  牛油果1/2個 四季豆4匙 南瓜4匙 菜心4匙 毛豆3匙 羊角豆3匙 羊角豆3匙

蛋黃1/2個 大魚腩2匙 雞蓉2匙 豬肉蓉2匙 雞蓉2匙 豬肉蓉2匙 白倉魚3匙
(小吃) 蘋果1/2個 啤梨1/3個 桃1/2個 啤梨1/3個 車厘子2.5粒 桃1/2個 大蕉1/4隻
() 粥2/3碗 粥2/3碗 粥2/3碗 粥2/3碗 粥2/3碗 粥2/3碗 粥2/3碗
  牛油果1/2個 四季豆4匙 南瓜4匙 菜心4匙 毛豆3匙 羊角豆3匙 羊角豆3匙
  蛋黃1/2個 大魚腩2匙 雞蓉2匙 豬肉蓉2匙 雞蓉2匙 豬肉蓉2匙 白倉魚3匙
  28 29 30 31      
() 米糊8匙 米糊8匙 米糊8匙 米糊8匙      
  菜心4匙 合掌瓜4 蓮子4匙 翠玉瓜4匙      

蛋黃1/2個 雞蓉2匙 豬肉蓉2匙 大魚腩2匙      
(小吃) 大蕉1/4隻 大蕉1/4隻 啤梨1/3個 啤梨1/3個      
() 粥2/3碗 粥2/3碗 粥2/3碗 粥2/3碗      
  菜心4匙 合掌瓜4 蓮子4匙 翠玉瓜4匙      
  蛋黃1/2個 雞蓉2匙 豬肉蓉2匙 大魚腩2匙      
     
       
  註:            
  1. 米糊/燕麥糊份量: 以乾計(未加奶/水); 每匙為一滿茶匙 (好似一座山仔咁)
  2. 蔬菜/水果份量: 以蓉狀計; 每匙為一滿茶匙 (好似一座山仔咁)  
  3. 肉: 以攪好嘅蓉計; 每匙為一滿茶匙 (好似一座山仔咁)    
  4. 碗: combi 綠柄碗          



* 我地糊仔用2安奶開
** 每個BB嘅發展都唔同, 所以以上餐單只供參考, 實際情況要視乎BB體重, BB預備好未? 大人(照顧者)又預備好未?......等等等等

***如果想要EXCEL file, 可以留EMAIL, 我會盡快覆你~

另加一日3餐奶, 詳情可以睇番: BB 飲食時間表 (7個月)
http://hk-dietitianmama.blogspot.hk/2013/07/bb-7.html

     
at 08/21/2013 06:28 pm comment
營孖媽, 你的資料真有用, 謝謝你, 給我多點指引。想請問, 我女女剛開始食固體, 初初每試一樣新食物都會試3日左右, 想請問下到幾大左右可以唔洗咁做呢? 我見到你7月的餐單某些食物試食期短了 (例如:蛋黃試了兩天便加椰菜, 而椰菜相隔一天就加雞蓉了) 因我直接煲粥, 沒有用米糊, 故較心急, 希望女女可以快些試肉, 以補充多點鐵質 (現在也是循菜->果->蛋黃->肉的進路), 請指教。
營孖媽 at 08/24/2013 01:51 am reply
我地兩個因為唔鍾意用奶樽/鴨咀/飲管飲水, 所以6個幾月都用杯. 係會濁親架 (我地大人要控制, 唔好俾佢咁大啖), 不過我地兩個都覺得好刺激, 好鍾意 (又會咁都有@___@). 每個BB都唔同架. 如果湯匙OK都好, 因為訓練到"飲" (你可以遲D先用杯). 你BB鍾意飲水就好, 大部份媽媽都係怕BB唔飲水. 雖然其實BB係會自我調節: http://blog.yahoo.com/katrinaC/articles/1281593/index 盡量唔好飲奶前飲水, 如果唔係飲水都飽咗.
at 08/22/2013 10:37 am reply
謝謝你回覆, 我都打算差不多7個月才給女女試食蛋黃, 約7個半月左右試食肉, 所以緊張中間段時間女女的鐵質吸收。暫時女女食完固體, 奶量一樣沒有飲少到, 希望過渡期無咩問題。另外, 如果BB 仲意飲水, 現在還是用湯匙餵, 可以比BB 試下用杯嗎? 佢玩多個正經飲, 試過比一次(鴨咀), 但佢好心急, 濁到, 繼續試嗎? 飲得水多, 會唔會影嚮飲奶量呢? 謝謝指教。
營孖媽 at 08/21/2013 10:49 pm reply
Hello, 你地有用就好喇! 試2-3日都OK架喇~ 6個月大啱啱開始小心D就3日, 到7個月我想俾佢地多D唔同食物, 所以只試2日. 同埋如果係敏感B, 6 個月大倒一開始食其他食物都會出現敏感情況, 咁就真係要小心D. 其實美國而家新興嘅研究係話6個月大可以食肉, 不過如果BB有特別情況就要先咨詢醫生. 另外, 以下蔬果比較多鐵質: 菠菜, 深色綠葉菜, 蘋果. 可以試咗先. 到7個月大仲有其他高鐵質食物可以選擇~ 你到時再問我啦~ * 其實你仲可以加1-2匙添加咗鐵質嘅糊仔係粥俾BB食~