BB 旅行 @ 沖繩 (預備篇 + Day 1)

一連4集, 會同大家報告一下9月尾BBs旅行之初體驗.

在沒有太多準備下, 我們6大人 + 2 BB 的5日4夜沖繩遊就成行了! 今次係BBs 第一次出國 (不計國內), 亦係BBs 第一次搭飛機, 真係好興奮啊! 之前仲十五十六, 想帶BB去旅行, 但又聽很多前輩話會好攰, 好辛苦, 又話BB會好快唔記得去過哪裡. 不過想做就去做!

用了2個月的時間籌備 (其實只做了少許資料搜集, 路線是隨後每日定的), 整個行程雖然有待改善, 但見到BBs 玩得開心,  應該計劃得也不太差吧! 而且BBs在整個旅程居然成日不停講嘢 (我家孖寶是屬於遲開始說話的), 同行的婆婆, 姨婆, 嫲嫲, 姑媽都覺得太神奇喇 (雖然大部份係BB話, 但都講多咗詞語)!

特別鳴謝好友Helen媽媽, 給了不少很好的提議 (雖然Helen 媽媽的囡囡已經10歲, 所以玩的地方會有點不同), 但都有幾種很適合我們BBs的!

當中包括了這個甚少遊客 (不論香港旅行社, 或當地旅遊介紹都完全沒有提及), 但好多日本幼稚園生旅行的地方….. 是哪裡? 在 Day 5行程掲曉 !

另外, 大家估下日本小朋友舖晒蓆, 坐在地上做什麼呢? << 提示 : 那時正是上午11時 >> 都係在Day 5行程掲曉 !

在9月尾的沖繩, 天氣還是非常熱. 要21個月大的寶寶全程自己行是不太可行的! 好在很多地方都可以借BB車 (有的地方免費, 有的要收少許費用).

「行李」小貼士 :

1 個行李放2個大人物資 + 1個行李放2個BB的物資. BB的物資多不勝數, 營孖媽我有一個 checklist, 希望下星期打好可以分享給大家啦~ (細緻如BB指甲鉗都最好要帶啊)

食物一大堆 (係咪好似好誇張呢? 去到就變得不多了. 其實還應該多帶一點餅餅, 果汁, 因為當地不是到處也有得買)

片片每人每日預6條, 就是要帶1大包了!!! 還有陪瞓BB公仔同攬枕, 全個行李箱滿座!

    

 

「BB搭飛機」小貼士 :

<1> 訂機位時, 可請航空公司預留bulkhead seat (即前面有牆的座位, 會闊落一點). *6個月大以下的嬰兒可預留「嬰兒搖籃」. 由於沖繩係BB旅遊熱點, 而營孖媽我又好遲先book, 所以bulkhead seat 都已預留給其他小BB呢. 不過好在今次機位不是太full, 所以其實BBs都有自己座位 ^O^

BB座位詳情:

http://www.cathaypacific.com/cx/zh_HK/travel-information/special-assistance/children-and-infants/infants.html

<2> BB是有特權的!!!

Ÿ   可以特快 check in

Ÿ   特別過關「家庭通道」(明星, 明人都是經這個通道! )

Ÿ   優先登機 (上到機可以慢慢執拾一下行李)!

Ÿ   可自攜熱水, 室溫水上機 (我就帶了一個保溫瓶的熱水及室溫水2瓶)

<3> 雖然飛行時間只有2.5小時, 但上落機是最難過的! 因為要BBs坐定定, 而且氣壓改變會令BBs耳朵有點不適. 方法是: (一) 給BB飲奶 -  吸啜的動作會舒緩耳朵的不適. (二) 食少許餅餅 – 咀嚼亦有助舒緩耳朵不適 . (三) 給BB奶咀.

