《Ohpama》拆解8個與嬰幼兒飲果汁有關的迷思 (13/7/2016)

【BB應否飲果汁？果汁可以改善便秘？】
最近接受咗Ohpama嘅專訪，同大家分享下~😉

全文摘錄自:

http://www.ohpama.com/86537/pamajunior/%E3%80%90%E7%B2%BE%E6%98%8E%E7%88%B8%E5%AA%BD%E3%80%91%E6%8B%86%E8%A7%A38%E5%80%8B%E8%88%87%E5%AC%B0%E5%B9%BC%E5%85%92%E9%A3%B2%E6%9E%9C%E6%B1%81%E6%9C%89%E9%97%9C%E7%9A%84%E8%BF%B7%E6%80%9D/1/

不少家長都認同果汁健康又好飲，加上小朋友喜歡，所以十分樂意為孩子準備果汁。不過坊間同時流傳很多說法，例如水果要先用滾水燙、榨汁時要加水稀釋、煮水果飲用更潤…… 令一眾爸媽頭都大埋.

與BB健康相關的，當然不能糊裡糊塗！美國兒科專科營養師、本身育有一對可愛孖女的「營孖媽」Katrina，立即為大家拆解與BB飲果汁有關的迷思！

▲「營孖媽」Katrina常分享嬰幼兒食譜及食物選擇的建議

1. 鮮榨果汁營養等同水果，唔使驚BB鯁親仲安全？

Katrina對說法有保留，雖然鮮榨果汁的營養基本上等同水果，飲果汁可以視作吃了水果，但如果不連渣飲用的話，就吸收不到水果入面的纖維。有些孩子可能會嫌有渣、氧化了的蘋果汁及雪梨汁顏色不討好，可能讓他們吃水果更實際。

其實BB 9個月大開始就會接觸固體食物，爸媽可將水果切成不同形態，如粒和或條狀，鼓勵BB進食。一味讓BB飲果汁可能會令BB懶去咀嚼食物。

2. 飲果汁有助BB排便？

的確，飲果汁是可以幫助BB排便。Katrina指，不少兒科醫生都會建議家長讓秘便BB飲用西梅汁，因為西梅含有天然輕瀉劑。另外蘋果汁及雪梨汁，亦特別有助BB解決排便問題。

不過Katrina提醒，爸媽要小心判斷BB是否便秘，一般1-2天沒有排秘亦屬正常。另外，據臨牀經驗，BB多是因為在飲食中缺少攝取纖維而引致秘便。想解決便秘，不妨從飲食方面解決，除了多吃蔬菜，也可以吃馬蹄和乾豆類，如紅腰豆及鷹嘴豆。

3. 飲得果汁多好易肥！

鮮榨果汁的營養與水果相約，不過因為不飽肚，無論大人還是小朋友，可能會再額外進食，熱量因此會吸收多了。Katrina建議，過重或比較重磅的BB不宜經常飲果汁，瘦削、胃細易飽的BB反而可以果汁補充營養。

4. 榨果汁俾BB要加水稀釋？

此講法是有根據的，外國不少地方，如澳洲的兒童醫院都有清晰指引。Katrina在美國註冊，美國當局建議的水果和清水比例為1:1。

另外，當局不建議6個月以下的小朋友飲用果汁。6個月以上的BB每星期最多飲三次果汁，每次三湯羹；至於12個月大的BB，每日則最多一至兩安士。

5. 榨果汁前要先將水果用滾水燙一燙？

Katrina認為並不需要，只需要洗淨就可以。如果對水果皮的安全成疑，就先批掉吧！

▲為BB和幼童榨果汁，用室溫水果及水便可。

6. 榨完果汁要即刻飲，如果係營養會流失？

是，水果一旦切開，維他命 C 就會隨時間流失，所以鮮榨果汁宜立即飲用。Katrina順帶提醒，如果去野餐，或者想放水果入小朋友餐盒，可以揀選原隻或原粒水果如提子、藍苺等。

7. 如果選購現成果汁，最好揀100%純果汁？

都市人生活忙碌，爸媽或會求方便為孩子購買現成果汁。若果真的沒有時間親自榨果汁，Katrina同意最好選購採用100%純果汁及沒有添加糖分的果汁。

吓，剛才不是說果汁要即榨即飲的嗎？Katrina解釋，不少果汁商會特別加入維他命 C，如標明滿足一日需要的40%，所以現成果汁或者仍有維他命 C，爸媽可細心選購。

8. 以煮水果的水飲，冇咁生冷仲好？

中國人認為飲雪梨水、蘋果茶好滋潤，不過從營養師角度，當水果經過高溫煮用，當中的維他命B和C就會流失，所以飲鮮榨果汁與以煲水果煮水，是兩碼子的事。

撰文：方子晴
網上圖片