BB 好去處 : 拔紅蘿蔔 @ 農莊 (Carrot picking @ Farm)

話說 BBs 太婆婆及太公公以前是種菜的，家住村屋，屋前及附近有數塊菜田，所以媽媽我小時有很多親親大自然的機會，可以時常與蝴蝶、蜻蜓、蝸牛、雞雞為伴，夜間又可以睇星星，亦因為這樣，我是非常非常喜歡綠油油的菜田的 ~ 最鐘意幫大人收割新鮮蔬菜，然後睇我外公做菜，一齊食自己收割的蔬菜，而當中最好玩的要數 “拔甘筍“！(其實我到而家都好鐘意 ^O^)

BB一口雲吞 (1歲或以上)

小朋友最鍾意新奇, 有趣的食物, 平日食飯, 通粉, 麵, 間中做些有趣的餐點, 小朋友會特別開心 ^O^ 

不喜歡吃肉 / 蔬菜的小朋友也一定要試試這個啊~ 因為肉和菜都躲了在雲吞入面呢~

 

材料 (大家大細的份量): 

BB 旅行 @ 沖繩 (Day 4 & 5)

第四天的行程: 首里城 (午餐也在這裡) > 御果子御殿 > 酒店沙灘游泳 > 晚餐

 數日的酒店早餐, 可以每日都不同~ 好好味啊~

 

雪梨雪耳豬腱湯

今日天氣非常乾燥, BBs 成日想飲水, 皮膚又乾燥, 最適宜煲一款滋潤湯水~  (當然係因為我自己都好想飲湯~~ )

 秋冬家中常備雪梨, 所以就算足不出門都有靚靚湯飲 ^O^

材料 (一家大細的份量):

一口"飯團波波" (2歲都仲 work!)

好耐都無出動過嘅 “一口飯團波波“ ... 哩兩日BBs食完晒餸, 就係唔肯食飯, 唯有出動 “殺手鐧“ ! 咁耐無出動，果然仲好 work! ^O^ 半碗飯，吃光光 ~

菜未食完, 一起做成 "菠菜飯團波波",兩個仲爭住叫 "波波" "波波", 仲"趙"得好快, 因為想食第二個波波!

希望明天不用再諗計仔吧.....

BBs 第一次跟媽媽出席 Blogger function

今日好榮幸被 mothercare 邀請, 出席由 Babymoov 及 IPC Foodlab 主辦, mothercare協辦的

「BB至愛廚神 - 健康烹飪比賽」! 今日我嘅身份唔係參賽者, 亦唔係評判, 而係第一次以營養師 /blogger 身份參加活動~ ^O^ 可以全程都好輕鬆咁享受一個愉快嘅上午 (我有同參賽者傾計, 佢地話都幾緊張啊!) ~

 

10:00 am 大會安排了大家到 IPC Foodlab 粉嶺總店的天台農莊參觀

~ 登登登登 ~ 我嘅2014回顧~~~

之前向身邊好友透露有好開心嘅事要分享 ^O^ 係時候同大家宣佈喇! 我的第三個 Baby is coming ~~ 想做就去做, 沒有想太多 ( 大家唔好諗錯隔離啊~)

由大肚至BB而家差不多兩歲, 係唔同嘅渠道都發現唔少新手爸媽同我一樣有好多好多問題想問, 但又唔知可以問邊個, 其他方面我就幫唔到手喇 (希望慢慢都可以~), 但關於BB營養/育兒心得, 真心希望可以分享多D知識俾新手爸媽們~ 所以年初給自己定了好幾個目標, 仲有1個月就係新嘅一年, 我要全力加速! 雖然11-12月係K1面試 peak season, 但套用好友Pheobe媽媽嘅精句: 「BB係媽媽嘅動力火車頭」, 所以無論時間是多麼的少, 媽媽是會做得到的 (雖然可能會慢D) !!!

我嘅 2014大計:

1) 出書

嘩, 我年初真係覺得會係得個"想"字, 因為深知極花時間, 而且唔知會唔會有出版社會投放資源出一本我認為好有價值嘅書 (無錯, 係我認為). 最後, 用了半年時間跟出版社溝通, 真係有D夢想成真嘅感覺! 咁出版未? Errr…..已經係全力以付中, 不過營孖媽仍需努力 (所以真係唔好意思, 最近少咗 post update 同埋覆大家覆得慢咗) !  

