迪迪尼~~

早上有幸得到大台到訪，好榮幸呀😍😍。由於今個星期六日要工作，所以4點幾都同孖寶入園玩番轉~ 孖寶第一次主動話要同大公仔影相 (我又自我感動喇，因為之前都仲話好驚，似乎又大個咗喇😋😋😄)
#我好jealous呀
#攬得仲實過攬住我
#工作時工作
#遊戲時遊戲

【營孖媽】 好去處

孖寶又大個咗喇~ 以前都唔夠膽摸狗狗😍😍，而家好好好鐘意呢🙈所以尋日一齊去 #愛護動物協會 攪嘅嘉年華~
#攪攪震
#FamilyDay

你快樂所以我快樂~~

不經不覺，孖寶學游水水半年喇！由初初好cool咁對教練，到而家成日同教練傾計，作為媽媽，見到佢地咁開心，我真係巧巧巧開心呀！💋💋💋💋💋💋💋💋💋💋💋😍😘💔👄

#運動是很重要的
#你快樂所以我快樂

BB 大冬瓜

多謝舅公公送個大冬瓜俾我地 (係教會婆婆自己種架~)

#唔知邊個係大冬瓜呢

#左邊係我的大冬瓜

孖寶婆婆自家種植

♡婆婆自家種植 “即食菜"♡ 一個月前佢同孖寶一齊種嘅潺菜、番薯苗收成喇！😍😍不得不佩服我媽 (我要頒個最佳暑期作業獎俾佢！) 
#佢知道我靜雞雞同你地分享
#成日問我幾點番
#佢話要即摘即影相即食

孖寶學畫圖畫 (暑假 : 興趣及潛質發掘篇一) =^^=

暑假前夕, 婆婆特別叮囑要我幫孖寶報暑期班, 什麼也好, 有地方玩下就OK. 我真係有報(不過好遲先報, 所以其實無乜選擇....)! 其中一樣係畫畫班, 對於 3歲7個月大嘅小人兒, 我沒有特別目標, 只要開心, 喜歡, 享受過程就好了, 不過又有意外驚喜 =)

原來有老師教真係好好, 我又要讚讚老師們 ^O^

3歲7個月大嘅小人兒,

第一堂回來, 晚上竟然一邊在背紅橙黃綠青藍紫, 一邊搵相對嘅顏色筆! (我自從工作日漸忙碌, 真係少咗好多時間同孖寶玩..... 雖然日常有一齊畫下圖畫, 不過老老實實, 我只教了紅黃藍綠...), 心裡面真係好開心!!! =^O^=

第二堂回來, 給我看看堂上畫的畫 (下圖 - 上面的), 真係好靚靚啊~ (不過我當然知道很多是老師畫的吧~ ) 不過真係又要讚老師 !!! (係激讚!!)
我 : 你地畫得好靚靚啊~~
孖寶 :  媽媽, X sir 話, 叫我地番屋企跟住再畫啊~ (隨即即刻攞筆, 攞紙, 仲坐低好專心咁畫!!)
我 : (心裡驚訝, 乜老師咁好, 叫佢地番黎練習, 我都無諗過添!!! =P 而且小朋友特別聽老師話 ^^)
(下圖就係屋企嘅自己一個人完成嘅作品)
孖寶 : 我畫完喇~ (兩個都好好好開心, 仲自己攞去窗檯晒乾)
婆婆 : 下次帶去俾 X sir 睇好唔好呀?
孖寶 : 好有滿足感咁, 話要俾 X sir 睇~
我 : (我知道在其他人的角度, 兩幅畫有一幅叫做"靚DD", 不過在我作為媽媽的角度, 我只看到 "一樣的努力", "一樣的投入", "一樣開心的小人兒")  =)

作為孖B媽媽, 我時常提醒自己, 我知道別人或多或少都會將她們比較起來, 但我作為媽媽的, 一定要持守 "不比較", 因為每個人都有自己的長處及興趣, 我....真係邊做邊學 "如何發掘自己小朋友嘅興趣及潛質"? <-- (其實有潛質, 自然會做得得心應手D, 係咪就會有多D興趣呢?)

