甘筍粟米甜豆薯仔瘦肉煲

雖然而家已經係秋/冬, 但都無阻營孖媽我煮<Spring Casserole>嘅雅興~ 顏色係唔係好靚呢? 不只顏色靚, 仲好好好味添啊! BBs 11個月大, 開始識行行, 突然對食物無咁有興趣, 因為覺得行行實在太有趣, 其他事, 例如"食", 會覺得相對無咁有趣, 所以營孖媽我都要諗D方法, 令BBs對D食物有多D興趣呢~

做法:
1) 將所有材料切粒粒. (如下圖)

2) 將薯仔粒放入滾水, 煮大約30分鐘至腍, 即可放入免治肉碎 (要加少少水攪拌才下鍋, 否則一下鍋會結成一"舊"), 攪拌一下, 再煮10分鐘, 就可以熄火 (完成品如圖下右).
3) 甘筍, 粟米粒, 甜豆放入滾水, 煮大約15-20分鐘至腍, 盛起. 用攪拌機攪至"幼粒粒狀" (視乎BB接受嘅程度), 即成! (如圖下左).

哩個食譜都算容易, 而且係BBs 近來肯乖乖好快食完 (仲想添食) 嘅食譜呢~