除了晚上等BBs瞓咗覺可以寫, 日間當婆婆/工人姐姐幫手照顧BBs, 我都可以到  我的秘密寫作基地 (一間餐廳) 寫作: 

2) 教煮餸 ?!

BB 旅行 @ 沖繩 (Day 3)

第三天的行程: 萬座毛 > Bios 之丘 (午餐也在這裡) > Gala 青海 > 體驗王國 > 蔗田/番薯田參觀 (途經) > 「Gala 青海」前的草地 > 晚飯

10:30 到達「萬座毛」, 行了一圈, 也不用30分鐘, 由於太曬, 而且BBs也不大感興趣, 所以還是到下一個景點吧.

大孖: 「好大風啊! 等我按住條裙先~ 你唔好偷睇啊! 」
 

<秋天輕便裝野餐> @ 佐敦谷

咁出名嘅佐敦谷, 居然一直都未去過 (因為weekend好難泊車), 今日去果然無乜人! 在草地吃吃餅, 飲下果汁, 食下粟米, 已經令BBs 好好開心! 再吹下泡泡, 玩下好特別嘅攀架 (真係第一次見!), 渡過一個完美嘅下午~

妹妹BB最鍾意果汁, 居然一口氣啜完一整包果汁!!! (係完全無抖氣的!)

 妹妹同媽媽分享餅餅, 好冧啊~

 

BB pancake + BB 大判燒

<是日下午茶> pancake 是BBs一向都喜歡的, 亦因為媽媽我自己喜歡吃, 所以經常會於早餐/下午茶做~ 大判燒就真是新嘗試!!! 效果又真的很不錯!!! 嘻嘻, BBs又多一款點心~

孖寶每人吃了一個迷你大判燒 + 3-4件 mini pancake + 木瓜, 真係好滿足啊~

 

材料 (製成品份量如圖):

麵粉 1 1/4 杯
糖 2茶匙
鹽1/2茶匙

發粉 （baking powder）1湯匙

蛋1隻

奶1杯

油2湯匙

做法:

BB 旅行 @ 沖繩 (Day 2)

上一次忘記了報告一下 Day 1 的晚餐, 出發之前看了台灣媽媽的 Blog, 下機取了車便到了「第一牧志公設市場」, 但忘記了台灣跟香港航班的著陸時間是不一樣的!!! 差不多晚上7時才到達「第一牧志公設市場」, 那時店舖都差不多要關門了 (在地面的魚檔其實90%已經關了), 所以沒有吃到心目中想吃的魚生, 但整體來說食物也是不錯的, 很多地道的沖繩料理!

「第一牧志公設市場」其實就是日本常見的魚市場, 地面那層有不同的海鮮, 樓上是餐廳, 可以先自行在地面那層購買海鮮, 再到食店加工. 還好, 給我再來一次沖繩的理由~ 

「第一牧志公設市場」小貼士:

1)      避免週日去, 因為很多時都是休息日.

2)      可安排一下行程, 到那邊吃午餐.

3)      先到2樓餐廳找位置 (聽說地面也有餐廳, 大家可以試找一下), 再到地面選購海鮮.

牧志第一公設市場　
　電話：098-867-6560

     地址：那霸市松尾2-10-1
　營業時間：06:00-20:00（各店不同）／11:00-19:00（2樓餐飲街）
　休息日：第四個週日；鮮魚店休第二、五個週日

入口 : 大家看到嗎? 下圖中央那個指示牌?

BB 旅行 @ 沖繩 (預備篇 + Day 1)

一連4集, 會同大家報告一下9月尾BBs旅行之初體驗.

在沒有太多準備下, 我們6大人 + 2 BB 的5日4夜沖繩遊就成行了! 今次係BBs 第一次出國 (不計國內), 亦係BBs 第一次搭飛機, 真係好興奮啊! 之前仲十五十六, 想帶BB去旅行, 但又聽很多前輩話會好攰, 好辛苦, 又話BB會好快唔記得去過哪裡. 不過想做就去做!

