寶寶甚麼時候可以開始「加固」? 6個月大? 4個月大?

很多新手媽媽都覺得好疑惑，因為健康院教6個月大才加固，但在網上或一些包裝嬰兒食品上，又常常見到4-6個月大的嬰兒可進食固體食物的字眼。想贏在起跑線，是不是應該盡早給寶寶加入固體食物? 究竟什麼時候給寶寶加固才是最好的呢?

根據美國兒科學會的指引，當寶寶做到以下數點，就可以加入固體食物了! 大家快D黎做個小測試 :

□ 寶寶已滿4個月大，即大約5-6個月大

□ 寶寶在有支撐下可坐著

□ 脖子挺直，並能好好控制頭部

□ 當寶寶看見大人吃東西，會表現很想吃，又想拿大人的食物; 當食物接近，寶寶會張開口

□ 寶寶體重達到出生時的兩倍 (一般最少4個月大)， 而體重又達至或超過13磅

<營孖媽分享> 我家孖寶是5個半月開始食固體食物的 ^O^

哪寶寶第一種進食的食物應該是什麼?

建議大家可選擇米糊，因為米糊屬於低致敏食物，而且質地順滑，適合剛開始吃固體食物的小寶寶。另可選擇添加了鐵質的米糊 ，因為寶寶對鐵質的需要會由4-6個月大起開始大大增加，而母乳或配方奶所提供的鐵質並不能滿足寶寶的需要。

「糊仔三步曲」

(1)       米糊 (rice)

(2)       麥糊 (oatmeal /wheat)

(3)       多種穀物糊 (multi-grain)

<營孖媽分享> 我家孖寶由5個半月開始吃純米糊，吃了差不多1個月，便加入麥糊，吃了2星期，就再加入多種穀物糊，交替來吃 ^O^ 

孖寶食嘅其中一款糊糊 ^^

吃出免疫力 益生菌好處多

9月係開學月，無論大小朋友都開學了。最近聽到很多媽媽都表示很關注小朋友的免疫力，因為小朋友開學了，但似乎很多也開始「作病」又或已經被攻陷 – 病倒了! 想幫小朋友增強免疫力? 減少病的次數、又或減輕病徵? 減少缺課? 齊來做個小測試，再看看以下小貼士吧?

你的BB/小朋友有以下徵狀嗎?

容易患上

þ 流鼻水

þ 感冒

þ 咳嗽、痰多

þ 呼吸道敏感

þ 傷口癒合困難

假如你的答案是「是」，那麼你小朋友的免疫力可能已被攻陷! 但也不必驚慌，因為原來很多小朋友也有這些免疫系統能力不足的症狀。

消化道是人體最大的免疫器官，擁有人體大約 65% 的免疫細胞，為人體形成防線，防上病原入侵。在我們腸道中的細菌有上億萬個，而這些腸道細菌的生態平衡與免疫健康有密切關係。根據美國兒科學會及世界衛生組織，「益生菌」(Probiotics)是「好」及 「友善」的細菌，大量存在於母乳餵哺嬰兒的消化系統，它可以平衡寶寶腸道的細菌，是一些活的細菌，當它達足夠份量時，進食後能維持身體健康，減少疾病的機會。常見的種類：

 (1) Bifidobacterium (雙歧桿菌)

 (2) Lactobacillus (乳酸菌), 如：(Lactobacillus rhamnosus) 鼠李糖乳桿菌

事實上，研究顯示「益生菌」能：

1.          改善腸道健康，有助提升免疫力

2.          預防及治療兒童傳染性腹瀉，尤其是服用抗生素引致的腹瀉

3.          預防及治療小兒濕疹

日常飲食中可以吸取一些「益生菌」，如乳酪、日本味噌、韓式泡菜等來源，另外，兒科醫生也會建議一些小朋友食用「益生菌」補充劑，詳情可向兒科醫生或註冊營養師查詢。

除了進食益生菌外，益生菌的食物「益生元」(Prebiotics)也不可忽視。益生元是一種特別的碳水化合物和腸道無法消化的物質，它們主要是纖維素及寡糖，如低聚半乳糖(GOS)，正是細菌需要的營養。研究顯示，當益生菌和益生元結合在一起時有結合效用 (Synbiotic)，發揮的作用明顯得多。因此，有關營養補充劑的益生元成份也成為揀選因素。

