第三天的行程: 萬座毛 > Bios 之丘 (午餐也在這裡) > Gala 青海 > 體驗王國 > 蔗田/番薯田參觀 (途經) > 「Gala 青海」前的草地 > 晚飯
10:30 到達「萬座毛」, 行了一圈, 也不用30分鐘, 由於太曬, 而且BBs也不大感興趣, 所以還是到下一個景點吧.
大孖: 「好大風啊! 等我按住條裙先~ 你唔好偷睇啊! 」
12:00 到達Bios 之丘 (去之前其實沒有太大期望, 因為網上介紹貌似普通, 但信朋友介紹, 當然去睇下. 哈哈, 果然係小朋友樂園, 因為有小動物 ^^) <-- 小朋友其實幾易滿足, 大人見到小朋友開心, 當然也覺得好玩!（嘻嘻，人都感覺青春咗～）
電話：098-965-3400
地址：うるま(URUMA)市嘉手苅961-30
營業時間：9:00～18:00（入園時間至17:00止）
休息日：全年無休
費用：門票：大人710日圓、孩童（4歲～小學生）360日圓。門票＋乘船券：大人1,230日圓、孩童720日圓 （在ＪＴＢ／ＯＴＳ可以優惠價預先購票 – 詳情見Day 1的小貼士）
首先乘坐湖水鑑賞船：全程25分鐘（其實不太特別，BBs太細個，也不太懂得欣賞）
近距離接觸豬豬。
大膽嘅姨婆婆俾Kara試下爬樹（係坐樹至啱）。真好，可以親親大自然。
.jpg)
１３：４５ 遲來的午餐
ＢＢ又有得食麵麵，順便飲奶奶（奶奶是自備的）。
我以為ＢＢs會話驚驚牛（因為之前係香港見過話驚），點知佢地淨係按住個鼻話「臭臭」（臭是有一點點，但其實也只是一點點）。
坐下牛拉嘅車車先。有日本語現場旁白，我地都識聽架。。。牛牛個名。
BBs 最鍾意嘅動物出場喇! 登登登登……係雞雞呀! Bios 之丘有幾個地點都有, BBs每次見到都會追住要捉~~ (當然唔會捉到). 真係好懷念兒時在婆婆家的雞雞，有大、有細、有公雞、有母雞，可以自己拿雞糧到雞舍餵雞雞，又可以自己拾蛋蛋。
（似乎很多小朋友都鍾意追雞雞）
第二號喜愛的動物: 羊羊~ 最得意係因為爸爸可以拖住羊羊周圍行 (平時多數都係隔欄觀看), 真係好有親切感啊 (不過其實都有D驚驚).
離開時間１５：３０，逗留了３.５小時. 真係好盡興啊！
途經蔗田（無錯，就是沖繩特產：做黑糖的甘蔗！）。嘩，BBs居然仲突然識講「摘蔗」！真係好鍾意塊蔗田啊！！！（至於點解識講？可能係因為可以自己捉住蔗蔗）
仲有一望無際的沖繩番薯田。真係睇下都開心！（營孖媽我係超級鍾意農田及大自然的！）
１６：３０ 到達Gala 青海。因為姨婆婆鍾意參觀食物製作的地方，所以安排行程去就近的Gala 青海製鹽工廠（其實我mother side所有人都對食好有興趣，一定係遺傳！哈哈）
黎到當然要試一下「鹽味」雪糕！原來都有好多選擇，有柚子鹽，加朱古力漿的。。。我就選了「鹽味」，又真係幾好味喎！
.jpg)
入面有好多小工場，做陶瓷，吹玻璃，示範鹽的製作，但因為時候不早，所以都要關門了。未關門的就只剩雪糕店及手信店！
陶瓷工場：
手信店（沖繩必買：海鹽），但大家可自行格價，因為超級市場也有海鹽出售。
１７：３０ 到達「體驗王國」，真的很佩服日本人，很懂得吸引遊客！（遊客又開心！）裡面有不同的「小店」，可學做黑糖，仲有好多不同的小店，應該會幾好玩，不過因為實在有太多地方想去，所以這裡只打算「到此一遊」，而且去到所有小店也關門了。
兩姊妹加兩姊妹，大家都赤腳親親大自然～
晚餐時間, 隨意在酒店附近找了一間餐廳, 感覺不錯.
BBs食佢地嘅枝豆做前菜。
似乎每間Tatami餐廳都有給小朋友坐的ＢＢ櫈。
今日唔食麵麵，食飯團。
點給ＢＢ吃的魚魚，有煮的，有煎的。
沖繩料理：墨汁墨魚湯飯（味道一般，這間做得很咸），但也值得一試。
Day 4 去邊度玩？當然一嘗沖繩海灘游水水！仲去咗一間幾有特色嘅地方食晚餐～
BB 旅行 @ 沖繩 (預備篇 + Day 1)
BB 旅行 @ 沖繩 (Day 2)
BB 旅行 @ 沖繩 (Day 4 & 5)
沒有留言:
張貼留言