芝士有幾多鈉質? BB一天又需要幾多鈉?

很多媽媽都知道BB要低鈉飲食, 因為BB的腎臟還未完全成熟, 但究竟BB一日需要幾多鈉質? 一日幾多又為之超標?

作為註冊營養師，我當然係睇數字的，同大家分享一下我的資料搜集 =)

鈉每日建議攝取量

年齡	建議每日攝取量（毫克）	每日攝取量上限（毫克）
0-6個月大	120	沒有資料
6-12個月大	370	沒有資料
1-3歲	1000	1500
4-8 歲	1200	1900
9-13	1500	2200
14-50	1500	2300
51-70	1300	2300
>70	1200	2300
孕婦 (19-50)	1500	2300
餵哺母乳	1500	2300

*根據美國國家醫藥局（IOM）指引

食物鈉質知多D

不少加工食物都加入鹽份(鈉質)，小朋友經常進食，無疑增加了鈉的攝取量。另外，由於很多天然食材本身都有一點點鈉質(鹽份)，例如奶、芝士、乳酪、肉類等，建議家長們在寶寶2歲以下都不用額外加鹽、鼓油、雞粉這些常用調味料，因為1/5 茶匙鹽已含400毫克鈉質，接近1-3歲小朋友每日建議攝取量的一半!

食物	鈉含量
全脂奶 200毫升	100毫克
全脂乳酪150克	70-90毫克
車打芝士, 一般芝士櫃（10克）	64毫克
豬肉 (瘦) (1両 = 1滿湯匙)	35毫克
芝士絲, 總x牌, Presixxxt, Emmental (10克)	33毫克
三文魚 (1両 = 1滿湯匙)	17毫克
雞粉1/2茶匙 (約2.5克)	300毫克
鹽1/5 茶匙 (約1克)	400毫克
鼓油1茶匙 (約5毫升)	200毫克

BB 幾大可以食芝士? 

http://hk-dietitianmama.blogspot.hk/2013/12/bb-baby-cheese-bb.html

「健康版」蒸蘿蔔糕 (12m+)

好多媽媽睇完「BB 版」蒸蘿蔔糕, 話想要大BB蘿蔔糕食譜 ^^ 其實好簡單, 同大人蘿蔔糕食譜一樣, 只係不用臘腸. 哩個係偷師自「姨婆蘿蔔糕」(即係BBs姨婆) 嘅「營孖媽 - 健康版」蒸蘿蔔糕 ^O^

適合12個月大或以上

材料 (大概做到 1 飯碗的份量):

白蘿蔔200克 (去皮刨絲)

瘦肉碎2両

甘筍粒1/2湯匙

冬菇粒1/2湯匙

油1/2茶匙

糖少許 (2歲以上可加)

鹽少許 (2歲以上可加)

胡椒粉少許

粘米粉55克

水60毫升

「BB 版」蒸蘿蔔糕 (7m+)

忙完一輪, 由上星期六至今日, 一連4日講咗7堂講座, 係時候為新年打點一下~ ^O^ 今年已經係孖寶嘅第3個新年, 之前兩年佢地都好欣賞媽媽我預備嘅 BB 賀年食品, 今年大咗, 多咗好多表情同識講下嘢, 反應仲好呀!!! 今個新年, 我有幾個新作 ^^ 一定要同大家分享下~   

第一道BB賀年美食係.........「BB 版」蒸蘿蔔糕 (多謝我家孖寶給我的 inspiration)!! 我都幾滿意今次嘅新創作! (可能係史上第一個 "BB蘿蔔糕" ~) 哈~ 好吧, 只要我家孖寶欣賞, 我就心滿意足了~

BB可以食普通蘿蔔糕嗎? 答案當然是不可以, 因為 :
1) 無論自家製定買的都有臘腸, 或臘肉等高鹽份醃肉, 絕對不適合BB.
2) 用普通粘米粉做的一般比較黏稠, 跟花生醬一樣, 不適合一歲以下的寶寶, 因為有哽噎的危機 (當然我家孖寶已經2歲, 其實可以吃用粘米粉做的 ^^ 不過我自己好想試下用 "嬰兒米糊粉" 啊~ 好想睇下係咪都做到~~ 純粹滿足自己的好奇心)

材料:

白蘿蔔100克

水1/2碗

嬰兒米糊粉3滿湯匙

瘦肉碎1両

甘筍幼粒少許

油1/2茶匙

做法:

1.      白蘿蔔洗淨, 去皮, 用磨蓉器刨成粗絲, 再用刀切成1/2 - 1厘米的長度 (小BB的磨蓉).