所以，當在市面上購買益生菌時，我們應該注意：

1.          益生菌的種類(含兩種或以上)和含量(清楚列明,如:2x10⁹cfu)

2.          有沒有科學研究及臨床研究支持

3.          糖份及熱量攝取會否過量

*關於食用含益生菌的産品，如有任何疑問，請先向醫生或註冊營養師查詢

營養師 @ 長者中心 / 安老院舍

大家可能聽就聽得多, 各大長者中心 / 安老院舍都會標榜有營養師, 但可能都唔知究竟營養師的工作是什麼, 就等我同大家分享一下:

1. 無錯, 我地好多時其實唔係教長者, 因為在長者中心 / 安老院舍的都較年長, 而係教照顧長者起居飲食嘅家人 / 工人姐姐
2. 過程中, 姑娘 /社工有非常重要的角色, 因為日常照顧, 探訪的跟進工作 (即是究竟公公婆婆, 工人姐姐有無跟住計劃做) 都由熟悉公公婆婆的姑娘 /社工負責. (團隊精神是非常重要的喔!) 

營孖媽上烹飪堂 @ Queen's Kitchen (皇后烹飪中心) =^O^=

最近忙到不得了, 除了工作, 還有新開學的孖寶多了少少功課 (只係劃下圖畫之類)~ 還有...,..好多新工作 ^^ <-- 遲D再分享, 所以有好多被邀請的活動也沒有時間去呢, 但當收到這個邀請, 真係好吸引!!! 因為我實在太喜歡烹飪了!! 而且好特別, 係"泰國菜"!!! 食就食得多, 但真係無煮過!

大多數人可能會去做 facial / shopping 作為減壓, 輕鬆下, 但我更愛這類 cooking class /demonstration, 因為中心會預備所有食譜, 材料, 廚具, 當然仲可以試老師同埋自己嘅手勢啦. 今次我仲帶咗個特別嘉賓 ...................

同主人家影張合照先 (Queen's Kitchen 個 logo 好靚啊~~) 主廚 "傅太" 係邊?

傅太當然是在主持大局, 為大家示範菜式 (真係好多人啊~~) 

營孖媽 @ TVB 新聞透視 - 賞味期限

TVB 新聞透視 - 賞味期限
2015年9月5日

急凍肉 - 應如何解凍?

玩具“反”斗城 : 夏日“反”斗通行證 ??

為咗答謝玩具“反”斗城送禮物俾孖寶, 等媽媽寫番份試玩報告先 ~~

想睇番玩具未拆之前嘅相? 可以 click 入以下 link:
http://hk-dietitianmama.blogspot.hk/2015/07/blog-post.html

瘋狂百貨店迷你超市

(適合年齡：3歲或以上)

好靚靚啊~~ (公仔是私伙的~)

妹妹認真地試玩~ (左) 

家姐研究緊細細粒的 Shopkins (右)~

<< 書展花絮 >> 分享會 + 簽名會~~

籌備咗成大半年嘅新書 "BB的第一本食譜" 終於出世喇, 嗰種心情真係難以形容 (尤其是書展見到D書成座山咁)! 我自己都嘩嘩聲 ^O^

未有時間黎嘅朋友仔: 等我報導一下當日嘅實況先~ 即場首先有我簡單介紹一下新書嘅內容 ~

暑假開始喇! << 第一浪驚喜 >> : 收到玩具“反”斗城送的禮物!!!

正當孖寶快要開始放暑假, 便收到玩具“反”斗城的邀請! 當然不是邀請我..... 而係邀請孖寶試玩玩具! 心想, 也太恰巧了吧!!! 因為快要放暑假, 雖然已給孖寶安排了一些活動 (例如跳芭蕾舞, 溜冰), 但在家時間多了, 也正想給她們購置一些玩具 (其實係滿足我嘅 shopping 慾 =P ), 意想不到玩具就來了!

玩具在孖寶最後一天上課的時間寄到家了 (即是昨天)!! 孖寶放學回家見到一大個藍色袋, 好似大概知道有禮物收! 今日沒有拍 video 真是太可惜了, 因為兩個好好好興奮啊!!!

