ＢＢ第一次食羊角豆 (秋葵)

文章日期：07/30/2013 01:38 pm

係唔係好少聽人講ＢＢ食羊角豆呢？其實營孖媽我都無諗過，不過我地有強大嘅飲食顧問後盾（包括BBs嘅婆婆，嫲嫲，姨婆婆，公公.......等等等等）！

住係新界北嘅BBs姨婆婆今次帶咗本地種嘅羊角豆(秋葵)黎 (係買嘅, 唔係自己種). BB有口福喇! 細細個就咁多唔同嘢食!

如果唔係之前親自睇過（圖右）, 都唔知香港有種羊角豆! 而且好得意呢, 遲D BBs 大D好想帶佢地去睇啊!

BB兩樣都鍾意食! 羊角豆 good, 白倉魚都 good~ (唔好意思, 起完魚背先記得影相 )

** 羊角豆唔使去核, 因為D核好似豆咁軟, 但頭尾要切走.

 

    

BB食物營養標籤

文章日期：07/30/2013 12:09 pm

老公對BB嘅食物都好有興趣, 有一日佢攞起包糊仔(baby cereal) 問我其實點睇包糊仔有乜營養, BBs媽咪當然好樂意為BBs Daddy 解答啦! 順便同大家分享下.

營養標籤通常都好＂長＂，而每個人關注嘅營養素都唔同，而以下就係營孖媽我比較關注嘅。

簡單黎講, 營孖媽我通常主要睇BB包裝食物嘅 (黃色 highlight)：
(1) 無反式脂肪
(2) 無/低鹽
(3) 鐵質
(4) 鈣質
(5) 不含防腐劑
(6) 最好係 organic (有機）
(7) 最好係 non-GMO, non-genetically modified（非基因改造）


不過真係好難係度詳盡解釋, 因為需要講解......大家有乜特別想知可以留言俾我.

例：糊仔營養標籤
			大孖細孖每人一餐食
Serving Size: 4 Tbsp (12g)		4 湯匙 (=12克)	7 湯匙 (=21克)
Servings Per Box: 14
Amount Per Serving
Calories 60		60 卡路里	105 卡路里
Total Fat	總脂肪	0g	0g
Trans Fat	反式脂肪	0g	0g
Saturated Fat	飽和脂肪	0g	0g
Sodium	鈉	0mg	0mg
Potassium	鉀	15mg	26mg
Total Carbohydrate	總碳水化合物	15g	26g
Dietary Fiber	纖維	<1g	1-2g
Sugars	糖	1g	1.75g
Protein	蛋白質	1g	1.75g
% Daily Value 每日所需	INFANTS 0-1 歲	CHILDREN 1-4   歲
Protein 蛋白質	3%	3%	5.3%
Calcium 鈣質	15%	10%	26%
Iron  鐵質	45%	60%	79%

BB幾時開始食糊仔?

文章日期：07/28/2013 11:22 pm

營孖媽因為係美國畢業, 所以好鍾意睇美國嘅網頁 (當然係有權威性, 可靠性比較高的), 例如美國兒科醫生學會, 美國營養師學會, 美國食品及藥物管理局......等等等等.

香港健康院嘅資料都好詳盡, 不過以上嘅website有時仲詳盡! (不過因為文化差異, 所以營孖媽我都會自己再衡量).

BB幾時可以開始食固體食物?

以下係美國兒科醫生學會嘅指引 (須視乎每個小朋友嘅發展):

• BB可以自己控制頭未? BB應該可以坐在高椅上 / BB 櫈上, 並且能好好控制頭部. 
• 當食物接近, BB會唔會張開口? 當BB睇大人食嘢, 想攞大人嘅嘢食, 又表現好似好想食, 就表示BB可能已經預備好.
• BB可唔可以將食物由匙移到喉嚨? 當餵BB食糊仔, 而BB將糊仔從口部推出流到下巴, 可能代表BB仲未能夠將食物向後推同吞. 咁係非常正常. 我地要記住BB從未試過比奶杰嘅食物, 所以需要時間去習慣. 頭幾次可以稀釋糊仔, 然後慢慢整杰D. 亦可以等1-2個星期再試.
• BB夠大未? 當BB體重達到出生時的兩培 (大約4個月大), 而體重又達至 / 超過 13磅, 咁BB可能已經預備好食固體食物.

When can my baby begin solid foods?

The following are some guidelines from the AAP book Nutrition: What Every Parent Needs to Know. Remember that each child’s readiness depends on his own rate of development.