用了2個月的時間籌備 (其實只做了少許資料搜集, 路線是隨後每日定的), 整個行程雖然有待改善, 但見到BBs 玩得開心,  應該計劃得也不太差吧! 而且BBs在整個旅程居然成日不停講嘢 (我家孖寶是屬於遲開始說話的), 同行的婆婆, 姨婆, 嫲嫲, 姑媽都覺得太神奇喇 (雖然大部份係BB話, 但都講多咗詞語)!

特別鳴謝好友Helen媽媽, 給了不少很好的提議 (雖然Helen 媽媽的囡囡已經10歲, 所以玩的地方會有點不同), 但都有幾種很適合我們BBs的!

當中包括了這個甚少遊客 (不論香港旅行社, 或當地旅遊介紹都完全沒有提及), 但好多日本幼稚園生旅行的地方….. 是哪裡? 在 Day 5行程掲曉 !

另外, 大家估下日本小朋友舖晒蓆, 坐在地上做什麼呢? << 提示 : 那時正是上午11時 >> 都係在Day 5行程掲曉 !

在9月尾的沖繩, 天氣還是非常熱. 要21個月大的寶寶全程自己行是不太可行的! 好在很多地方都可以借BB車 (有的地方免費, 有的要收少許費用).

「行李」小貼士 :

1 個行李放2個大人物資 + 1個行李放2個BB的物資. BB的物資多不勝數, 營孖媽我有一個 checklist, 希望下星期打好可以分享給大家啦~ (細緻如BB指甲鉗都最好要帶啊)

食物一大堆 (係咪好似好誇張呢? 去到就變得不多了. 其實還應該多帶一點餅餅, 果汁, 因為當地不是到處也有得買)

竹薯心内美蘿蔔雪耳湯

又一不時不食 - 竹薯 (又名竹芋), 每年只有一造 (10月起至翌年2月), 初出的比較鮮嫩，造尾比較多纖維 (即多渣)。

孖寶婆婆、姨婆教落竹薯去濕！(Sorry, 係無乜科學根據, 係中國人的傳統智慧 ^^ 不過之前有媽媽問有關BB去濕嘅湯, 就同大家分享一下啦~ )

特別鳴謝兩老嘅食譜~ ^O^

 

材料 (大人小朋友一齊飲) :
竹薯1/2 磅
心内美蘿蔔 1/2 個
栗子(已去皮)1磅
雪耳1朶

蜜棗3粒

瘦肉(大概$50)

水3公升

 

做法:

1) 竹薯洗淨，去衣(不用去皮，因為很硬)，切片。
2) 心內美蘿蔔去皮，洗淨，切片。
3) 栗子，蜜棗洗淨。
4) 雪耳浸半小時, 剪去蒂, 一開六, 備用.
5) 瘦肉出水

 6) 待水滾, 加入所有材料, 煲2小時, 即可飲用. (先盛起BB的份量, 再加鹽給大人的份量)

 <小貼士> 雪耳選偏黃色, 沒有漂過的. 雪耳有爽或滑的, "滑"的煲湯口感較佳. 

兒童糖尿病餐單 * 飲食注意要點

<< 親子王 >> 2014年10月16日 - 改吃低糖膳食

栗子甘筍雪耳三角螺湯

 可以間中飲用適量的螺湯, 補充碘質, 達至均衡的飲食.

有沒有其他食物可以補充碘質? 首選紫菜/海帶, 但份量不宜太多.

 碘質是BB神經系統發展的必要元素. 之前有報導指日本奶粉相對沒有那麼多碘質, 就是因為日本BB在飲食中已經會食很多紫菜和海帶.  

** 另外,對海產敏感的寶寶也要注意一下啊~

 

材料 (一家大細的份量):

栗子 1 磅
甘筍 1 條 (大)
雪耳 1 朶 (手掌大)

 三角螺 (連殼) 1 斤 (去殼後只剩大約半斤螺肉) (可用急凍螺頭代替)
豬腱 1 對

蜜棗 2 粒

 水大約3公升

做法:

1) 雪耳浸半小時, 剪去蒂, 一開六, 備用.

2) 栗子去殼去衣(可買已去殼去衣的), 洗淨; 甘筍洗淨, 去皮, 切件.

