番茄豬肉薯蓉 (適合8個月大或以上)

【需時】30分鐘

好多媽媽都知道一歲以下的BB, 不建議以普通牛奶取代母乳或防敏嬰兒配方奶, 但好少媽媽知道原因. 其實原因有三, 第一係因為牛奶蛋白會有機會誘發BB敏感, 第二係因為普通牛奶不像配方奶般容易被1歲以下的寶寶完全吸收, 第三係因為普通牛奶會加重寶寶未完全發育的腎臟的負擔. 為咗令孖寶多D營養, 我就諗咗個用pHF水解蛋白配方奶粉代替普通牛奶嘅BB薯蓉食譜, 孖寶好鍾意呀 ^O^ 薯蓉中的奶味甜甜的, 帶出了番茄的甜味, 但又完全不覺得酸, 真的很好吃呢!  

【材料】(2餐份量)

番茄1 個 (中)

馬鈴薯1個(中)

柳梅豬肉粒 2滿湯匙

母乳或雀巢®超級能恩®3號奶適量

【做法】

1.          將原隻番茄放入滾水, 焯1分鐘至皮爆開, 然後去皮。

2.          將番茄切開, 去核, 切成小塊。

3.          將番茄粒及豬肉粒蒸15分鐘。

4.          馬鈴薯洗淨，放入煲中，加水至蓋過馬鈴薯，用大火煮至水滾，然後轉用中火烚約 30分鐘，見到薯皮裂開後即關火。

5.          趁馬鈴薯還熱的時候去皮，然後放入碗中，用叉把馬鈴薯肉壓至粗蓉狀，邊壓邊加入適量的母乳或配方奶拌勻。最後, 加入番茄蓉及豬肉蓉即可食用。

【營孖媽小貼士】

1) 馬鈴薯屬於五穀類, 可代替粥, 糊或通粉. 交替給寶寶吃不同的五穀類, 達致均衡的營養, 寶寶亦有多一點的新鮮感。

2) 我就用左雀巢®超級能恩®3號奶粉, 因為孖寶飲開, 對佢嘅味道會熟識D~ 又冇加蔗糖同雲呢拿味。

3) 一歲前不建議用普通牛奶，如家人患有過敏性疾病，BB患有一種或多種過敏性疾病的機會比平常人高30至40%! 根據美國兒科學會嘅建議，可選用pHF水解蛋白配方奶粉 (partially hydrolyzed protein formula)，有助預防BB患上敏感症或濕疹，詳情可參考：https://goo.gl/wZRdNd 。

#資料由雀巢營養天地贊助