【BB食譜】紅菜頭翠玉瓜三文魚薯蓉, 紅椰菜雞蓉 (適合7-12個月大的寶寶)

近日在鑽研BB食譜時作左新嘗試，利用Tommee Tippee嬰兒食物蒸煮攪拌器Steamer blender來定制左幾個健康簡單食譜，希望幫到忙碌媽媽減去安排BB餐單嘅煩惱！想了解多D蒸連攪拌嘅function可以Click入去睇下: https://goo.gl/v0NpSh！=) 

(適合7-12個月大的寶寶)

紅菜頭翠玉瓜三文魚薯蓉

【材料】(可製220毫升成品)

紅菜頭60克

翠玉瓜15克

馬鈴薯80克

三文魚40克

【做法】

1. 在水箱內加入450毫升水(一般水)，蓋好。

芝士有幾多鈉質? BB一天又需要幾多鈉?

很多媽媽都知道BB要低鈉飲食, 因為BB的腎臟還未完全成熟, 但究竟BB一日需要幾多鈉質? 一日幾多又為之超標?

作為註冊營養師，我當然係睇數字的，同大家分享一下我的資料搜集 =)

鈉每日建議攝取量

年齡	建議每日攝取量（毫克）	每日攝取量上限（毫克）
0-6個月大	120	沒有資料
6-12個月大	370	沒有資料
1-3歲	1000	1500
4-8 歲	1200	1900
9-13	1500	2200
14-50	1500	2300
51-70	1300	2300
>70	1200	2300
孕婦 (19-50)	1500	2300
餵哺母乳	1500	2300

*根據美國國家醫藥局（IOM）指引

食物鈉質知多D

不少加工食物都加入鹽份(鈉質)，小朋友經常進食，無疑增加了鈉的攝取量。另外，由於很多天然食材本身都有一點點鈉質(鹽份)，例如奶、芝士、乳酪、肉類等，建議家長們在寶寶2歲以下都不用額外加鹽、鼓油、雞粉這些常用調味料，因為1/5 茶匙鹽已含400毫克鈉質，接近1-3歲小朋友每日建議攝取量的一半!

食物	鈉含量
全脂奶 200毫升	100毫克
全脂乳酪150克	70-90毫克
車打芝士, 一般芝士櫃（10克）	64毫克
豬肉 (瘦) (1両 = 1滿湯匙)	35毫克
芝士絲, 總x牌, Presixxxt, Emmental (10克)	33毫克
三文魚 (1両 = 1滿湯匙)	17毫克
雞粉1/2茶匙 (約2.5克)	300毫克
鹽1/5 茶匙 (約1克)	400毫克
鼓油1茶匙 (約5毫升)	200毫克

BB 幾大可以食芝士? 

http://hk-dietitianmama.blogspot.hk/2013/12/bb-baby-cheese-bb.html

白汁蘑菇三文魚燴通粉

白汁蘑菇三文魚燴通粉

(適合9個月大或以上)

【需時】30分鐘

好多媽媽都知道一歲以下的BB, 不應以普通牛奶取代母乳或嬰兒配方奶, 但好少媽媽知道原因. 其實原因有二, 第一係因為普通牛奶不像配方奶般容易被1歲以下的寶寶完全消化, 第二係因為普通牛奶會加重寶寶未完全發育的腎臟. 為咗令孖寶多D營養, 我就諗咗個用配方奶粉代替普通牛奶嘅BB白汁食譜, 孖寶好鍾意呀 (無白費媽媽的一番努力) ^O^

【材料】(2餐份量)

蘑菇粒3-4滿湯匙 (大約1/2厘米的大小)

三文魚粒 2滿湯匙 (大約1/2厘米的大小)

白汁材料：

牛油1茶匙

水1/2碗

配方奶1/2碗

麵粉1-2茶匙 (可用淮山粉代替)

嬰兒貝殼通粉6滿湯匙 (未煮)

【做法】

1.          放適量的通粉在滾水中，用慢火煮8分鐘，關火後不要打開煲蓋，讓通粉繼續「焗」最少15分鐘，餘溫可令通粉完全熟透，若想通粉更軟身和滑些，可「焗」30-45分鐘。

2.          取出通粉，隔去水份, 備用。

3.          牛油下鍋, 慢火,下麵粉, 邊攪拌, 加入水及蘑菇粒煮10分鐘.

4.          加入配方奶煮滾, 再加三文魚粒煮8分鐘, 拌入通粉即可!