3) 三角螺洗淨 (用鹽捽一捽去澀), 切成數件.
4) 豬腱出水.
5) 待水滾, 加入所有材料, 煲2.5小時, 即可飲用. (先盛起BB的份量, 再加鹽給大人的份量)

<小貼士> 雪耳選偏黃色, 沒有漂過的. 雪耳有爽或滑的, "滑"的煲湯口感較佳. 

焗陳皮水 - 化痰順氣

秋風起，大人小朋友都特別容易起痰，連我自己都有D咳同痰。似乎每個家庭都會有D“秘方“，我家的“秘方“係“焗陳皮水“，今日就焗咗同BBs & BBs daddy 分享 ^v^ 保健一下~

材料:

1) 陳皮2/3個
2) 水2飯碗

做法:

1) 陳皮浸水，待軟，刮去白色的囊，放入保温瓶。
2) 水煲滾，加入已放果皮的保温瓶，焗2小時，即可飲用。

我有咳同痰，自己飲1碗.
BBs 保健各飲 1/4碗，剩餘的給 Daddy ^^

清燉雪梨蘋果無花果

秋天天氣乾燥，只飲水確實不夠滋潤，真係要煲下湯水。

屋企沒有預備特別材料, 但有蘋果雪梨. 出街前將材料全放入燉盅，回家就可以飲，實在好方便呢！

7個月大以上 BB 可飲，但雪梨、蘋果份量要減半, 不用下無花果 (淡D)。

材料 (可燉出大約4飯碗水) :

雪梨(中)4個
蘋果(中)4個
無花果亁(半濕)5粒
水大约1公升 (可隨意加減)

做法:

1) 雪梨、蘋果洗淨，去皮去芯，切成塊狀，放入燉盅。無花果乾洗淨，一開四，放入燉盅。
2) 加入滾水至最高刻度，蓋好。
3) 調教至燉2小時，即可！

湯連果肉同吃 ^O^

** 如用明火煲, 水要多一點, 大約 1.5 公升.

 

 

栗子鮮淮山排骨湯

一陣陣秋風，帶一點點的乾燥，天氣已經告訴我們，秋天來了！

BB 似乎都感覺到，常常想用手指挖鼻孔，皮膚也有一點乾燥，係時候給BB煲一些滋潤的湯水喇 ^^ 

秋天是栗子當造的季節，今天就做個栗子鮮淮山排骨湯吧！我家孖寶是非常喜歡的!

 

<營孖媽小貼士>

間中用排骨煲湯，有助BB增磅，因為排骨含有比較多的脂肪。需要減磅的寶寶，可用豬腱代替。

 

材料 (3大人+BB份量):

栗子 1磅 (=大約1斤)
鮮淮山 1-2 條 (視乎長短)
排骨 1斤 或  西施骨 /鮑魚骨 (大約$50)
水大約3公升

做法:

1) 栗子及鮮淮山去皮、洗淨。加水，同煲.
2) 排骨出水，加入已煲滾的水，中慢火煲2小時。
3) 先留起BB的份量 (可飲2天)，其餘大人飲的可加少許鹽。
4) 由於排骨可能有碎骨，所以BB的湯要用篩隔去碎骨。另加入栗子及鲜淮山同吃。

<烹飪小貼士> 

栗子選購圓形飽滿的，比較"粉" (扁的比較便宜，但亦比較硬)。

深井、青龍頭半日遊

今日去咗深井、青龍頭半日遊, 居然巧遇 BBs 舅公公 ~ 原來 BBs 舅公公係附近海域釣魚啊 (舅公公好鍾意釣魚架，閒時嘅嗜好) !

青龍頭碼頭 - 原來都幾多人釣魚

  

天朗氣清

 

 

知道舅公公係附近, 急call到岸邊先, BBs 舅公公魚獲甚豐!!

 

  

yeah~~~~  今晚有魚食!

 

 
 今日最有趣嘅事件：話說姨婆婆是跟我們一起在岸邊的，既然巧遇舅公公（他倆住得好近），所以姨婆婆就順便搭＂順風船＂，順便過下釣魚癮（姨婆婆都係好鍾意釣魚）。

不過當姨婆婆上船，大細孖表現不知所措！可能係覺得點解姨婆婆會上船架呢？（第一次見人上船），真係好有趣～～　^O^

 

 

 

 又係好開心嘅一日～