BB好去處(2) - 迪欣湖 (靚草地, 靚湖, 無狗)

眨下眼 BBs 已經10個月大喇! 真係好想同佢地親親大自然! 

上個星期六BBs Daddy 就計劃咗去迪欣湖郊遊 (相信媽媽們都明白點解營孖媽寫BLOG會有time lag, 因為湊B嘅時間確係預計唔到.....)  

 

行程都係12點出發, 先去飲茶, 然後再親親大自然~ 到達大概3點幾.

 

風景真係好靚啊~

 

 

好處:

 

 - 草地好好好靚! D花都好靚, 仲有湖!

BB幾時可以唔食糊仔?

BB由1匙糊仔, 到3-4匙糊仔, 到加入蔬菜/肉, 可以話係BB發展嘅一個重要里程碑!

其實到

- BB大約7個月大
- 每餐都有五穀類 + 蔬菜 + 肉類/蛋 (提供足夠鐵質 <-----最重要, 因為粥好少)
- 整體每餐可以食到半碗至大半碗粥 + 餸 (大人普通食飯碗)

咁就可以引入粥仔~

咁係唔係完全唔再食糊仔？就要視乎個別喜好。營孖媽我到而家BBs 10 個月大都仲有俾BB食糊仔. 不過就唔係日日食, 大約隔日食一餐, 因為BB多咗好多食物選擇, 有通粉, 薯蓉, 麵.....

雖然老土D, 不過都係嗰句 -- 最重要係有均衡嘅飲食 ~

BBs 出牙仔喇!!

我地大孖孖同細孖孖8個月零28日大出牙仔喇!!!

好可愛啊, 告別"無牙妹"喇!

由於BBs之前無牙, 所以營孖媽我都唔會俾用牙肉/脷壓唔爛嘅食物佢地食, 不過而家可以喇!

 

自從有牙, 仲識"扯"斷D食物呢~ 例如食原隻西梅可以用口"扯"出一啖西梅肉,

BB幾時可以食蝦呢?

中國人大部分都認同蝦, 蟹係"毒", 咁外國人呢? 雖然個 term唔同, 不過其實外國人都一樣覺得蝦, 蟹係屬於"容易引致敏感類".

根據美國營養學會, BB1歲大之前係要特別小心揀選食物, 尤其有家人 (包括祖父母, 表兄弟姊妹, 舅父, 姨姨, 叔伯, 姑姐.....等) 對食物有敏感的BB.

新屋 (blog) 裝修好喇~~

終於裝修好新屋(blog)喇! 對於營孖媽我黎講, 係一個好有滿足感嘅project! 因為我係電腦盲...... 但係經過幾日(應該唔只....)努力, 又有咁多媽媽支持下, 可以裝修成咁都算交到功課! ^O^

遲D慢慢再執靚D~

有好多媽媽都表示想睇 BLOG + facebook, 所以我都會用 facebook + BLOG.

等我save首頁留念先! 第時睇番應該幾得意.

P.S. 不過我唔識將張cover相整長D .....再研究下先.

Its time for some reading~ 究竟營養師睇乜書?

下圖哩本係所有美國註冊營養師都有嘅書 (只係edition唔同). 我嘅係第10版, 而家出到第13版 (基本內容都一樣, 只係有D新research finding, 同埋食物金字塔唔同左). 我仲記得大約8年前, 醫管局仲請過其中一位作者黎香港講TALK, 真係得益不淺.

營孖媽我好多時候都會攞出黎番查一D資料. 雖然INTERNET D 資料有時仲新, 不過有D基本資料都係需要睇下書嘅~

P.S. 哈哈~ 有BBs陪我, 真係好sweet啊~ (佢地見我讀書, 好似好有興趣想睇埋一份呢~)

BB 通粉

BBs 8.5個月大試食以下嗰種 (盒寫7個月大可以食):

成分: Brown rice 糙米

做法: 

1. 滾水放入適量通粉, 慢火煮8分鐘.
2. 熄火"焗"最少15分鐘 (待中間熟透), 我地通常焗 30-45分鐘(軟身D, 滑D).
3. 隔去水份, 就可以食喇~



 BBs 9個月大試食以下嗰種 (盒寫8個月大可以食):