【營孖媽小貼士】

²  我就用左雀巢®超級能恩®3號奶粉整哩個白汁, 因為孖寶飲開, 對佢嘅味道會熟識D~ 大家都可以用BB平時飲開嘅奶粉整.
²  一歲前不建議用普通牛奶，如家人患有過敏性疾病，BB患有一種或多種過敏性疾病的機會比平常人高30至40%! 根據美國兒科學會嘅建議，可選用pHF水解蛋白配方奶粉(partially hydrolyzed protein formula)，有助預防BB患上敏感症或濕疹，詳情可參考：https://goo.gl/acWZyw。
²  蘑菇有豐富的水溶性膳食纖維, 適量地加入寶寶的餐單, 有助預防便秘.
²  在寶寶的餸菜加入奶, 可以增加寶寶吸收的營養.
²  三文魚、紅衫魚、大眼雞魚、沙甸魚等含豐富DHA, 有助寶寶的視力及神經系統發展.

#資料由雀巢營養天地贊助

BB幾大可以食乳酪 ?

好多媽媽話小朋友大大下無咁鍾意飲奶 (不過我孖寶3歲半仲好鍾意飲奶奶架)，驚小朋友唔夠鈣質，其實都可以選擇一D高鈣食物，例如乳酪，增加一下鈣質嘅吸收! 乳酪有豐富鈣質及維他命D，屬於食物金字塔的「奶類及代替品」!

另外，乳酪含有益生菌，研究顯示益生菌能：

1.          改善腸道健康，有助提升免疫力

2.          預防及治療兒童傳染性腹瀉，尤其是服用抗生素引致的腹瀉

3.          預防及治療小兒濕疹

正所謂習慣從小起，所以如果等到小朋友2-3歲先第一次試乳酪，小朋友亦可能因為不習慣而不吃，哪究竟BB幾大可以食乳酪? 美國兒科學會嘅官方答案係6個月大，不過我家孖寶都大約8個月大先開始食 =)

智選乳酪俾BB :

                                            i.                不含添加糖份 (只有果汁作成份)

                                          ii.                無防腐劑或其他人造色素或添加劑

                                        iii.                除了傳統普通乳酪，仲可以試希臘乳酪

<營孖媽小貼士>

l   無論是什麼包裝，可先倒出一點在另一個碗中，用匙餵BB。其餘的蓋好可放雪櫃，一般可放24小時。

l   可自行加入水果蓉及BB餅，製作成風味獨特的BB芭菲 (yogurt parfait)作BB下午茶。

l   夏天的時候，可將乳酪放入容器，製作冰條給BB吃。

孖寶食嘅其中一款乳酪 ^^

「BB 版」蒸蘿蔔糕 (7m+)

忙完一輪, 由上星期六至今日, 一連4日講咗7堂講座, 係時候為新年打點一下~ ^O^ 今年已經係孖寶嘅第3個新年, 之前兩年佢地都好欣賞媽媽我預備嘅 BB 賀年食品, 今年大咗, 多咗好多表情同識講下嘢, 反應仲好呀!!! 今個新年, 我有幾個新作 ^^ 一定要同大家分享下~   

第一道BB賀年美食係.........「BB 版」蒸蘿蔔糕 (多謝我家孖寶給我的 inspiration)!! 我都幾滿意今次嘅新創作! (可能係史上第一個 "BB蘿蔔糕" ~) 哈~ 好吧, 只要我家孖寶欣賞, 我就心滿意足了~

BB可以食普通蘿蔔糕嗎? 答案當然是不可以, 因為 :
1) 無論自家製定買的都有臘腸, 或臘肉等高鹽份醃肉, 絕對不適合BB.
2) 用普通粘米粉做的一般比較黏稠, 跟花生醬一樣, 不適合一歲以下的寶寶, 因為有哽噎的危機 (當然我家孖寶已經2歲, 其實可以吃用粘米粉做的 ^^ 不過我自己好想試下用 "嬰兒米糊粉" 啊~ 好想睇下係咪都做到~~ 純粹滿足自己的好奇心)

材料:

白蘿蔔100克

水1/2碗

嬰兒米糊粉3滿湯匙

瘦肉碎1両

甘筍幼粒少許

油1/2茶匙

做法:

1.      白蘿蔔洗淨, 去皮, 用磨蓉器刨成粗絲, 再用刀切成1/2 - 1厘米的長度 (小BB的磨蓉).