<4> 上機時間是正午, 最理想當然係BB瞓覺，可是我家孖寶卻對機艙非常有興趣，要參觀一下（正確來說是要行數十個圈）。已經21個月大嘅BBs一見大人有嘢食, 當然又想食，七手八腳的，兩個最鍾意水果及那瓶嬰兒果汁，還有媽媽給她們帶的麵包。

去程 : 妹妹指定要坐媽媽大脾                       回程 : BBs 肯自己坐定定食下水果

BB餐: BBs最鍾意右邊的果汁

「BB酒店訂房」小貼士 :

<1> 這是今次入住4晚的 Sun Marina Hotel. 本來十五十六住一間還是兩間酒店, 但 BBs Daddy 話我地還是住一間比較方便, 所以揀了一間在中部恩納市的. 原來出發前兩個月book也算遲了, 心儀的 ANA Continental 居然 full booking! 好在這間也OK. 在海邊, 有沙灘, 自駕遊, 無論往北或南都非常方便.

http://www.ishinhotels.com/sunmarina-hotel/en/

由露台望入房

景色真係好靚啊! 夜晚BB瞓左, 仲可以同BBs Daddy 喺露台飲下嘢, 傾下計, 數下星星 (可以睇到好多星星架, 不過當然無馬爾代夫咁多)!

哩張係BBs 姑媽喺天氣最好嗰日影嘅, 我之後睇番都覺得無選錯酒店.

* 如不介意換酒店, 又可以考慮先住兩晚Naha 那霸市, 再入住兩晚北面的酒店, 省回一點車程.

<2> 　向酒店查詢有沒有ＢＢ車借用。今次我地亦預訂了兩架ＢＢ車（免費借用的），自己沒有帶，少一件行李。

酒店借用的BB車又幾好喎~ 載BB載隨身物品都好~

<3>　很多酒店都有ＢＢ床，ＢＢ浴盆借用，可以先查詢。不過我家BBs大個一點, 還是跟大人睡, 也可以用花灑淋浴。

每日行程緊密, 回到酒店, 一沖完涼, BB自己好快就瞓著了~

「BB租車」小貼士 :

日本是需要BB用BB汽車座椅的, 所以一定要預先 book定!

真心的推介這間！全程都是中國人接待, 用普通話溝通. 最後那天, 我們遲到, 差一點趕不上航班, OTS 還專程開另一架車送我們到國際線 (因為 shuttle bus 是要先到國內線, 時間比較長, 恐怕會誤點). 服務真的非常好!!!

http://www.otsinternational.jp/otsrentacar/cn/

又會咁啱, 居然跟我們在香港的車是同款的~

識日文的朋友可到OTS日本網站 book, 會便宜一點.

http://www.otsrentacar.ne.jp/

其他小貼士 :

<1> 我們在香港預先租了兩部日本手提電話及 WIFI. 真的很方便!

http://inet-international.com.hk/index.html

<2> 很多地方都需要買入場劵, 有兩個地方買是便宜很多的!!!

一是到國內線 ”到着4” 的JTB買套票 (由落機的位置到國內線那邊大約需要步行15分鐘). 這是真的很便宜的, 也只有日本人懂得在這裡買, 連職員也問我們是怎樣知道的 ^O^ 哈哈, 這下要多謝 Sarah 媽媽的介紹 !

二是可以在租車的OTS買.

一個價錢便D, 但要多少少時間, 一個價錢都OK, 但方便D, 大家要自己衡量一下喇~

JTB 的價目表:                                       OTS的價目表:

攞完車其實已經係當地下午6:00, 所以只有時間到那霸市中心食晚飯, 再到酒店 check in, Day 1就完了! 之後幾日嘅行程, 下星期再報告 ^^ ~

BB 旅行 @ 沖繩 (Day 2)

 http://hk-dietitianmama.blogspot.hk/2014/11/bb-day-2.html

BB 旅行 @ 沖繩 (Day 3)

http://hk-dietitianmama.blogspot.hk/2014/12/bb-day-3.html

 

 

BB 旅行 @ 沖繩 (Day 4 & 5) 

 http://hk-dietitianmama.blogspot.hk/2014/12/bb-day-4-5.html