< 見到禮物 >
妹妹 : (笑笑口) 咩黎架 ?
媽媽 : 你估送俾邊個嘅 ?
妹妹 同 家姐一齊話 : 我! 我! 我!
媽媽 : (心想好在人家送了4件玩具, 如果只有1件, 那就不能每人一份!) : 咁點解會有禮物嘅?
家姐 : 因為我乖, 食晒飯
妹妹 : 我乖, 食晒飯
媽媽 : (小朋友果然係小朋友) 係喎, 係送俾你地架!! 一人揀一份先~ ^^

我好難先影到的大合照, 因為一拿出來,.....已經一人一份拿著了!!!

就是這樣, 一人攞住一份禮物, 我是很難才叫她們放下的!! 

<< 書展 >>

今朝有媽媽黎我店, 話下午會去書展買我新出嘅 <<BB的第一本食譜>>啊, 實在太感動了~~~ 多謝大家嘅支持!!! (其實我仲未見過本書嘅真身呀!!! 因為剛印好就送到書展了, 有無媽媽見到, 可否影個封面我睇下呀????? 有無折呀? )

<< 營孖媽粉絲簽名會 >> 新書出版, 一定要同大家見下面!! 星期日見喔~~

日期：7月19日(星期日) 
時間：12:00-12:45
地點：[大眾書局] 1號展覽廳 展台1C-D02, IC-D16 小舞台
(哩幾日我都會不定期去架~~ 順便買書給孖寶 ^O^)

買書則可到
>> 大眾書局: 1號展覽廳 展台1C-D02, IC-D16 , 或
>> 世界出版社: 3號展覽廳 展台3D-B02

‪＃‎BB食譜‬ ‪#‎BB‬ ‪#‎BabyFood‬ ‪＃‎BabyFoodRecipe‬ ‪#‎HomemadeBabyFood‬ ‪#‎營養師‬ ‪#‎Dietitian‬ ‪#‎Nutritionist‬ ‪#‎BB固體食物‬ ‪#‎大眾‬ ‪#‎書展‬

新書拍攝花絮

時間飛逝, 相信不少新手媽媽都同我感覺一樣, 有小朋友之後, 看着他們一日一日長大, 時間總好像過得很快, 轉眼間 BB 都會行會走了 =) 不經不覺, 由 2014年12月寫了2014年回顧, 到現在已經過了半年了!!! 看一看, 好感恩在天父的帶領下, 也在家人, 朋友, 好多媽媽粉絲支持下, 我的夢想實現都一一起步了~ (有興趣想睇下我嘅2015計劃, 可以click以下連結)

~ 登登登登 ~ 我嘅2014回顧~~~

http://hk-dietitianmama.blogspot.hk/2014/12/blog-post.html

<< 新書花恕 >>

6月30日 應該會印好了!!! 仲有2日, 這幾晚真是睡不着, 因為有D緊張. 由開始整理資料到完成印刷, 大大話話用了6個月的時間 (我似乎太貪心了, 想將所有資料放入這本書 =P 還是不太可能吧, 雖然已經好多頁, 不過仲有好多資料唔夠位啊, 留待下一本吧~~)!!!

<< 準備食譜拍攝 >> (每天由早拍到晚, 但我前一天已開始預備食材, 過程是頗累的, 但當見到每道完成的菜式的相, 真係好有滿足感!)

好想好想感謝我嘅編輯 Jennie, 給了我很多寶貴的意見, 從大綱, 內容分配, 食譜拍攝, 到最後的編輯, 排版 ...  對於第一次寫書的我, 實在獲益良多!

真不好意思, Jennie 姐姐似乎有時還當了褓姆 (BBs 對於編輯姐姐嘅工作實在太好奇了 ^O^ ), 好吧, 一個就黏實姐姐, 另一個就拿我們的新鮮蔬菜玩 shopping 遊戲..... 希望 Jennie 姐姐無被兩隻豬仔嚇親~~ 其實兩隻豬仔都算合作, 因為拍攝在廳進行, 所以BBs大部份時間都要留在房間, 只是有時出來走走吧~

<< Jennie 姐姐病了也帶病工作, 真係好專業~~  >> 

點解拍攝孖寶唔可以係廳? 因為廳已經被碗碟霸佔了!

