2014年8月21日 星期四

18個月大 BB 時間表

一直有想寫18個月大BB的時間表, 一拖再拖, 今日有媽媽話有興趣知, 等我"的"起心肝寫下先 ^O^

其實 BBs 18 個月大, 3 餐固體 (早, 午, 晚) 同其他下午茶都開始食得好咗 (在下文詳列), 那些厭食厭奶好像真的要消失了, 所以在飲食方面終於叫放心點, 亦開始花多了一點時間在BBs的各方面學習, 例如自理, 認圖, 說話, 說故事, 到處遊玩...等。

BBs 18個月大絕對係一個新里程!

1) 每日起床片片都是乾的, 日日都是飲完奶坐 potty先 wee wee. 因為真係好肚餓 / 口渴, 所以一起身就飲奶先!
2) 早餐多元化一點, 也有些時候一起到街外吃(她們吃多士+蛋)。
3) 早餐自己食完,午晚餐就自己食大半, 大人再餵剩餘的, 差不多所有我預備的食物都喜歡吃。
4)已轉吃大人飯1-2個月了,更加方便。
5)但poo poo 時間比較難預測了。
6) 睡前沒有飲奶了,但大約8:00會吃一些大人飯餸/點心/湯連料。

媽媽最開心的是BBs18個月大,我們決心改了一些壞習慣!之前一直覺得好難改,但原來真係只要有決心就會做到!秘訣是全家要一致(包括工人姐姐,所有會照顧BBs的照顧者)。

1)用30分鐘可以食完一餐飯!這點真是很興奮,因為之前BBs不太專心,食得慢,有時食成一小時,因不忍心不給她們吃。但18個月大,定了食飯程序,要所有人都跟足,

坐上高椅 > 抹手> 食飯(各人都不可給書/玩具)> 30分鐘收餐具 > 抹手完成

最困難的地方是因為我家有大約4個人是孖寶的主要照顧者(輪流),所以要所有人一致是要很好的溝通。其實計劃只實行了2天,就已經成功,真的很感動!

2)BBs自己兩個一間房!仲識自己很快入睡 (雖然我/婆婆要在旁邊扮一齊瞓,到她們睡著才離開)!話說BB自出娘胎都是跟媽媽爸爸同房睡覺的,每人一張BB床(因為BBs Daddy真的很想跟BBs多點時間在一起),亦不放心她們自己兩個一間房睡/跟工人姐姐瞓。但由於BBs開始不喜歡BB床,所以有時是要到大人床睡覺的。當然媽媽就真的無覺好瞓,因為BB又哪會不反瞓....所以媽媽下定決心,跟daddy決定給BBs買新床!由於不放心她們睡小童床(怕跌落床),所以買了一張大床褥,放在地上,給她們一起睡。

3)每天都早晚擦牙!之前BBs不太願意開口擦牙,由於太忙/偷懶,我也只是草草用BB口腔清潔濕巾清潔一下。但因為覺得好習慣由早養成,所以由BBs18個月大起,堅持每天定時"仔細"擦牙!亦由於擦牙,順便教BB多一個好習慣 ^O^:

擦牙 >唧唧(1下BB梘液)>洗手"捽"手 >關水喉 >用毛巾抹手 >同洗手間的鴨鴨公仔講 "bye bye" >去自己房聽故事 >睡覺  


 18個月大: 每天飲食時間表  
     
 7:15 AM起身, 4  安奶  
 7:25 AM起身, 坐 potty wee wee   
 7:35 - 8:00 AM(大人預備BB早餐)
(早餐)8:00 AM麵包/麥皮/番薯/薯仔 + 芝士/ (1星期食2次牛油果)
 8:30 - 10:00 AM  
 10:00 - 11:30 AM小睡1.5小時  
(午餐)11:30 AM通粉/烏冬/五穀 + 蔬菜 +
 12:00 - 1:45 PM  
 1:45 - 2:30 PM沖涼(兩個輪住)
 2:30 PM5 安奶  
 3:00 - 4:00 PM飲完奶, 小睡1小時  
(小吃)4:00 PM水果 + 麵包 /餅 /其他小食
 4:20 - 6:30 PM  
(晚餐)6:30 PM小米飯/ 藜麥飯 + 蔬菜 +
 7:00-9:00 PM  
 9:00 PM擦牙  
 9:25 PM換片換睡衣, 睡前故事   
 10:00 PM瞓覺 (一覺瞓天光)有時扎醒 (但比以前少)
     
* 其間有時食少少餅 /大人飯.    