過了一個星期, 婆婆似乎比我更有興趣想知孖寶對哪種活動有多D興趣, 佢用咗一個方法, 我下次再自己問下, 再分享~~ ^^

係咪都幾似呢? (我都要讚下自己, 因為本來阿B話唔識畫架, 不過在我用我謹餘嘅畫畫知識 "全部用圓形啦" 嘅指點下, 又幾OK喎 =P wakaka~

第三堂 : 我有D鬆懈了, 忘記孖寶去了畫畫, 婆婆應該係因為見我食完晚飯都無問畫畫嘅事, 所以主動叫孖寶攞畫俾我睇, 同時也分享了一則軼事.
婆婆: 今日上堂, 看到有小朋友的畫簿都粘貼在一起, 要 X sir 幫忙 "撕開", 然後 X sir 話其實都幾常見, 應該是因為回家沒有打開過看吧.....
我: (真的很感恩, 係喎, 如果唔係婆婆, 我家孖寶的畫簿下星期都會粘貼在一起! 這下子真係好好嘅提醒, "家校合作" 其實真係好重要 <--- 我都要努力, 學習做個稱職嘅 "媽媽") ^O^.

去癲，去玩

‪#‎工作時工作遊戲時遊戲‬
‪#‎假日好去處‬
‪#‎playright‬
‪#‎playscope‬

孖寶第一次「整餅」BBs first cookie baking ^O^ (附食譜)

3歲1個月大的孖寶第一次自己整 cookie (唔好意思, 今次隔咗成 3個月先分享, 不過我知道跟開我blog 嘅媽媽係唔會介意嘅~~ 因為大家工作湊B都好忙, 一定會明白我的 ^^)

物資:
2個B需要 2個大人陪同
牛油紙 + 膠紙 (用來鋪枱)
麵糰棍
曲奇模
圍裙 (er......好明顯係即興, 所以無預備, 用媽媽的衫衫吧~)
一個碗 (放少少麵粉)
焗盤 (上放牛油紙)

無蛋曲奇 (<------- 定餅乾?)

<材料> (可做 2 底)
低筋麵粉       110克
黑糖                        30克
奶                                36毫升 (即大約 2湯匙多少少)
植物油                30毫升 (即大約 2湯匙)

<做法>

1.      先取出焗盤、焗爐預熱攝氏200度10分鐘。

2.      在一大碗加入低筋麵粉及黑糖，拌勻。

3.      然後加入奶及植物油，用匙略拌一下，再用手拌成麵糰。

4.      把麵糰分成 2 份， 放在鋪了牛油紙的枱上，用 麵糰棍壓成薄片 (約 2-3 mm厚)，再用曲奇模塑形。

5.      放入焗爐以攝氏180度焗13-15分鐘，即成。

<營孖媽小貼士>

*奶也可以換作荳奶或米奶，成為「無奶無蛋餅乾」。

<親子製作小貼士>
- 流程: 大人先整麵團 --> 同小朋友一齊做準備 (如鋪枱) --> 洗手 --> 開始製作 (大人盡量只從旁邊提點, 當小朋友要求, 先幫忙, 例如唔夠力 "壓")  

 

準備好, 可以入焗爐喇~ (放入焗爐就危險D, 要大人幫手喇~)

出爐喇! (因為黑糖比較粗粒, 所以食嘅時候會感覺有D位甜D, 有D位無咁甜) <------ 不過我就偏偏比較鐘意這種隨意嘅做法 =)

係我最少嘅輔助下, 孖寶嘅第一次成品都見得下人 =)

BB 好去處 : 拔紅蘿蔔 @ 農莊 (Carrot picking @ Farm)

話說 BBs 太婆婆及太公公以前是種菜的，家住村屋，屋前及附近有數塊菜田，所以媽媽我小時有很多親親大自然的機會，可以時常與蝴蝶、蜻蜓、蝸牛、雞雞為伴，夜間又可以睇星星，亦因為這樣，我是非常非常喜歡綠油油的菜田的 ~ 最鐘意幫大人收割新鮮蔬菜，然後睇我外公做菜，一齊食自己收割的蔬菜，而當中最好玩的要數 “拔甘筍“！(其實我到而家都好鐘意 ^O^)

BB 第一次去壽司店

  BB第一次同媽媽去食壽司~ 咁BB可以食乜? 今日係下午茶時間去, 所以給BBs 叫了一些點心吃~ 

家姐瞓完小睡, 先開始食 "枝豆"