• Can he hold his head up? Your baby should be able to sit in a high chair, feeding seat, or infant seat with good head control.
• Does he open his mouth when food comes his way? Babies may be ready if they watch you eating, reach for your food, and seem eager to be fed.
• Can he move food from a spoon into his throat? If you offer a spoon of rice cereal and he pushes it out of his mouth and it dribbles onto his chin, he may not have the ability to move it to the back of his mouth to swallow it. It’s normal. Remember, he’s never had anything thicker than breast milk or formula before, and this may take some getting used to. Try diluting it the first few times, then gradually thicken the texture. You may also want to wait a week or two and try again.
• Is he big enough? Generally, when infants double their birth weight (typically at about 4 months) and weigh about 13 pounds or more, they may be ready for solid foods.

顏色好靚嘅合掌瓜

文章日期：07/28/2013 10:58 am

BBs逢係瓜都好鍾意食(苦瓜未試~) 合掌瓜嘅顏色真係好靚, 特別翠綠~

合掌瓜蓉做法:
1) 洗淨, 去皮去核, 切成粒狀, 蒸大約20分鐘.
2) 冷卻一D, 放入攪拌機攪至蓉狀(不需要加水) (如圖上), 即成!

BB幾大先坐得穩? 幾時先識爬? 幾時先識扶住企?

文章日期：07/27/2013 11:53 pm

唔知係唔係因為我地係孖B, 所以發展都好同步~~  就算唔係一齊, 都係一個會做先, 然後另外嗰個都會.

話說BBs6個月大去健康院檢查, 姑娘當然又有小測試俾BBs! 今次有3樣.

1) BB坐直, 然後叫工人姐姐 (總之係照顧者) 攞住搖玲, 引BB去攞. 兩個都ＯＫ！GOOD JOB!　（點解唔係姑娘攞住？姑娘話ＢＢ可能會因為陌生人而唔去攞，測試會唔準）

2)　扶住ＢＢ企，睇下腳仔有無力. 兩個都ＯＫ！GOOD JOB!　

3) 俾ＢＢ自己坐坐，每人坐到３秒。

姑娘話（無眼神嘅接觸）：都ｏｋ，坐到。。。。。。　不過番屋企要練習下喎。可以坐到耐Ｄ唔止３秒。
婆婆即時緊張：坐得多腰骨會唔會唔好？
姑娘：ＢＢ由而家到１歲期間要學好多嘢，如果而家仲唔自己坐，又點學其他嘢呢？
 
＜番到屋企＞

飲完奶即刻練習坐坐！　

咁究竟之後練咗幾耐識自己坐坐？３日！此時，ＢＢｓ　Ｍａｍｉ我明白咗一個道理，就係唔可以扼殺ＢＢｓ嘅發展機會！BB唔係唔識, 而係我都無比機會佢地練習!

ＢＢｓ（大細孖只係相差幾日）
６個月零１６日大，識自己坐坐
６個月零１８日大，識趴住向前＂彈＂（好似小青娃咁）
６個月零２１日大，識爬爬　（可以爬到１米！用頭幫手，好得意啊！）
６個月零２６日大，識扶住床欄企起身！（屋 企個個都好好好ｓｕｒｐｒｉｓｅ呢！）究竟有乜嘢咁大吸引力令ＢＢｓ想起身？不能不說！電視嘅魔力實在勁！平時無開電視，營孖媽同婆婆想睇新聞，唯有將 ＢＢ床（ＢＢｓ坐係入面玩）高個面轉向電視，肯定ＢＢ坐住睇唔到。突然婆婆大叫一聲：你睇下！嚇到我即刻睇下ＢＢｓ，原來其中一個企咗係度，攬住床欄睇緊 電視！哈哈，ＢＢ都俾我地嚇咗一跳，因為佢正在好專注睇電視。　

Yuki +Anki at 09/13/2013 02:04 am comment

我同你一樣~都pass~不過我去健康院係姑娘比~BB都有拎~同要我叫佢名~ 我咩都唔識~姑娘話BB好小企~要練~坐其實佢都住得耐~返左屋企練左一日都坐到一分鐘先跌~佢成日跌下喙下咁~好攪笑~

營孖媽 at 09/14/2013 12:18 am reply

你ＢＢ好叻叻啊！我都係邊做邊學～　我諗個個新手媽媽都係一樣　。Ｄ健康院姑娘真係好好（真係要俾個讚佢地），不過覺得政府support 係６個月至１歲大真係少咗Ｄ。。。全靠媽媽們係網上面share下～ 係呀係呀，我都好記得佢地好似大番薯咁～超可愛～

毛豆蓉好好味~

文章日期：07/27/2013 08:40 pm

身為上海人(祖籍)嘅營孖媽當然都要俾BBs食下D上海菜啦! 今日就食"毛豆", 即係日本人嘅"枝豆" (唔知日本BB有無食枝豆/毛豆架呢?)