另一要多謝嘅幕後功臣 -- 攝影師: Kevin 哥哥 ~~ 大家見到本書D相咁靚就係 Kevin 哥哥影架喇~~ 我真係超級鍾意 D相!!! (非常體現到我腦海裡所想的風格 ^^ wakaka~~ ) Thanks Kevin!!! 

<< 我有時都可以坐下, 但 Kevin 哥哥真係全日都無得坐! >>  真係由朝影到晚. (唔係一日, 係 8日啊!!!)

最後, 好想多謝插畫師, 因為D公仔實在太可愛了!!!  ^O^

後記: 出版一本書確實不是一個人可以做到的! 感謝孖寶給媽媽我食譜創作及內容寫作的靈感, 感謝支持我的粉絲及網友 (你地嘅鼓勵俾我好大嘅動力!), 當然還有我媽及Hubby, 幫忙照顧孖寶, 待我可以抽時間寫作. 最後最後, 多謝您嘅支持 (如果睇到這裡, 您一定係支持我嘅朋友仔 ^^ )!

Towngas 煤氣烹飪中心: 水蒸蛋糕 + 三色饅頭 實習班 (純天然, 無添加)

第一次係 Towngas 開實習班, 真係好好玩呀! 等我介紹下我地係課堂做乜先~

一入到廚房, 就見到Towngas工作人員幫忙預備的食材及用具, 好細心啊!

今日的實習項目係 "南瓜饅頭"!  

<< 我嘅第3個 baby 出世喇！>>

做左mommy 後，每日都會plan 下BB食譜俾營孖寶，希望營孖寶食營D ^^

＞＜ 職業病都會研究下邊隻BB 食品有營D，發現原來真係各有差異。好希望每位BB都可以食得健康 ^O^享受每一餐! 為著BB開心，營孖媽決定為BB們搵最好既食品，做左一年來既食品研究及搜羅 (特別要多謝營孖寶試食及篩選 ^O^)……營孖媽決定今日要開店了~ yeah ~~~，把所有有品質既BB食品都同mommy 們分享! 歡迎大家查詢BB營養問題，也謝謝營孖媽FANS 們一直既支持﹗營孖媽勢必盡力為BB 們「搵食」THANKS!

地址: 荃灣南豐中心9樓936室

營業時間: 星期一至五上午11時 - 下午7時 (星期六日可以預約, 希望5月可以正式開埋啦~)

電話: 2488 0006

網址: www.bbn.com.hk (建設中) 

大家有時間就黎探我啦~

冬菇冬瓜瘦肉湯

最近比較忙碌, 所以煮的部份交給了印姐姐負責, 但設計餐單當然都係我自己啦~ ^O^

由於我家孖寶同我係湯怪, 所以湯是必須的~ 今日簡簡單單整個 "冬菇冬瓜瘦肉湯", 孖寶好好好鍾意啊~~ 因為D冬菇味真係好好好香架~ 

材料:

冬瓜1斤

冬菇 (去腳) 粒 1/2 碗

瘦肉粒1碗 (已醃)

水1-2公升

做法:

1) 冬瓜洗淨，去皮，去籽，切粒，加入滾水中煮45分鐘。

2) 將冬菇粒及瘦肉粒加入，續煮15分鐘，即成！

BB 旅行物資 check list

最近好多媽媽都籌備緊同BB去旅行 (尤其復活節快到), 等我 share 下我地帶孖寶去沖繩的物資checklist 先~

* 孖寶用1個行李箱, 我同 Daddy 又用一個, 加埋2個~

平日出街:

紗巾  BB Towel x4

濕紙巾  Wet Tissue

紙巾  Tissue

奶粉  Milk Powder

熱水  Hot  Water

凍水  Water

包被  Blankets

BB衫  BB Clothes

搓手液  Sanitizer

尿片  Diapers (6-10)

尿片墊 Diaper Changing Mat

垃圾膠袋  Garbage Bags

奶樽  Milk Bottles

玩具  Toys

奶咀  Pacifier

口水肩  Bib

鞋  Shoes

碗+匙  Bowls and Spoons

旅行 (加上):

