好可愛啊, 告別"無牙妹"喇!
由於BBs之前無牙, 所以營孖媽我都唔會俾用牙肉/脷壓唔爛嘅食物佢地食, 不過而家可以喇!
自從有牙, 仲識"扯"斷D食物呢~ 例如食原隻西梅可以用口"扯"出一啖西梅肉, 再自己趙. 雖然之前都可以用牙肉咬到, 不過而家係可以"咬" /"扯" 出一大啖. BBs自己發覺同以前唔同, 都覺得好得意呢~~~
得意嘢
- 出牙前1-2個星期真係好多口水, 多到試過半個鍾就要換口水肩!
- 屋企D書好多無咗隻角(好明顯俾人食咗)
- 週圍咬咬 (包括床, 書, 毛公仔, 片片, 總之任何嘢一攞住就咬......)
- 之前就算咬都唔會咬人, 不過一出牙就開始咬人(仲試過咬自己). 佢地D牙印仔真係好得意啊!
有什麼要特別注意?
一定要成日幫佢地抹走口水, 因為口水成日濕住會有機會令皮膚敏感 / 滋生細菌. 雖然我地已經成日幫BB抹, 不過真係抹唔切, 所以佢地都有D微紅粒粒(尤其是口邊).
** 不過得意還得意, BB會因為牙痕不適而多咗扭計.......又會瞓得無咁好. 大家要有心理準備啊~
沒有留言:
張貼留言