BBs婆婆勁有心機, 係街市買咗新鮮嘅毛豆, 然後自己剝殼, 取出豆豆(如圖中). 因為唔係成日有得買, 所以BBs婆婆仲買咗2斤, 取出豆豆後放入冰箱貯存!

做法:
1) 洗淨, 用水煲大約1個鐘至霖
2) 然後去衣(有一層透明嘅衣) (亦可以未煮前去衣)
3) 放入攪拌機加少少水攪至蓉狀. (如圖上)

哈哈, 又係超容易~ 

BB第一次食車厘子~

文章日期：07/25/2013 06:42 pm

BBs有福喇! 因為姨婆婆又黎咗! 姨婆婆每次黎都會帶同新鮮嘅蔬果. 好多時仲係香港本地種的 (因為姨婆婆住新界北, 所以好近農莊~~). 雖然車厘子唔係本土, 不過都好好味啊! 一如以往, BBs 有funny face~　因為係第一次食，唔係佢地唔鐘意食，而係覺得＂特別＂，同埋少少酸酸地～　不過佢地都好鍾意食啊！食完一啖又一啖。

營孖媽點知佢地鐘意食？因為佢地食完一啖，見到個匙放到咀邊會張大個口～　如果係超鍾意食嘅嘢仲會＂追＂住！食完一啖即刻張開個口要第二啖！真係＂不’都＂不＂唔切！大孖早幾日開始仲會不停叫＂ｍｕｍ　ｍｕｍ，　ｍｕｍ　ｍｕｍ＂示意我地快Ｄ俾佢食，真係好可愛呢！ＢＢ開始識表達自己呢！

哈哈，大孖今次嘅表情都好特別，funny face + 開心想笑，haha~

P.S. 點解我個電腦ｍｏｎ　ｓｈｏｗ　出黎Ｄ相顏色無咁靚架呢？

BB要唔要飲水?

文章日期：07/24/2013 10:38 pm

BB要唔要飲水係一個屋企經常聽到嘅問題! 有時係BBs婆婆問, 有時係嫲嫲, 姨婆....... 由BB出世到而家, 經常都會聽到: BB要飲水呀!

咁究竟BB係唔係真係要飲水呢?

根據美國營養學會, 美國兒科醫生學會, 普通 0-6 個月大, 又未開始食固體食物嘅BB係唔需要飲水 (因為人奶或配方奶已經提供足夠嘅水份)! 不過如果BB唔舒服 (發燒, 嘔, 肚瀉...), 天氣好熱, 流咗好多汗, 咁都可以俾D水BB飲.  
至於開始食固體食物嘅BB, 因為奶量少咗, 纖維多咗, 所以都要飲番D水. 不過無特別話需要幾多. 通常睇番BB嘅便便, 如果有D硬, 就要飲多D水水喇! 其實BB係會自動調節, 如果佢唔口渴就唔會飲, 相反口渴就會飲多D. 我地BBs 試過一次最口渴飲1安水, 其他時間通常飲幾啖.

而我地通常會係食完固體食物俾佢地飲, 午晚餐後, 食完水果. 餐與餐中間如果記得都會.


用飲管學習杯OK, 不過都係鍾意扮大人用水杯飲 (如圖下)~ 好多時都會濁親, 不過佢地仲興奮, 好似好好玩, 好刺激咁.

4

Yuki +Anki at 09/13/2013 02:07 am comment

唉~我囡~只會用匙飲~我現在買左個鴨咀杯~我唔用膠塞~佢一打側有水出~我用呢個餵~要再努力D~

營孖媽 at 09/14/2013 12:24 am reply

其實我地兩個都差唔多可以話係ＳＫＩＰ咗鴨咀杯同飲管杯，因為大部份時間都係直接用杯飲（雖然會濁親）。慢慢到８－９個月就開始識飲　　係一個發展嘅里程碑～　你個方法都唔錯喎！　　

BB唔想食糊仔/粥仔?