睡前圖書, 欖枕, 陪瞓公仔

BB Food: 主餐x5, 餅, cereal, 果乾, 果仁, 果汁/蓉, 奶(包裝), 水

碗, 較剪, 匙, 口水肩, 桌墊, 水果刀, 膠袋1卷, 奶樽擦, 濕紙巾大量, 換片墊, 紙巾, 洗奶樽液, 奶樽, 暖水壼

Hand Sanitizer

膠布, 咳水, 退燒藥, 探熱針, 指甲鉗, 牙擦

沖涼大毛巾, Shower Gel, 睡衣, 拖鞋, 紗巾, 嬰幼兒防曬

大量褲, 裙, 衫, 泳衣, 游泳片, 水泡

媽媽袋

Hotel:

Borrow Stroller, bed guard, baby bath, children's pack

營孖媽 @ TVB 新聞

2015-02-20

年節大餐狂轟炸 健康飲食需謹記

年初二，有否數過自己吃了多少餐新年飯？

原來單吃一餐中式飲宴，已等同一天所需卡路里攝取量。一星期吃兩次，已經會重一磅。怎樣才能在新年別吃太飽呢？

團年飯，開年飯，再到春茗。市民黎先生說：「還會二、三、四、五、六，因為我們有六兄弟姊妹。」被問及團年飯到現在吃了多少餐？市民黎小姐則說：「最少兩三餐。」

連同飯麵、甜品，中式飲宴傳統有十三道菜，有營養師計算過卡路里最高的是乳豬，紅豆沙湯圓和乾燒伊麵。單吃一餐，每道菜食兩件計算，總熱量超過一千六百卡路里，差不多等如成年人每天所需熱量，一周出席兩次中式飲宴，體重就會增一磅。

美食當前如何忍口？執業營養師葉詹佩鳳表示：「成年人來說，胃只有拳頭般大，最脹可到兩公升，警號在哪裡出現呢，差不多臨界點太多會嗝一下，代表已經裝不下。有時連胃酸都會倒流，一次半次不太感覺到，但整個新年都有胃酸湧上，最嚴重會灼傷喉嚨。」

如果想減輕胃部負擔，營養師建議在開大餐前可先吃水果「打底」，或者在飯後散步二十分鐘。

頭版媽媽

迷你孖寶錦鯉年糕 (低糖)

農曆新年快到了! 無論是大朋友, 小朋友都非常期待, 其中一個原因是因為農曆新年真的有很多好吃的應節食物! 作為營養師媽媽, 大家不要以為營孖媽的孖寶「無啖好食」, 相反, 營孖媽會給BBs揀選及製作既健康又好味的賀年食品.

係唔係好靚靚呢?

 

「健康版」蒸蘿蔔糕 (12m+)

好多媽媽睇完「BB 版」蒸蘿蔔糕, 話想要大BB蘿蔔糕食譜 ^^ 其實好簡單, 同大人蘿蔔糕食譜一樣, 只係不用臘腸. 哩個係偷師自「姨婆蘿蔔糕」(即係BBs姨婆) 嘅「營孖媽 - 健康版」蒸蘿蔔糕 ^O^

適合12個月大或以上

材料 (大概做到 1 飯碗的份量):

白蘿蔔200克 (去皮刨絲)

瘦肉碎2両

甘筍粒1/2湯匙

冬菇粒1/2湯匙

油1/2茶匙

糖少許 (2歲以上可加)

鹽少許 (2歲以上可加)

胡椒粉少許

粘米粉55克

水60毫升

「BB 版」蒸蘿蔔糕 (7m+)

忙完一輪, 由上星期六至今日, 一連4日講咗7堂講座, 係時候為新年打點一下~ ^O^ 今年已經係孖寶嘅第3個新年, 之前兩年佢地都好欣賞媽媽我預備嘅 BB 賀年食品, 今年大咗, 多咗好多表情同識講下嘢, 反應仲好呀!!! 今個新年, 我有幾個新作 ^^ 一定要同大家分享下~   

第一道BB賀年美食係.........「BB 版」蒸蘿蔔糕 (多謝我家孖寶給我的 inspiration)!! 我都幾滿意今次嘅新創作! (可能係史上第一個 "BB蘿蔔糕" ~) 哈~ 好吧, 只要我家孖寶欣賞, 我就心滿意足了~