2.      在鍋內放入白蘿蔔絲, 滾水及油煮大約10分鐘, 至白蘿蔔軟身, 加入瘦肉碎, 略煮至轉色, 即可熄火.

3.      加入嬰兒米糊粉及甘筍幼粒, 拌勻.

4.      最後, 將白蘿蔔漿倒入容器 (碗都可以), 用錫紙蓋好, 蒸15分鐘, 即成!

** 注意: 製成品唔會好似普通蘿蔔糕咁硬, 係接近 "糊狀的" (因為用咗嬰兒米糊粉)~ 不過一樣好香甜~  ^O^

** 因為寶寶還在學習吞嚥, 所以任何時候都要陪伴寶寶進餐啊~

「健康版」蒸蘿蔔糕 (12m+)

http://hk-dietitianmama.blogspot.hk/2015/02/12.html

雪梨雪耳豬腱湯

今日天氣非常乾燥, BBs 成日想飲水, 皮膚又乾燥, 最適宜煲一款滋潤湯水~  (當然係因為我自己都好想飲湯~~ )

 秋冬家中常備雪梨, 所以就算足不出門都有靚靚湯飲 ^O^

材料 (一家大細的份量):

清燉雪梨蘋果無花果

秋天天氣乾燥，只飲水確實不夠滋潤，真係要煲下湯水。

屋企沒有預備特別材料, 但有蘋果雪梨. 出街前將材料全放入燉盅，回家就可以飲，實在好方便呢！

7個月大以上 BB 可飲，但雪梨、蘋果份量要減半, 不用下無花果 (淡D)。

材料 (可燉出大約4飯碗水) :

雪梨(中)4個
蘋果(中)4個
無花果亁(半濕)5粒
水大约1公升 (可隨意加減)

做法:

1) 雪梨、蘋果洗淨，去皮去芯，切成塊狀，放入燉盅。無花果乾洗淨，一開四，放入燉盅。
2) 加入滾水至最高刻度，蓋好。
3) 調教至燉2小時，即可！

湯連果肉同吃 ^O^

** 如用明火煲, 水要多一點, 大約 1.5 公升.

 

 

栗子鮮淮山排骨湯

一陣陣秋風，帶一點點的乾燥，天氣已經告訴我們，秋天來了！

BB 似乎都感覺到，常常想用手指挖鼻孔，皮膚也有一點乾燥，係時候給BB煲一些滋潤的湯水喇 ^^ 

秋天是栗子當造的季節，今天就做個栗子鮮淮山排骨湯吧！我家孖寶是非常喜歡的!

 

<營孖媽小貼士>

間中用排骨煲湯，有助BB增磅，因為排骨含有比較多的脂肪。需要減磅的寶寶，可用豬腱代替。

 

材料 (3大人+BB份量):

栗子 1磅 (=大約1斤)
鮮淮山 1-2 條 (視乎長短)
排骨 1斤 或  西施骨 /鮑魚骨 (大約$50)
水大約3公升

做法:

1) 栗子及鮮淮山去皮、洗淨。加水，同煲.
2) 排骨出水，加入已煲滾的水，中慢火煲2小時。
3) 先留起BB的份量 (可飲2天)，其餘大人飲的可加少許鹽。
4) 由於排骨可能有碎骨，所以BB的湯要用篩隔去碎骨。另加入栗子及鲜淮山同吃。

<烹飪小貼士> 

栗子選購圓形飽滿的，比較"粉" (扁的比較便宜，但亦比較硬)。

青木瓜牛肉通粉

青木瓜除了煲魚湯，煮餸都是很好味的！

木瓜，又稱“ 萬壽果“。中國人叫它 “萬壽果“ 是不無因由的，它的營養價值確實豐富，有豐富維他命A，食用纖維，天然抗氧化物...等。

木瓜同牛肉仲好夾，因為木瓜有"木瓜蛋白酶“ (papain)，即 “木瓜酵素“，會令牛肉 “淋“ 一點點！

今天的青木瓜真的很靚，不太青，帶少少粉紅色，味道很清甜~ 最緊要是BBs都很喜歡吃呢！

需時: 25分鐘

材料 (2人2餐份量):

青木瓜切粒1碗
免治牛肉4両
水1- 1.5 碗
油1茶匙

做法:

1) 待水滾，加入青木瓜粒，慢火煮15分鐘。
2) 加入免治牛肉及油，再煮5分鐘，即可！

青木瓜雞蓉 (8個月大食譜):

 http://hk-dietitianmama.blogspot.hk/2013/08/blog-post_22.html