文章日期：07/22/2013 05:54 pm

回想一下, BBs最初食糊仔(5.5個月大)都係好似唔想食咁 (諗番其實應該係唔識食). 只係想佢地食幾匙, 但係就好唔願意食咁, 佢地婆婆 (主要照顧BBs嘅飲食) 甚至要求可唔可以遲D先開始食固體, 因為好花時間, 又整到好污糟. 不過係營孖媽我力陳利弊之下, BBs婆婆當然都肯配合啦.

BB唔食係唔係唔想食?

唔係, 而係需要時間學習! 有生以來只啜奶嘅BBs第一次見到mama放一"枝"嘢入佢地個口, 完全唔知應該點做.

大孖: Errr...... 我要點做呢? 唔係奶樽, 又唔係媽媽奶, 又唔似奶咀....
細孖: 家姐, 照啜啦, 應該一樣
大孖: 啜啜啜, 唔係喎, 妹妹, 怪怪地喎!  (哈哈, 我諗好多媽媽都仲記得BB食第一啖糊/粥嘅 funny face)
 
婆婆: BB唔鍾意食呀!!! 遲D先俾BB食啦!
作為一個 first time 媽咪嘅我: 點解咁嘅? 同我想像唔同嘅!!! 讀書時無教得咁detail 架喎!
Put my "營孖媽" hat on: BB係因為唔識食, 咁練習下咪得囉!
如是者1個星期, 2個星期......

大孖: 妹妹, 婆婆日日開大口個嘅姿勢 + 講"吞吞" + 每日都係我地餓餓地嘅時候先俾我地, 好明顯係食得架喎!
妹妹: 係喎! 仲好食過奶!

BB未準備好?可以睇番我另一篇 <BB幾時開始食糊仔? >



其他原因?

1) 會唔會係糊 /粥嘅稀杰? 我地兩個都鍾意杰的.

2) 會唔會鍾意菜肉同粥分開 (唔一齊煮)? 又或者鍾意撈埋一齊. 因為我想BBs餐模仿大人餐, 同埋俾佢地試真D唔同蔬菜, 肉類嘅味道, 所以初初唔會撈埋一齊.

3) 會唔會太餓? 唔餓同太餓都唔會食.

4) 環境舒適嗎? 溫度適中, 唔好開電視 (因為會分心)

5) 有無交流? 我地因為孖B, 所以一個婆婆餵, 一個工人姐姐餵. 工人姐姐比較無咁多嘢講 (氣氛比較沉悶), 所以佢餵嗰個通常食得無咁好.

6) 櫈都有關係! 我地兩個都唔鍾意combi high chair......鍾意IKEA high chair......其他人可能相反.

原因實在太多喇, 係度都講唔晒.....  都係嗰句: 耐性, 耐性 + 耐性 ~

BB粥: 新煲

文章日期：07/22/2013 05:05 pm

因為日日用明火煲粥好花時間, 又難掌握火侯, 所以買咗個專煲BB粥嘅煲. 嘩, 估唔到真係咁好用!!! 用2個鍾, 唔使睇火, 又可以free番個爐頭煲湯, 煲出黎D粥仲好綿啊!!! BBs婆婆好滿意, 因為粥好杰, 咁樣BB就唔會食到成肚水, 同樣食大半碗, 杰D多D營養! 哈哈! 我都好滿意!

是日晚餐: 白粥, 四季豆蓉, 大魚腩蓉 (方便起見, 午餐係一樣, 不過食糊代粥) yummy yummy~

BBs唔使20分鍾就KO晒lu~~~

Amanda at 08/13/2013 01:15 pm comment

營孖媽，多謝你好介紹，我用左呢個煲煮粥仔，BBs食得好好呀！方便省時，粥仔又綿，讚呀！

營孖媽 at 08/13/2013 10:33 pm reply

你都覺得好用就好喇! 因為我都係新手媽媽, 有好嘢梗係同大家分享下~ ^O^

Amanda at 07/30/2013 04:18 pm comment

呵，我都買左了！但請問水位應睇congee 定係porridge?

營孖媽 at 07/30/2013 09:56 pm reply

好快手喎! 水位睇congee~

Amanda at 07/27/2013 12:52 pm comment

我孖仔20／11／2012出世 ^_^ 好近呢 你個煲係咪「X的」牌？幾錢左右？

營孖媽 at 07/27/2013 10:31 pm reply

真係好近喎! 你地係哥哥!!! 係呀, 就係哩個牌子! $398 我個friend話用到2歲倒, 之後就同大食飯飯~

Amanda at 07/26/2013 12:38 am comment

你好呀！我都係孖媽，囝囝剛8個月大！ 請問你個煲係乜牌子呀？

營孖媽 at 07/27/2013 09:26 am reply

Hello! 咁啱嘅! 我地BBs差唔多大, 仲要都係孖! 我個煲係"美X", 係日本城買. 有幾個friend都用哩隻, 佢地介紹俾我架. btw, 如果你都用哩隻, 可以用 "baby food" mode cook. 水位就睇 "congee". 1/2 cup 煮到差唔多3碗.