BB可以食普通蘿蔔糕嗎? 答案當然是不可以, 因為 :
1) 無論自家製定買的都有臘腸, 或臘肉等高鹽份醃肉, 絕對不適合BB.
2) 用普通粘米粉做的一般比較黏稠, 跟花生醬一樣, 不適合一歲以下的寶寶, 因為有哽噎的危機 (當然我家孖寶已經2歲, 其實可以吃用粘米粉做的 ^^ 不過我自己好想試下用 "嬰兒米糊粉" 啊~ 好想睇下係咪都做到~~ 純粹滿足自己的好奇心)

材料:

白蘿蔔100克

水1/2碗

嬰兒米糊粉3滿湯匙

瘦肉碎1両

甘筍幼粒少許

油1/2茶匙

做法:

1.      白蘿蔔洗淨, 去皮, 用磨蓉器刨成粗絲, 再用刀切成1/2 - 1厘米的長度 (小BB的磨蓉).

2.      在鍋內放入白蘿蔔絲, 滾水及油煮大約10分鐘, 至白蘿蔔軟身, 加入瘦肉碎, 略煮至轉色, 即可熄火.

3.      加入嬰兒米糊粉及甘筍幼粒, 拌勻.

4.      最後, 將白蘿蔔漿倒入容器 (碗都可以), 用錫紙蓋好, 蒸15分鐘, 即成!

** 注意: 製成品唔會好似普通蘿蔔糕咁硬, 係接近 "糊狀的" (因為用咗嬰兒米糊粉)~ 不過一樣好香甜~  ^O^

** 因為寶寶還在學習吞嚥, 所以任何時候都要陪伴寶寶進餐啊~

「健康版」蒸蘿蔔糕 (12m+)

http://hk-dietitianmama.blogspot.hk/2015/02/12.html

媽媽也 Party: Apps Launch Party

今晚做咗Party mama~ 受邀去參加Roadshow 新App - HK2gather 嘅 launch party ^O^ 又幾好玩喎~ **仲係 backdrop 搵到自己幅相**

仲做咗小 fans 同除天佑，方健儀(前無線主播)影相~~ hehe~

我仲好 efficient, party 7pm 開始，逗留個半鐘，9pm番到屋企同BBs講故事瞓覺！yeah~ 做媽媽之後，學識要好好安排時間

 

增強寶寶抵抗力 : 維他命C

流感高峰期, 真係好驚！！！尤其是屋企有兩個豆丁！除了要注意個人衛生, 有充足睡眠，適量運動（大人小朋友都係），可以做嘅就係從飲食幫BBs 增強抵抗力!!!

好似好簡單，不過都同大家分享下～ 主角係＂維他命Ｃ＂－　在人體內是高效抗氧化物，有助增強抵抗力。

其實一開始番 PN (學前班) BBs 已經有飲 (番咗學個飲食時間表同餐單唔同咗好多呀.....不過未有時間寫...遲Ｄ再 update)。每日 1 杯鮮榨橙汁 (用1個橙榨的, 大約有3安士 = 90毫升).

 

番得PN嘅都有 2 歲（２－５歲都一樣）, 營孖媽嘅建議:

平日：１個中型水果

（流感高峰期）份量：

大碼BB （大食Ｂ，７５ percentile 以上）: 每日2個中型水果

細碼BB（細食Ｂ，５０ percentile 或以下）：每日1個中型水果＋１細杯鮮榨果汁連渣（因為太多纖維會令ＢＢ太飽）<-- 我家ＢＢs是這個 range

食用方法：

上午班：早餐時　食水果／飲鮮榨果汁連渣

下午班：午餐後及上學前　食水果／飲鮮榨果汁連渣

 為什麼要在上學前吃水果？
因為維他命Ｃ是水溶性的，並不會被貯存在體內，多餘的還會很快被排出體外（通過尿液），即是如前一晚吃了水果，第二天早上體內只剩很少／甚至沒有來自維他命Ｃ的＂高效抗氧化物＂，所以上學前吃最理想。亦因為這樣，水果是分開吃的好，即是可以早上吃一半的份量，下午吃另一半的份量。