20個月大嘅小人兒, 小手手"剝"起枝豆似模似樣, 真係好可愛啊~~

一方面BB可以坐定定, 另一方面又可以訓練BB小手手的小肌肉, 真係好好架~

妹妹之後醒咗, 有家姐預備嘅豆豆 + 蛋蛋, 開心到呢~

   

 

<< 暢遊元朗大棠荔枝園 >> ~Kara & Kaylie's 1st Animal Farm Visit~

雖然天氣好熱, 但一直好想帶孖寶睇下動物. 上星期六終於"的"起心肝, 全家出動! 其實我對該園的期望是相當高 (聽人講得多, 但我自己都係第一次去), 但.....確實有點失望, 因為設施比較舊. 不過對於小朋友來說, 還是值得一去, 因為都有好多動物 ^O^ Kara & Kaylie 第一次睇牛牛, 馬馬, 羊羊, 好多好多魚魚, 烏龜, 孔雀, 仲有在樹上的香蕉, 木瓜.....

番到屋企, 仲好記得魚魚, 牛牛, 同扮"摘"香蕉 ^O^, 仲"Moo Moo"聲咁叫~
最後....... 同場加映 "爆車胎" (設施真係一般, 馬路在修葺中), 去到大欖隧道先發現, 好在隧道嘅工作人員真係好好好好!!! 幫我地換車胎呢! 真係好好彩!!

嘩嘩嘩 !!! 真係第一次見咁多彩色魚魚~ 好得意啊~

 

蓮霧? 在樹上的, 媽媽都係第一次見 !!!

  

  

Kara & Kaylie: 香蕉平時食得多, 在樹上的我都係第一次見! 等我摸下先~

 

羊羊好臭臭啊 !!!

 

 哈哈, Kara 話: 馬馬咁大隻, 我有D驚驚, 走喇!!!

{自理練習#1} 自己去皮去核

BBs18個月大, 係時候練習自理。雖然之前都有半玩半練習，不過媽媽我係時候再放手多一點，讓BBs有多一點空間去學習自己照顧自己 ^^ 

今日就讓BBs 自己去皮去核食枇杷 ^^ BBs 好叻叻啊！自己邊食邊去皮，將整個枇杷吃光光！

餵食方法:

先將枇杷的一頭切去 (我就自己咬 : p), 然後給 BBs自己拿著吃. 邊吃邊講解，那BB就可以學習喇 ^^ 

BB好去處(6) - 馬灣 (有沙灘, 有飛機, 有橋, 好玩!)

星期日即興去咗馬灣, 原本只係諗住俾BBs睇下狗狗, 意外地可以落沙灘玩!!! 呵呵~~ 其實營孖媽我想帶BBs去沙灘想咗好耐, 不過 BBs Daddy 話驚BBs 食沙, 所以一路都無得去.....(我係想俾BBs感覺一下沙沙嘅感覺)

好處:

 

- 有沙灘, 有橋, 有雀雀

- 有飛機 (BBs第一次咁近距離睇飛機! 覺得好得意啊~）

- 沙灘邊有幾間食肆 (方便沖/餵奶/休息) 

- 交通都算方便　

 

有乜可以做得好D?

 早D去到. (今日去到成3:30, 玩一陣就要走.....只可以去到沙灘) 

 

有乜需要注意?

Little K 整損咗腳指仔 (沙灘唔多唔少都有D貝殼之類嘅嘢), 盡量行D幼D嘅沙.

 

 因為啱啱識行, 又無預落沙灘, 無帶沖涼物品, 所以要全程拖住, 影咗好少相咋!

BB好去處(5) - 海洋公園 (有動物, 有水族館, 有纜車, 總之係好玩!)

為咗慶祝BBs Daddy 生日, 又為咗想帶11個月大嘅BBs去睇動物, 所以去咗海洋公園!

 

本來仲驚落雨要取消, 好感恩, 因為全日無落雨, 仲唔熱, 真係好好好感動啊 (因為我成個月之前已經 plan 定, 真係好想去呢!

 

今次又有意外收穫 - 孖寶去到最後一個"景點"失控 (我誇張咗D)!!! 平時可以最遠行到10步(大概2米), 今日係哩個"景點"居然不停行, 又好多嘢講!!!  

