BBs第一日番學, 果然係有D緊張 .....(係媽媽我). 烏龍事一大籮。。。最大件事係忘記了幫BBs帶名牌，而且外套（有名的）也調換了！果然。。。老師也因為這樣以為家姐係妹妹，妹妹係家姐。。。 媽媽實在太大意了吧！(媽媽我之後諗到個方法幫老師認人, 老師都話好 ^^)
今日戰戰兢兢, 之前聽過好多媽媽話BB連換校服都唔肯, 真係好驚!
首先幫妹妹換, 弊喇, 妹妹話白色, 灰色唔靚, 唔肯換!!! (我心一沉, 冒汗中...) 好在家姐肯 (即刻鬆了一口氣, 因為好多時只要一個肯, 另一個都會跟住肯)! 而且好在喺每一件衫都有卡通熨貼 !!! 妹妹一見到 minnie, mickey, 當堂覺得親切好多! 因為有佢地陪番學!（原來卡通熨貼仲有哩個用途！）
原來第一次著校服都會需要多少少時間...第一次幫BBs 著嘅校服, 不錯吧~ （咦，有一個好似笑唔出喎。。。）
未出發前仲好開心架～～
到咗學校，已經有差不多十幾廿個老師嬸嬸在門口迎接小朋友（場面真係幾壯觀架！）BBs Daddy 同我帶住BBs走近老師。咦～～～～ 有老師用咗９秒９的速度就一個拖，一個抱走了BBs！期間BBs一個爆喊，一個好似好冷靜，就這樣，跟想像的完全不一樣。。。我還沒有跟她們說「拜拜，加油」啊～～～
＜後記＞其實這樣都是好的，因為拜拜時間越長，小朋友就越唔捨得！
３個小時話咁快就過了！原來等放學嘅心情真係好興奮架！！！（我仲要係雙重興奮，因為一次過接兩個！！）我仲去偷睇佢地入等候室嘅情況，兩個拖住老師，兩個都無喊啊！（心想：真係好叻叻啊！）
不過，出來一見到爸爸（我躲了在一旁），妹妹忍不住大喊了！（應該是太興奮了吧！）
至於家姐，果然係家姐，好明顯強忍了眼淚。。（眼濕濕咁）
既然咁乖，放學當然去公園食下餅餅，玩下滑梯先啦～ 即刻開心晒 ^O^
第一日番ＰＮ做咗Ｄ乜？老師講咗少少，但原來BBs自己都會話俾媽媽聽！(好似突然長大了 !!!)
睇下BBs第一日學咗乜先:
Add oil
回覆刪除Thanks Jojo!!!
刪除