其實外國人很早便知道這個道理，所以外國人都在早餐吃一點水果。

而這就是註冊營養師的工作吧 (對自己湊Ｂ又真係幾有用)～　吃什麼，何時吃，怎樣吃　
What to eat, when to eat and how to eat =)

  孖寶好鍾意佢地嘅「果汁時間」^O^

 

講座一浪接一浪 @ BB 展

今日好開心可以「寓工作於娛樂」啊！受邀到BB展主講講座，順道 shopping ^O^ yeah~~ 不過無時間陪BBs.....明天陪多D~~

 戰利品~~

感動，謝謝您們！（學員的分享）

   真係好感動啊！！！星期六講完 Towngas的課，今日就收到學員嘅心聲分享！！！（已問可post）

From Po Yee 媽媽（無編輯過架）：

「我心聲:第一次做人媽媽，本身又唔識煮飯，諗到唔知俾乜野個仔食就不其然有d擔心！由Aden六個月起就努力找尋bb食鐠。偶然找到營孖媽手記blog，令 我如有神助！多得Katrina無私o旣分享,Aden先至由六至九個月食到不過不失旣半固體食物 xD wahaha, 但係踏入十個月，佢開始玩多，又好似食到好悶，咁啱Towngas x Katrina 開堂，我就的起心肝去學煮野！ 

工作關係，只可以參加星期六班，有限時間內又學到育兒知識(有關食物)，當然主打食物營養及配搭，非常充實！落堂後急不及待去買食材，準備星期天下廚！ (心情滿期待！) 恰巧當天Aden早上睡久了，我有足夠時間慢慢做！做好那刻，嘗味那時，及Aden把整碗吃光時，都讓我有超強滿足感！！期待再試Katrina的bb食 譜！」

實在係青出於藍！有老懷安慰嘅感覺！其實我都係俾Ｄ靈感 inspiration 大家，相信大家都會比我做得更好～　^O^　俾個「讚」你地～

 睇到都想食！

 

久休復出 之 "一日走3場" ! 懷孕媽媽講座 x 2 場 + Towngas 示範班

久休復出, 第一日 (上星期六) 居然講咗3節課 !!! 非常有效率, 因為將工作安排在同一日 (其實係咁啱改唔到期), 咁第二日 (即係星期日) 就可以好好享受 Family Day 喇 ~ 所以今日先有時間報告一下我嘅新工作~~

2015年第一場講座: 

 去到當然首先要做下工課, 睇多次個 powerpoint 先~

BB 好去處 : 摘士多啤梨 @ 農莊 (Strawberry picking @ Farm)

冬天係去農莊嘅最佳時節 (當然不是非常寒冷的日子), 因為比較少蚊蟲出沒 (但都是有的, 所以要做足防蚊措施啊~)

跟上次拔紅蘿蔔事隔1個月, 終於可以摘士多啤梨喇 ! 而我亦發現......原來BBs係識用剪刀架 !!! 基於安全理由, 就算兒童剪刀通常都會話 3-4 歲先可以用, 不過原來 25個月大就識用!!! 當然係要係專人 (即是我及Daddy) 指導下, 才可以啦~~~ 

似模似樣 !

南美 Chili: 紅腰豆羅勒燴牛肉

每逄天氣又凍又乾燥就會令我想起在美國讀書及工作時最喜歡的一道菜式 – Chili! 顧名思義, 大人的食譜是辣的, 但正正因為辣, 所以在冬天吃是非常暖胃的. 但BB不能吃辣, 所以媽媽特別創作了這道 Baby Chili. 雖然名叫 Chili, 但沒有辣椒, 卻有少許香草, 增添一點南美風情. BBs果然跟媽媽一樣, 非常喜歡這道菜呢! ^O^ (尤其是因為兩個都超鍾意紅腰豆~~ )

 

【材料】(1人2餐份量)

如何貯存用剩的新鮮香草？

香草很多時都是買一盒的, 但因為只需加少許作調味, 所以會用剩很多. 可是也不能存放於冰箱太長時間, 因為很易變壞.  

 其實貯存方法非常簡單! 將用剩的新鮮香草, 如金不換/羅勒, 迷迭香, 番茜....等, 用密實袋封好 (如下圖), 放入冰格, 就可以貯存 2 星期! ^O^