濕疹BB，全天候飲食護膚攻略! (二)

承上回分享 <濕疹BB，全天候飲食護膚攻略 (一) >, 因為孖寶有輕微濕疹, 而轉天氣, 天氣太熱 (即是而家), 出濕疹的機會又會大D, 所以一定要時刻提醒自己, 做足以下措施 :

1.      家居清潔

我知因為我係山羊座, 所以事事都好講究, 追求完美. 對於屋企嘅清潔, 我真係好認真! 因為日常要番工, 所以大部份清潔工作都交給了工人姐姐, 但我真係好山羊座, 因為我知道姐姐未必知道我嘅 ”清潔”水平係乜, 所以我做咗個「家務表」(最主要係阿B出世時俾姐姐睇, 姐姐睇慣做慣, 之後就唔使睇都知要做乜, 另外亦提醒自己要做什麼家務), 以下係少部份俾大家參考下 ~~

「每星期一次」 :

(34) 同 (35) – 洗冷氣、風扇、抽濕機「隔塵網」其實好重要, 因為塵埃會引發濕疹或鼻敏感…    

「每兩星期一次」 :

(21) 同 (22) 床單亦要勤清洗, 不過考慮到姐姐的工作量, 也不能太密喔~

     

        另外, 當然仲有「每日時間表」, 同埋「每個月一次」嘅時間表啦~~

~~~~ 如果大家有興趣嘅, 可以留言, 多人有興趣嘅話, 我可能會分享個全表架 ~~~~

2.      護膚

其實我緊張孖寶嘅護膚多過自己… 其實無論有無濕疹, 以下都啱用, 不過有濕疹真係要特別注意~

(1)   補濕、補濕 & 補濕 !!!

l   用天然、無添加、無香味的淋浴露、補濕

l   有時淋浴, 有時浸浴, 不過浸浴都唔可以太耐 (根據經驗, 沖快涼係好D嘅, 少D痕)

l   只用微暖的水沖涼 (約37度)

l   夏天 : 我家孖寶無搽lotion 都OK.

冬天 :

l   每日搽1- 4次低敏補濕 lotion 或cream, 面同身同手腳都要 (視乎乾燥情度)

l   沖完涼，用乾布印乾，當皮膚仲濕濕地就搽補濕

(2)   夏天勤D ”印”汗 (記得係「印」, 唔好大力「抹」啊~~)

(3)   定期剪指甲 (我地手甲一星期剪一次, 腳甲兩星期剪一次) – 以防”R”損

(4) 因為長頭髮, 所以要扎起頭髮.

3.      飲食 (出濕疹的飲食禁忌)

當出濕疹的時候, 應盡量減少進食以下「9大常見引致敏感的食物」 (排名不分先後) , 因為有過敏性疾病的人士對某種食物產生敏感的機會比較高及常見, 例如很多患有濕疹的人士, 如吃蝦都會令濕疹復發.

       

1	蛋類及其製品
2	海鮮類及其製品
3	麩質的穀類(即小麥,黑麥,大麥,燕麥,裂穀小麥,它們的混合變種及它們的製品
4	甲殼類及其製品 (例: 蝦, 蟹)
5	奶類及其製品 (包括乳糖)
6	花生及其製品
7	木本堅果及其製品 (例: 杏仁,榛子,核桃,栗子,腰果,夏威夷果仁,開心果)
8	大豆及其製品
9	亞硫酸鹽

另外, 提提大家, 有研究指出, 如有家屬患有過敏性濕疹, 持續餵哺母乳到6個月可以減低嬰兒患上的機會!!! 如果因為各種原因, 而未能餵哺母乳, 可以參考美國兒科學會嘅建議，考慮選用「pHF水解蛋白配方奶」(partially hydrolyzed protein formula)，有助預防BB患上敏感症或濕疹，詳情可咨詢你的兒科醫生或兒科營養師。

想知孕BB / 小朋友有無「高」/「中」/「低」敏感風險? 想了解更多有關濕疹同防敏的資訊? 可以 click 入呢條link了解更多https://goo.gl/AkhcDb

#‎BB #嬰兒敏感 #濕疹 #新手媽媽 #資料由雀巢營養天地贊助