2.      在鍋內放入白蘿蔔絲, 滾水及油煮大約10分鐘, 至白蘿蔔軟身, 加入瘦肉碎, 略煮至轉色, 即可熄火.

3.      加入嬰兒米糊粉及甘筍幼粒, 拌勻.

4.      最後, 將白蘿蔔漿倒入容器 (碗都可以), 用錫紙蓋好, 蒸15分鐘, 即成!

** 注意: 製成品唔會好似普通蘿蔔糕咁硬, 係接近 "糊狀的" (因為用咗嬰兒米糊粉)~ 不過一樣好香甜~  ^O^

** 因為寶寶還在學習吞嚥, 所以任何時候都要陪伴寶寶進餐啊~

「健康版」蒸蘿蔔糕 (12m+)

http://hk-dietitianmama.blogspot.hk/2015/02/12.html

雪梨雪耳豬腱湯

今日天氣非常乾燥, BBs 成日想飲水, 皮膚又乾燥, 最適宜煲一款滋潤湯水~  (當然係因為我自己都好想飲湯~~ )

 秋冬家中常備雪梨, 所以就算足不出門都有靚靚湯飲 ^O^

材料 (一家大細的份量):

BB pancake + BB 大判燒

<是日下午茶> pancake 是BBs一向都喜歡的, 亦因為媽媽我自己喜歡吃, 所以經常會於早餐/下午茶做~ 大判燒就真是新嘗試!!! 效果又真的很不錯!!! 嘻嘻, BBs又多一款點心~

孖寶每人吃了一個迷你大判燒 + 3-4件 mini pancake + 木瓜, 真係好滿足啊~

 

材料 (製成品份量如圖):

麵粉 1 1/4 杯
糖 2茶匙
鹽1/2茶匙

發粉 （baking powder）1湯匙

蛋1隻

奶1杯

油2湯匙

做法:

焗陳皮水 - 化痰順氣

秋風起，大人小朋友都特別容易起痰，連我自己都有D咳同痰。似乎每個家庭都會有D“秘方“，我家的“秘方“係“焗陳皮水“，今日就焗咗同BBs & BBs daddy 分享 ^v^ 保健一下~

材料:

1) 陳皮2/3個
2) 水2飯碗

做法:

1) 陳皮浸水，待軟，刮去白色的囊，放入保温瓶。
2) 水煲滾，加入已放果皮的保温瓶，焗2小時，即可飲用。

我有咳同痰，自己飲1碗.
BBs 保健各飲 1/4碗，剩餘的給 Daddy ^^

清燉雪梨蘋果無花果

秋天天氣乾燥，只飲水確實不夠滋潤，真係要煲下湯水。

屋企沒有預備特別材料, 但有蘋果雪梨. 出街前將材料全放入燉盅，回家就可以飲，實在好方便呢！

7個月大以上 BB 可飲，但雪梨、蘋果份量要減半, 不用下無花果 (淡D)。

材料 (可燉出大約4飯碗水) :

雪梨(中)4個
蘋果(中)4個
無花果亁(半濕)5粒
水大约1公升 (可隨意加減)

做法:

1) 雪梨、蘋果洗淨，去皮去芯，切成塊狀，放入燉盅。無花果乾洗淨，一開四，放入燉盅。
2) 加入滾水至最高刻度，蓋好。
3) 調教至燉2小時，即可！

湯連果肉同吃 ^O^

** 如用明火煲, 水要多一點, 大約 1.5 公升.

 

 

栗子鮮淮山排骨湯

一陣陣秋風，帶一點點的乾燥，天氣已經告訴我們，秋天來了！

BB 似乎都感覺到，常常想用手指挖鼻孔，皮膚也有一點乾燥，係時候給BB煲一些滋潤的湯水喇 ^^ 

秋天是栗子當造的季節，今天就做個栗子鮮淮山排骨湯吧！我家孖寶是非常喜歡的!