BB6個月大餐單

文章日期：07/22/2013 02:17 pm

	Sun	Mon	Tue	Wed	Thur	Fri	Sat
	26	27	28	29	30	31	1
(午)	<----------	米糊4匙	---------->	<----------	米糊4匙	----------->	<----------
		甘筍1匙			薯仔1匙
	2	3	4	5	6	7	8
(午)	米糊4匙	---------->	<----------	米糊4匙	----------->	<----------	米糊4匙
	南瓜1匙			番薯1匙			菜心1匙
	9	10	11	12	13	14	15
(午)	----------->	<----------	米糊5匙	----------->	<----------	米糊5匙	----------->
			西蘭花1匙			節瓜4匙
	16	17	18	19	20	21	22
(午)	<----------	米糊8匙	----------->	<----------	米糊8匙	----------->	<----------
		白豆角2匙			粟米2匙
(晚)		<----------	燕麥糊3匙	----------->	<----------	燕麥糊3匙	----------->
			白豆角2匙			節瓜5匙
	23	24	25	26	27	28	29
(午)	米糊8匙	---------->	<----------	米糊8匙	----------->	<----------	米糊8匙
	莧菜4匙			鮮淮山2匙			牛油果2匙
(小吃)		蕉2匙	蕉2匙	蕉2匙	蘋果2匙	蘋果2匙	啤梨2匙
(晚)	<----------	燕麥糊3匙	----------->	燕麥糊3匙	燕麥糊3匙	<----------	燕麥糊5匙
		粟米2匙		鮮淮山2匙	鮮淮山2匙		牛油果2匙
	30
(午)	----------->
(小吃)	啤梨2匙
(晚)	----------->

註:

1. 米糊/燕麥糊份量: 以乾計(未加奶/水); 每匙為一滿茶匙 (好似一座山仔咁)

2. 蔬菜/水果份量: 以蓉狀計; 每匙為一滿茶匙 (好似一座山仔咁)

3. 大孖6月中的重量: 14.7 lb

4. 細孖6月中的重量: 14 lb


* 我地每餐固體都會補奶 (每人開3安奶, 一係飲, 一係開糊)
** 每個BB嘅發展都唔同, 所以以上餐單只供參考, 實際情況要視乎BB體重, BB預備好未? 大人(照顧者)又預備好未?......等等等等

另加一日3至4餐奶, 詳情可以睇番: BB 飲食時間表 (6個月)
http://blog.yahoo.com/katrinaC/articles/1280566

BB最鍾意食嘅水果

文章日期：07/19/2013 05:12 pm

BB到目前為止食過嘅水果分別有香蕉, 蘋果(幾款品種), 啤梨, 桃, 最鍾意食嘅係........... 桃 !!! 每人每次都食半個 (剩番個殼 -- 好似殼嘅皮)! 根據BBs婆婆, 桃唔係成日有 (夏天當造, 比較多選擇), 所以趁夏天可以買多幾次. 營孖媽我主張食物多樣化, 所以一個星期最多俾BBs食三次 (差唔多隔日食), 日日唔同水果, 好味又營養均衡.


今日7個月零19日大嘅BBs最鍾意欣賞婆婆整嘢俾佢地食~~ (** 哩個時候, 我地都會講解一下俾BBs聽今餐食乜, 同點整)

下圖係後加的, 因為好多媽媽想知邊種桃, 所以特別後補哩張相~

Yuki +Anki at 09/13/2013 02:10 am comment

呢隻係咩桃~我上次買左日本水蜜桃~比左幾啖~因為呢幾日食試波菜~同我唔係咁識揀桃~怕有虫~

營孖媽 at 09/14/2013 12:34 am reply

我地兩種都有食（之前真係一個星期起碼食２次）：日本桃（＄２５／個），街市靚桃（＄２０／３個）。日本超市買嘅有保正Ｄ（衛生同軟度），街市買嘅 真係好難講（我地已經試過幾次買咗爽桃　）。佢地婆婆話國內Ｄ靚桃可能己經貨尾，所以我地轉咗食其他水果lu.　中秋前可以食水晶梨（不過少少好喇，我地 大細孖食咗便便有少少稀）