 

 

好處:

 

 - GOOD活學教育地點 (詳情下述)

BB好去處(1) - 南昌公園 (有草地, , 不可帶狗)

文章日期：09/18/2013 11:37 pm

BB開始大個 (大約8個月大), Mami 好想帶BBs出街去多D唔同地方玩啊, 尤其係去有草地嘅地方! 可以見多D唔同嘅嘢, 又可以呼吸新鮮嘅空氣~

經過BBs Daddy 嘅精心挑選, 我地今次就去咗 [ 南昌公園 ] ! To my surprise! Its very nice!!! 天氣又好好, 所以真係好開心啊!

Big K & Little K 好enjoy 係草地上面玩啊 (雖然係隔咗張MAT)~


好處:

Baby art jamming 孖寶都畫畫

文章日期：09/14/2013 12:06 am

又差Ｄ漏咗一篇超想同大家分享嘅！話說我自己比較鍾意有心思嘅禮物，所以之前父親節同BBs一齊做咗哩兩幅畫送俾老公作為孖寶送俾daddy 嘅第一份父親節禮物。

BBs６個月大時整，所以有少少難度，因為佢地嗰時未識坐。不過好在最後都順利完成～～　Yeah~~~

最想分享嘅係Ｄ＂顏料＂，本來想買有機現成的，不過好似外國先有。所以最後決定自製！原來超簡單！

紅色：紅莧菜（紅菜頭都得），洗淨，用少少滾水煮５－１０分鐘（會見到Ｄ水變紅紅地色）
綠色：菠菜，一樣做法～

建議：
１）到ＢＢ８個月大先試，因為佢地會好enjoy, 一路玩一路食。我地８個月大時仲會開Ｄ糊, 南瓜....俾佢地＂玩＂（佢地係會食架，不過因為都係平時食開嘅嘢食，所以可以安全放心玩）＊＊哩個遊戲最主要想ＢＢ認識食物。平時用口接觸就多，所以希望間中俾ＢＢ自由試下用手仔接觸食物嘅質感，同埋自己食mum mum。
２）著住＂舊衫玩＂，咁就唔驚Ｄ色染落衫到。　＊＊我地兩個頭一次係只著片片，因為影相得意Ｄ
３）放係暗涼嘅地方一星期倒，就會乾透。然後可以過膠保存～

＊＊　好想分享BBs玩緊嘅相，不過佢地Daddy 話太 sexy..... 

   

mondy at 09/14/2013 04:46 pm comment

好有心意~~~~

營孖媽 at 09/15/2013 11:22 pm reply

Mondy: 其實係我想玩多D~ HAHA~

Baby art jamming 孖寶都畫畫

文章日期：09/14/2013 12:06 am

又差Ｄ漏咗一篇超想同大家分享嘅！話說我自己比較鍾意有心思嘅禮物，所以之前父親節同BBs一齊做咗哩兩幅畫送俾老公作為孖寶送俾daddy 嘅第一份父親節禮物。

BBs６個月大時整，所以有少少難度，因為佢地嗰時未識坐。不過好在最後都順利完成～～　Yeah~~~

最想分享嘅係Ｄ＂顏料＂，本來想買有機現成的，不過好似外國先有。所以最後決定自製！原來超簡單！

紅色：紅莧菜（紅菜頭都得），洗淨，用少少滾水煮５－１０分鐘（會見到Ｄ水變紅紅地色）
綠色：菠菜，一樣做法～

建議：
１）到ＢＢ８個月大先試，因為佢地會好enjoy, 一路玩一路食。我地８個月大時仲會開Ｄ糊, 南瓜....俾佢地＂玩＂（佢地係會食架，不過因為都係平時食開嘅嘢食，所以可以安全放心玩）＊＊哩個遊戲最主要想ＢＢ認識食物。平時用口接觸就多，所以希望間中俾ＢＢ自由試下用手仔接觸食物嘅質感，同埋自己食mum mum。
２）著住＂舊衫玩＂，咁就唔驚Ｄ色染落衫到。　＊＊我地兩個頭一次係只著片片，因為影相得意Ｄ
３）放係暗涼嘅地方一星期倒，就會乾透。然後可以過膠保存～

＊＊　好想分享BBs玩緊嘅相，不過佢地Daddy 話太 sexy..... 

   

mondy at 09/14/2013 04:46 pm comment

好有心意~~~~

營孖媽 at 09/15/2013 11:22 pm reply

Mondy: 其實係我想玩多D~ HAHA~