ＢＢ12個月大唔肯食嘢？

話說大孖BB同細孖BB11個月大開始識行行, 真係好可愛啊! 不過由11.5個月大左右開始, 平日好為食的大孖BB居然食少少就不想吃! 初初以為只是一兩天, 但如是者, 每餐都食兩啖就不肯吃, 但BBs 婆婆及營孖媽我當然想盡量令她們食多一點點 ! 之後12月頭又病咗一個星期, 每天開餐就好像打仗  (大家可能都留意到那一段時間我比較少 update blog), 因為忙於照顧BBs及想想對策.

其實我都知道大孖BB多數是因為識行, 所以突然對其他日常事物, 例如開餐, 失去興趣 (其實有很多BB都有這個情況). 但明白, 並不代表可以解決.

最後試了幾個方法都有明顯改善，到聖誕節開始，兩個胃口都大有改善，作為媽媽，實在太開心喇！希望BBs食嘢繼續有胃口，乖乖啦～

最主要目的是提高ＢＢ的興趣！

１）製作食物時，留一部份粒粒，當ＢＢ食幾啖後不肯吃時，放在他面前，讓他用手拾來吃。瓜，薯仔，甘筍, 粟米粒，大粒少少的免治肉等都可以。ＢＢ會覺得可以自行吃食物有趣一點。我亦會扮＂哎呀，跌咗＂（跌在他們的小枱），佢地就會極速拾起，放入口食！哈哈～

２）食物味道豐富一點。之前比較蓉及比較多分開煮再撈埋，但試咗一個星期不同的配搭，我家孖寶１２個月大鍾意（a)　葉菜烚後打至粗蓉　(b)　其他蔬菜＋肉煮　(味道很豐富）(c) 五穀多元化：烏冬，通粉，麵，粥，軟飯，薯仔...，我都覺得好好味。食譜可見我其他文章。 　

BB肉醬意粉

http://hk-dietitianmama.blogspot.hk/2013/12/bb_27.html
 

椰菜豬肉烏冬伴露筍
http://hk-dietitianmama.blogspot.hk/2013/12/blog-post_30.html

BB 港式免治牛軟飯 /通粉 伴紅椰菜粟米

http://hk-dietitianmama.blogspot.hk/2014/01/bb_6.html

芝士焗薯蓉

http://hk-dietitianmama.blogspot.hk/2014/01/blog-post_2.html

３）如果自己＂拾＂都開始悶，可以給他一個碗，一隻匙，放粒粒食物在碗中，待他試自己＂不＂，亦可以協助他，再讚他。

４）大多數ＢＢ都想食大人的食物，我們大人吃飯的時候，會盛一小碗用筷子餵他，他就會很高興的食～（在他不肯吃自己食物的日子）　

５）在他不肯吃自己食物的日子，給他食少少水果，又可能會肯再吃正餐。

其他：

１）竹蔗馬蹄紅蘿蔔芫茜水 （一星期一次沖奶）

 http://hk-dietitianmama.blogspot.hk/2013/12/blog-post.html
 

２）山楂麥芽水：開胃健脾（２星期一次沖奶）