BB好去處(5) - 海洋公園 (有動物, 有水族館, 有纜車, 總之係好玩!)

為咗慶祝BBs Daddy 生日, 又為咗想帶11個月大嘅BBs去睇動物, 所以去咗海洋公園!

 

本來仲驚落雨要取消, 好感恩, 因為全日無落雨, 仲唔熱, 真係好好好感動啊 (因為我成個月之前已經 plan 定, 真係好想去呢!

 

今次又有意外收穫 - 孖寶去到最後一個"景點"失控 (我誇張咗D)!!! 平時可以最遠行到10步(大概2米), 今日係哩個"景點"居然不停行, 又好多嘢講!!!  

 

 

好處:

 

 - GOOD活學教育地點 (詳情下述)

- 有熊貓, 有魚, 有雀仔 (BBs好有興趣）

- 有好多唔同品種嘅動物 / 雀鳥 / 海洋生物

- 有噴水池 / 纜車 (BBs好好好鍾意）

- 場內好多枱櫈 (方便沖/餵奶/休息) 

- 生日有優惠卷 (飲食, 買嘢...etc) 

- 交通都算方便　

 

有乜可以做得好D?

 早D去到.

 

有乜需要注意?

- 10點先開門 (去之前要 check), 最好10點去到, 多D時間玩. (我地11點先去到, 遲咗少少)

- 食 : 場內有好多餐廳 /小食亭 (下面再詳述), 可自備水.

- 小BB (好似我地咁) 唔建議去"冰極" 景點, 一冷一熱, 真係比較易"攝"親 (我地都無去)

- 搭纜車, 可以一個排隊, 另一個推住BB車去前面等 (有得坐).

- 多D俾水BB飲, 因為係室外活動, 所以會口渴 D

- 帶多D餅餅, 因為有時D show 要等, 幾無聊, 可以食下餅.

- 帶D BB 鍾意, 又無咁易整污穢嘅食物

 

11:00 am 開餐先. 營孖媽預備咗<粟米瘦肉粥>, 不過唔記得帶食具 =P. 無損雅興, 就問小食亭攞碟匙 (放埋一齊又幾靚喎!). BBs用15分鐘清晒!

靚靚噴水池 (BBs 一路睇一路食)



 

第一站: 海洋奇觀 (好奇嘅孖寶: 好多魚呀! 不過點解摸唔到架!)

 

好認真睇魚嘅家姐

 

大人開餐完, 1:30pm 去睇 "天上王者" show. Surprisingly, BBs 好有興趣啊! 可能同婆婆最近成日同佢地睇雀雀有關. (btw, 家姐係會扮雀雀飛 - 兩隻手拍下拍下, 好攪笑) 

 

兩個睇到眼都唔眨, 因為真係好多唔同品種嘅雀雀.

 最後同鸚鵡影下相先.

 

2:00 pm 兩隻豬仔瞓著咗.

2:30 pm 叫咗佢地起身飲奶奶. 

 

3:00 pm 去探下熊貓先~ (熊貓好俾面, 又食竹葉, 又行來行去, BBs 睇得好入神啊!)

 

 

順道經過"金魚寶殿", D金魚又真係好靚喎!

 

一人揀咗一個紀念品. 家姐揀咗"熊貓", 妹妹揀咗"馬騮" (咦, 唔知幾時交換咗玩 ^^)

 

去搭纜車喇~ 途經 '香港老大街", 原來好多嘢食架!

有車仔麵 (大約HK$50 /碗)

有魚蛋, 豆腐花, 雞蛋仔....etc (大約HK$20 /份)

仲有好多其他選擇, 不過唔記得喇...

 

我地豬咗, 去咗餐廳食咗好普通嘅飯 (大約HK$130 /份)

估唔到孖豬咁鍾意搭纜車, 仲笑晒, 興奮! (其實我自己有少少驚, 因為好高 @__@)

Daddy 特別鍾意哩張相, 因為佢話家姐係望住佢笑~ hoho.





 

4:00pm 去到 "海洋劇場", 4:30pm 先開場, 估唔到已經坐滿一半人!

 

 

哩個開場前嘅表演都幾好, 無咁無聊, BBs仲跳下跳下, 好似跳舞咁 ^^

 

 好專心, 睇緊乜? 海豚? 海獅? 不是...........

 

 係望到遠處嘅 "機動遊戲' !!!

 



 

 

 

 

 孖豬一個好投入, 一個只係想同媽媽玩.

 
 

 

 

令孖豬失控 嘅"景點", 真係估都估唔到係............紀念品店, 居然唔肯走......這是商品的威力吧!

見到BBs揹住咁得意,  Daddy直情不用諗 !

 

番到屋企, 仲有媽媽我為Daddy準備嘅生日蛋糕, 希望Daddy鍾意啦!



 

 

 <活學教育>

- 園內教BBs動物 /雀雀 /魚魚名稱, 回家再重複練習 (用毛公仔 / 圖 + 聲音).

- 可配歌仔, e.g. Fishes, fishes, where are you?

- 平時BBs識攞某幾個佢地鍾意嘅毛公仔俾我地 / 指俾我地睇 (雞雞, 青蛙, 雀雀, 魚魚, Monkey...etc.), 嘻嘻, 今次識埋panda, penguin, dolphin...etc.), 好開心啊!