BB 第一次食士多啤梨~ (疑似敏感!!)

今日 (10.5個月大) BBs第一次食士多啤梨啊! 相信好多媽媽同我一樣

 

(1) 知道士多啤梨好有益, 含有豐富維他命C, 維他命E, 好多 antioxidant (天然抗氧化劑).....等等等等, 

(2) 但亦知道士多啤梨比較容易引發BB食物敏感, 咁究竟幾時先俾BB食士多啤梨哩樣咁有益嘅水果呢?

 

其實大概都有少少 guideline 嘅.

 

有以下情況嘅BB可能要避免一歲前食士多啤梨 (每個BB體質都唔同, 所以以下只供參考)
 

1) 如果BB本身比較容易敏感 (包括各方面, 如對其他食物, 動物, 乾燥環境....試過有敏感) 

2) 家人, 近親 (包括姨姨, 婆婆, 爺爺, 舅父, 叔叔....等等) 有對士多啤梨敏感.

 

 

如果無以上情況,

 

可以係6-12個月大時試 (官方式口吻), 不過營孖媽我就建議10個月大以上先試啦, 因為

(1) 其實有好多好多水果可以選擇, 不需急於食士多啤梨.

(2) 到BB10個月大, 腸胃又會成熟D, 又接觸過多種食物, 所以處理.

 

 

不過又不需太遲 (>12 個月), 因為到目前為止, 無研究顯示延遲給予BB食容易致敏食物可以預防食物敏感.

 

關於"食物敏感", 可見另一篇BLOG:　　 

 

 

今次妹妹BB嘅"疑似"敏感徵狀係點嘅? 就係接觸到士多啤梨嘅咀仔周圍出現紅色腫起少少嘅情況 (如圖下).

 

營孖媽我嘅 diagnosis 係可能性有2個 :

(1) BB只係皮膚受士多啤梨刺激 (因為成日流口水, 所以其實之前已經有少少紅點),

(2) BB 真的對士多啤梨敏感.

 

處理方法:

>> 再試士多啤梨 (隔1個星期), 不過只用匙餵少許 (1 茶匙), 避免接觸BB皮膚, 再觀察有沒有紅腫.

 

下次再報告俾大家知啦~ 希望唔係食物敏感啦.....