 

<營孖媽小貼士>

間中用排骨煲湯，有助BB增磅，因為排骨含有比較多的脂肪。需要減磅的寶寶，可用豬腱代替。

 

材料 (3大人+BB份量):

栗子 1磅 (=大約1斤)
鮮淮山 1-2 條 (視乎長短)
排骨 1斤 或  西施骨 /鮑魚骨 (大約$50)
水大約3公升

做法:

1) 栗子及鮮淮山去皮、洗淨。加水，同煲.
2) 排骨出水，加入已煲滾的水，中慢火煲2小時。
3) 先留起BB的份量 (可飲2天)，其餘大人飲的可加少許鹽。
4) 由於排骨可能有碎骨，所以BB的湯要用篩隔去碎骨。另加入栗子及鲜淮山同吃。

<烹飪小貼士> 

栗子選購圓形飽滿的，比較"粉" (扁的比較便宜，但亦比較硬)。

菇仔粟米仔牛肉湯烏冬 (12m+)

菇菇 - 係BBs嘅至愛之一. 點知道鍾意? (1) 有菇菇的時候都會肯坐定定食, (2) 剛開始學講嘢, 好快就講 "菇菇" (因為想食!!! 又係本能, 想食就要表達吧~) <-- 哈哈, 因為咁, 識埋叫 "姑媽" 做"姑姑".

好味都可以好容易同好快!

 需時: 15分鐘 

(下圖是BBs而家21個月大食的, 小BB食的預備時間長一點, 因為要切細D, 煮耐DD ^^)

材料 (2人2餐份量):

菇仔 1 扎 (如圖)

粟米仔 5 條

蒜頭 2粒

免治牛肉 4 両

水 1.5-2 碗

油 (1茶匙) 

烏冬3/4個 (視乎BB個別食量) - 午餐 only

 

 

做法 : 

1)  粟米仔洗淨切片(如圖), 放入滾水煮7分鐘.

2) 蒜頭去皮 (可叫BB幫忙), 刴蓉. 菇洗淨切段/粒, 連蒜蓉一起加入, 煮5分鐘.

3) 最後加免治牛肉及油, 再煮3分鍾. "餸"就完成了.

烏冬: 用另一個煲煮好, 隔水盛起. 用教剪剪短 (大約3CM長).

上碟: 在碗中先放烏冬, 再放"餸", 再加入湯, 待涼一點 (此時烏冬會吸收湯的鮮味), 就可以吃了!

 >> 餵食小貼士 <<

 BBs 嘅聯想力越來越好！今日食到一半悶悶地想落地，媽媽我急忙想出一招！“你睇下D粟米仔，好似小車軚！咁得意嘅！我地食小車軚咯！“ BBs最近好鐘意睇車軚，一聽到，即刻坐定定食~ ^O^ (感謝BBs, 連媽媽的想像力都好咗~以前絕對聯想唔到)

  真係好好味啊!!! BBs Daddy 問點解無預佢 =P wakaka, 係喎, 下次煮多D先 ^O^

青木瓜牛肉通粉

青木瓜除了煲魚湯，煮餸都是很好味的！

木瓜，又稱“ 萬壽果“。中國人叫它 “萬壽果“ 是不無因由的，它的營養價值確實豐富，有豐富維他命A，食用纖維，天然抗氧化物...等。

木瓜同牛肉仲好夾，因為木瓜有"木瓜蛋白酶“ (papain)，即 “木瓜酵素“，會令牛肉 “淋“ 一點點！

今天的青木瓜真的很靚，不太青，帶少少粉紅色，味道很清甜~ 最緊要是BBs都很喜歡吃呢！

需時: 25分鐘

材料 (2人2餐份量):

青木瓜切粒1碗
免治牛肉4両
水1- 1.5 碗
油1茶匙

做法:

1) 待水滾，加入青木瓜粒，慢火煮15分鐘。
2) 加入免治牛肉及油，再煮5分鐘，即可！

青木瓜雞蓉 (8個月大食譜):

 http://hk-dietitianmama.blogspot.hk/2013/08/blog-post_22.html

西湖牛肉羮烏冬 (12m+)

<香草香料入門>

超快的食譜。哈哈，因為芫荽很香，所以BB好鐘意呢！

需時: 15分鐘

材料 (2人2餐份量) :

芫荽1小扎 (如圖) - 影相時 Kaylie BB 已瞓醒了, 攞住沙灘耙攪攪陣 ~ ^O^

免治牛肉4両
蛋白1隻
水1 - 1.5 碗
油1-2茶匙

做法 :

1) 芫荽洗淨，浸1小時，切成1-2厘米長。
2) 水煮沸，加入芫荽，待滾起，加入免治牛肉及油，煮3分鐘。
3) 略“發“蛋白，加入略拌，再煮2分鐘，即成！

烏冬 : 今次用乾的，煮好，隔水，加入煮好的湯羹，即成！

<註> 我没有加粟粉水，所以比較似湯~ ^^ 

yummy yummy~~~

 

 如前一日食比較 "熱氣" 的菜式, 第二天就最適合食這道 "西湖牛肉羮".