       
         
         
         
       
         
         
         
       
         
       
         
         
       
         
       
         
         
         
       
         
         

青木瓜牛肉通粉

青木瓜除了煲魚湯,煮餸都是很好味的!

木瓜,又稱“ 萬壽果“。中國人叫它 “萬壽果“ 是不無因由的,它的營養價值確實豐富,有豐富維他命A,食用纖維,天然抗氧化物...等。

木瓜同牛肉仲好夾,因為木瓜有"木瓜蛋白酶“ (papain),即 “木瓜酵素“,會令牛肉 “淋“ 一點點!


今天的青木瓜真的很靚,不太青,帶少少粉紅色,味道很清甜~ 最緊要是BBs都很喜歡吃呢!

需時: 25分鐘

材料 (2人2餐份量):


青木瓜切粒1碗
免治牛肉4両
水1- 1.5 碗
油1茶匙

做法:

1) 待水滾,加入青木瓜粒,慢火煮15分鐘。
2) 加入免治牛肉及油,再煮5分鐘,即可!


青木瓜雞蓉 (8個月大食譜):

 http://hk-dietitianmama.blogspot.hk/2013/08/blog-post_22.html



2014年8月14日 星期四

BB 第一次去壽司店

  BB第一次同媽媽去食壽司~ 咁BB可以食乜? 今日係下午茶時間去, 所以給BBs 叫了一些點心吃~ 

家姐瞓完小睡, 先開始食 "枝豆"

20個月大嘅小人兒, 小手手"剝"起枝豆似模似樣, 真係好可愛啊~~

一方面BB可以坐定定, 另一方面又可以訓練BB小手手的小肌肉, 真係好好架~



妹妹之後醒咗, 有家姐預備嘅豆豆 + 蛋蛋, 開心到呢~

   
 

2014年8月11日 星期一

<< 暢遊元朗大棠荔枝園 >> ~Kara & Kaylie's 1st Animal Farm Visit~

雖然天氣好熱, 但一直好想帶孖寶睇下動物. 上星期六終於"的"起心肝, 全家出動! 其實我對該園的期望是相當高 (聽人講得多, 但我自己都係第一次去), 但.....確實有點失望, 因為設施比較舊. 不過對於小朋友來說, 還是值得一去, 因為都有好多動物 ^O^ Kara & Kaylie 第一次睇牛牛, 馬馬, 羊羊, 好多好多魚魚, 烏龜, 孔雀, 仲有在樹上的香蕉, 木瓜.....

番到屋企, 仲好記得魚魚, 牛牛, 同扮"摘"香蕉 ^O^, 仲"Moo Moo"聲咁叫~
最後....... 同場加映 "爆車胎" (設施真係一般, 馬路在修葺中), 去到大欖隧道先發現, 好在隧道嘅工作人員真係好好好好!!! 幫我地換車胎呢! 真係好好彩!!




嘩嘩嘩 !!! 真係第一次見咁多彩色魚魚~ 好得意啊~



蓮霧? 在樹上的, 媽媽都係第一次見 !!!

  

  

Kara & Kaylie: 香蕉平時食得多, 在樹上的我都係第一次見! 等我摸下先~



羊羊好臭臭啊 !!!
 






 哈哈, Kara 話: 馬馬咁大隻, 我有D驚驚, 走喇!!!






2014年8月4日 星期一

秋葵洋蔥瘦肉 (12m+)

 秋葵有很獨特的香氣, 加上洋蔥, 味道真的很 "夾" !!! BB好鍾意呢 ^O^

材料 (2人2餐份量):

秋葵4-5條
洋蔥粒半飯碗
瘦肉粒/片4両
水1碗
油1茶匙

做法:

1) 水煮滾,加入洋蔥粒煮10分鐘。
2) 秋葵洗淨、去頭尾,切粒,加入煮5分鐘.
3) 最後,加入油及瘦肉, 再煮10分鐘, 即成!