~ 登登登登 ~ 我嘅2014回顧~~~

之前向身邊好友透露有好開心嘅事要分享 ^O^ 係時候同大家宣佈喇! 我的第三個 Baby is coming ~~ 想做就去做, 沒有想太多 ( 大家唔好諗錯隔離啊~)

由大肚至BB而家差不多兩歲, 係唔同嘅渠道都發現唔少新手爸媽同我一樣有好多好多問題想問, 但又唔知可以問邊個, 其他方面我就幫唔到手喇 (希望慢慢都可以~), 但關於BB營養/育兒心得, 真心希望可以分享多D知識俾新手爸媽們~ 所以年初給自己定了好幾個目標, 仲有1個月就係新嘅一年, 我要全力加速! 雖然11-12月係K1面試 peak season, 但套用好友Pheobe媽媽嘅精句: 「BB係媽媽嘅動力火車頭」, 所以無論時間是多麼的少, 媽媽是會做得到的 (雖然可能會慢D) !!!

我嘅 2014大計:

1) 出書

嘩, 我年初真係覺得會係得個"想"字, 因為深知極花時間, 而且唔知會唔會有出版社會投放資源出一本我認為好有價值嘅書 (無錯, 係我認為). 最後, 用了半年時間跟出版社溝通, 真係有D夢想成真嘅感覺! 咁出版未? Errr…..已經係全力以付中, 不過營孖媽仍需努力 (所以真係唔好意思, 最近少咗 post update 同埋覆大家覆得慢咗) !  

除了晚上等BBs瞓咗覺可以寫, 日間當婆婆/工人姐姐幫手照顧BBs, 我都可以到  我的秘密寫作基地 (一間餐廳) 寫作: 

2) 教煮餸 ?!

唔知有無媽媽小時嘅偶像係「方太」、「李太」? 當人家希望做護士、老師、醫生, 我最想做的是「方太」、「李太」教煮餸 =P 一個月前還沒有想過夢想會成真, 而且咁突然 !!! 2015年1月, 我就會在 Towngas 出任客席導師! 暫時只會在1月主講兩堂, 希望出席嘅學員都可以開開心心一齊玩煮飯仔 ~  

3) website (網站)

經歷過由 yahoo轉blogspot, 感覺係「咁都得?」, 對於這類平台, 真係無乜信心, 話 close 就 close, 同好多 blogger 一樣, 自己泵石仔再起過個 blog, 亦有好多媽媽話因為咁, 開頭搵唔到我個新blog… 而且blog 亦唔容易搵資料…

另外, 眼見外國註冊營養師撰寫的website有好多, 但香港真的好像比較少... 係朋友協助下, 決定建立一個 website! 主題係乜? 暫時賣個關子, 不過大家都可能會估到 ^O^. 不過開始咗籌備就知點解香港無乜, 因為真係需要好多時間!!! 有點沒有盡頭嘅感覺!!! 而且那些網站架構, 彷彿全都是外星話! 好在網站架構總算定了下來, 希望盡快同大家見面啦~ (如有高人見字, 請賜教!!!)

4) nutrition center (營養中心)

作為媽媽及營養師, 常聽見不少爸媽對於BB/小朋友嘅飲食營養有疑惑, 又或是不知道原來是跟飲食有關的, 例如:

- 有便秘如何處理? 或如何預防

- 需要轉不同年齡的奶粉嗎?

- 魚油吃哪個品牌好?

- BB好像不喜歡吃肉?

- BB有食物敏感, 鼻敏感

- ADHD 專注力不足

- 小朋友偏食, 過輕

每次都很想告訴大家我地見個面啦, 我要詳細了解一下BB/小朋友嘅情況同日常飲食, 先可以再給詳細的建議, 例如魚油, 其實我真的需要知道BB/小朋友嘅日常飲食狀況 (3日全日飲食大小便記錄是最基本的, 還需要知道某些食物7日內嘅進食次數), 其他基本醫生要知道嘅 (有沒有過敏記錄, 家族病歷…等), 我都需要知, 就好似魚油, 其實不是每個BB/小朋友都要額外補給的, 但確實有些BB/小朋友是需要的. 當確定了需要, 我先會建議哪幾個品牌. 但大家都繁忙, 又談何容易呢?! 而且也沒有合適的地點. 希望下年有多一點時間, 可以做多一點這方面的工作.

5) Baby Food Shop ／嬰幼兒食品店

註冊藥劑師有藥房, 介紹藥物, 哪註冊營養師不是應該有食品店，介紹食物嗎？有了BBs之後，更加強烈覺得BB食品店應該一定要有註冊營養師!　當然其實亦實現了我兒時嘅夢想，開一間「糖果屋」（相信係好多人嘅夢想）！只是而家的「糖果屋」裡有的全是健康安全的嬰幼兒食品 ^^（有幾健康安全？起碼全部都係我家孖寶會食的）那些高鈉，有人造食物添加劑的，有人造防腐劑的都不會出現！我不會給孖寶食的也不會出現 !

作為註冊營養師,

*0 Marketing 知識

*100分 熱誠

*100分 專業知識

*100% 正貨

希望可以幫爸媽們為ＢＢ揀選最好的～

進度如何？哩個就係我嘅第三個 Baby喇！裝修已在進行中 (其實已開始了裝修一陣子, 不過實在太忙, 所以沒有時間 post)，希望一切順利啦～ 

最近最慚愧的是少了很多時間陪BBs (不過其實兩隻小豬1月都會開始番PN, 開始習慣一下不是常常見到媽媽都係好嘅 =P)