BB食蓮子 (健脾安神)~

文章日期：07/09/2013 10:00 am

今日BBs婆婆去開街市, 見到罕有嘅新鮮蓮子, 所以就買咗俾BBs試! 營孖媽我雖然係營養師, 不過都好支持中醫嘅養生同埋老人家嘅傳統智慧(部份), 所以我都會俾BB試食蓮子, 淮生, 百合, .......等等嘅"養生保健"食物 (中醫角度). **只限平時大人用來煮餸嘅材料.  
不過用新鮮蓮子會比較花時間. 首先將蓮子烚一烚, 趁熱嘅時候去衣同芯, 然後再烚至霖, 然後就又係用攪拌機(要加少少烚蓮子水)攪至蓉狀. 味道果然非常好啊!!! BBs好鍾意食呢! 不過鮮蓮子唔係成日有得買, 所以下次會試下用乾蓮子.