蒸藕餅:

 http://hk-dietitianmama.blogspot.hk/2014/05/blog-post_25.html

 

蘑菇南瓜三文魚濃湯

雪櫃有放了一星期的小南瓜 (未切開)，昨天本來想買忌廉，今日煮「忌廉南瓜湯」給BBs，不過居然售罄！都好，等我趁機會試下用全脂奶代替忌廉 ^^ 結果反應非常好！BBs將媽媽預備的份量，全部吃光光 (連配菜: 菜心及通粉)！

我自己係一個超級南瓜fans, 無論蒸、煮、炆、做甜品，我都超愛！所以家中常常會出現南瓜 ^O^

 

需時: 30分鐘

材料 (2人2餐份量):

小南瓜 (手掌大) 1個

蘑菇6粒

三文魚柳1件 (大約4両)

水1碗

牛奶1碗

油1茶匙

做法:

1) 南瓜洗淨，去皮去核，切粒 (大約1x1x1cm), 加水，同煮20分鐘至軟身。用匙略壓成蓉，留1/3不壓，多點口感。

2) 轉中火，加入切片蘑菇、牛奶、油、切塊三文魚, 待滾，轉慢火，再煮5分鐘，即成！

午餐配通粉 + 菜心，晚餐配小米飯 + 菜心。

 

毛豆瘦肉

 大孖BB咀仔傷口仲未好, 真係要"補一補" ! 除了魚湯, 淮山瘦肉湯, 食物方面也要溫和一點的, 尤其是因為今次有個傷口係口. 雖然事隔4 日, 但傷口仍未埋晒.

<毛豆> 即大豆 (又稱"soy bean", "edamame") 的BB (即日本人叫的 "枝豆").

營養價值豐富, 含豐富:

(1) 蛋白質 - 有傷口戒食蛋, 食豆可以補充蛋白質

(2) 維他命B雜 - 有助傷口癒合

由於我是"浙江人", 所以其實大人平時都不時會做毛豆的菜式 ^O^ yummy~

P.S. 今次係我家菲姐姐煮的, 都算煮得幾好 ^^ 

 

 

材料 (2人2餐份量): 

 毛豆1飯碗

瘦肉粒4両

 水

油1茶匙

做法:

1) 毛豆洗淨, 加水, 煮20分鐘.

2) 加入瘦肉粒及油再煮10分鐘, 即可! 

 

粟米仔露筍瘦肉飯

簡易家常小菜。

需時: 20分鐘

材料 (2人2餐):

粟米仔
露筍
瘦肉粒4両
水大半碗
麻油1茶匙

做法:

1) 粟米仔及露筍切粒 (如圖)。
2) 水滾，加入粟米仔煮5分鐘，再加入露筍粒及瘦肉粒煮10分鐘。
3) 熄火後加入麻油，拌均，即可！

健康增磅之選: 烚腰果

BB除了吃餅、水果、包....作零食，還有什麼健康之選？ 我家孖寶至愛之一 --- 果仁！

<營養焦點> 果仁: 含豐富植物不飽和脂肪酸，維他命E, 有助BB健康增磅。

*適合一歲以上BB. (但第一次食要注意有沒有食物敏感)

材料: 

生果仁，如合桃、腰果、松子 (即未經烤焗).....適量

水 (可以放多一點, 因為果仁會吸很多水)

做法: 

果仁連水一起煮滾，轉慢火，煮2小時，至淋 (程度是可用匙壓成蓉的 "淋" 度)，待冷卻，即可食用！可放雪櫃2天。

餵食方法: 初食可先“搣“细 ，待BB習慣後, 可給BB自己咬就可以。

另外，可煲湯時加入，那就不用另外煮。

BB "穀麥條" 系列: 牛油果穀麥條 Avocado cereal bar (8m+)

孖寶今天的早餐 :

每人吃了 ~~

牛油果穀物條2條 + 黑芝麻燉蛋半隻 + 奶4安

Yummy yummy~ 

 

材料如下: 做法超簡單，但有少少技巧，就是要 "壓一壓", 那穀麥就會黏在牛油果上.

 穀麥 : 今次用了 "數字形" ^^ (12m+), 但亦可選用 8m可食的.

: