簡易蒸蛋糕 (BB好鍾意啊~)

一路都諗幾時俾BBs食蛋白, 又想俾BBs試食有蛋嘅糕點, 所以襯住BBs 9個月大, 營孖媽同BBs Daddy就合力整咗個蛋糕比BBs食. 一如所料, 因為未食過, 又甜甜地, 所以好鍾意食呢!

而且今次仲係BBs Daddy 人生第一次整蛋糕呢! 好有紀念價值嘅日子啊!

材料:
蛋.......................4隻
低筋麵粉...........120克
糖.......................100克

8吋圓模.............1個

做法:
0) 鑊放水, 放入蒸架, 煮滾.
1) 預備材料 (如下圖1)
2) 蛋(室溫)加糖.
3) 用電動打蛋器打3-5分鐘, 直至蛋糖漿顏色由黃轉奶白, 質地由液體轉漿狀. 基本上最少要10秒先會滴落一滴  (如下圖3)
4) 將1/4 麵粉篩入 (用篩), 輕輕順同一方向拌勻. 再加1/4 麵粉, 如此類推, 直至拌勻所材料.
5) 將麵漿倒入模內(如下圖4), 用錫紙蓋好, 放在碟上, 就可以開始蒸25-30分鐘 (記得要水滾先開始蒸)!
6) 想測試熟未, 可以用牙籤插入蛋糕中央, 如抽出沒有麵漿黏住就OK架喇!
7) 要趁暖俾BB食, 因為凍咗會硬.

真係好香蛋味啊!!! 我百食不厭! 連第一次食嘅BBs Daddy 都食咗好多呢 (可能因為係佢整嘅)!

下次希望可以試下:
- 少D糖
- 用黑糖 (到BB1歲, 想試用蜜糖)






大孖孖一定覺得好有趣, 襯大人顧住影相, 佢一見蛋糕就衝埋去"搣"咗一舊!