西梅通便 ?

很多媽媽都會遇到小朋友便秘的問題，今次就給大家一些小貼士預防或改善便秘。

最近西梅當造, 在超級市場及街市都會見到西梅的踪影。很多人都有聽過西梅可以解決便秘的問題 (相信不少人更是從兒科醫生那裡知道的), 但究竟原理是什麼呢?

西梅通便的原理

西梅含豐富膳食纖維，另外西梅有助便便是因為含有山梨醇（Sorbitol），一種天然輕瀉劑。高濃度的山梨醇會將腸壁細胞的水分帶入腸道，造成輕肚瀉。

新鮮西梅, 西梅乾, 還是西梅汁?

因為西梅乾和西梅汁含有濃度較高的山梨醇，因此輕瀉效果較新鮮西梅顯著。而且新鮮西梅受季節限制, 一年之中只有幾個月有, 所以一般都建議可選用西梅乾或西梅汁~

備受產後媽媽推崇: 石九公魚湯

好多產後或餵哺母乳嘅媽媽都很喜歡煲魚湯, 今次等我分享一下燉魚湯先~~ 魚湯含蛋白質 (一碗魚湯提供接近一両肉的蛋白質), 適合產後的媽媽 (而且特別適合手術後胃口不佳的媽媽)補充營養, 不過更識食的是要湯連渣吃! 因為魚肉的蛋白質比魚湯還要多! 小朋友都可以飲架!

材料 (可燉出大約4飯碗水) :

石九公(石狗公)魚 3條 (共13兩)

豬展 (1對)

准山 (數片)

【BB的第一本食譜 ：100個嬰幼兒食譜】

感謝媽媽們對我嘅著作 -「BB的第一本食譜: 100個嬰幼兒食譜」嘅支持! 由2015年7月出初版，2015年10月出第二版，到而家已經係第三版喇! 星加坡同馬來西亞嘅朋友仲有「簡體版」喔!

如何使用書本:

1.      新手媽媽們可以先看看「時間表」及「餐單」的部份作參考，再設計自己BB的「時間表」及「餐單」。

2.      煮食方面，全職媽媽可以參考食譜，在職媽媽則可以由家中姐姐幫忙預備 (因為食譜是有英文及印文翻譯的~~)

3.      (我的秘密用法) 當寶寶大一點，可以將食譜書給BB看，BB會自然地告訴你他/她想吃的菜式!

 究竟點解會有這本書?

自序:

「2012年我懷孕了，因為我懷有兩個寶寶，所以有著比一般準媽媽較高的懷孕風險！在整個懷孕過程中，幾乎所有妊娠不適都出現了，幸好我自己是一位營養師，可以從飲食方面作出調節，舒緩有關症狀。加上孖寶出生時都體重偏輕，第一次做媽媽的我特別著緊，開始做很多關於嬰幼兒營養和食品的資料搜集，但我驚訝地發現，坊間有很多的飲食謠傳和誤解，所以我開始寫網誌，分享我的專業營養/飲食知識和自創食譜，慢慢成了部分爸媽口中的BB營養師。」

營孖媽的理念及使命

我致力推廣營養學，尤其是懷孕及育兒階段的專業知識。我希望將有科研實證支持及來源可靠的營養資訊，以深入淺出的手法，跟大眾及各位準/現任爸媽分享，希望所有爸媽都可以為他們的寶寶和孩子作出明智的食物選擇，為寶寶建立良好的飲食基礎。營孖媽的宗旨是希望大家擁有「健康快樂的家庭」。

內頁:

龍脷葉霸王花素湯

早排呀B有啲咳,老公都有啲咳…. (做人媽媽同太太, 都要做番D嘢喇~)

     快啲煲番個《龍脷葉霸王花素湯》先根據孖寶婆婆,呢個湯潤喉,可以舒緩咳嗽。

雖然無咩科學根據,但飲落喉嚨真係好舒服而且我都親身試過 (因為我工作日日都要講野)

    同埋孖寶都好鐘意飲嫁~~

材料 (一家大細的份量)

《川貝燉雪梨》

感謝偉大嘅婆婆大人, 今晚一家大細都有《川貝燉雪梨》做甜品喔~😍😍👄👄👄👄👄👄😍😘(希望孖寶嘅咳咳快D斷尾啦...😆)

  

鮮蓮子百合湯 (滋潤~)

家姐有D咳咳，用上星期日買嘅鮮蓮子，加埋屋企常備嘅百合,蜜棗，沙參，煲個靚湯滋潤一下先~ 😋
‪#‎阿媽教落唔識煮飯都唔緊要‬
‪#‎湯一定要識煲‬

【材料】 (一家大細份量):

鮮蓮子 4兩
沙參 2兩

冬菇冬瓜瘦肉湯

最近比較忙碌, 所以煮的部份交給了印姐姐負責, 但設計餐單當然都係我自己啦~ ^O^

由於我家孖寶同我係湯怪, 所以湯是必須的~ 今日簡簡單單整個 "冬菇冬瓜瘦肉湯", 孖寶好好好鍾意啊~~ 因為D冬菇味真係好好好香架~ 

材料:

冬瓜1斤

冬菇 (去腳) 粒 1/2 碗

瘦肉粒1碗 (已醃)

水1-2公升

做法:

1) 冬瓜洗淨，去皮，去籽，切粒，加入滾水中煮45分鐘。

2) 將冬菇粒及瘦肉粒加入，續煮15分鐘，即成！

雪梨雪耳豬腱湯

今日天氣非常乾燥, BBs 成日想飲水, 皮膚又乾燥, 最適宜煲一款滋潤湯水~  (當然係因為我自己都好想飲湯~~ )

 秋冬家中常備雪梨, 所以就算足不出門都有靚靚湯飲 ^O^

材料 (一家大細的份量):

竹薯心内美蘿蔔雪耳湯

又一不時不食 - 竹薯 (又名竹芋), 每年只有一造 (10月起至翌年2月), 初出的比較鮮嫩，造尾比較多纖維 (即多渣)。

孖寶婆婆、姨婆教落竹薯去濕！(Sorry, 係無乜科學根據, 係中國人的傳統智慧 ^^ 不過之前有媽媽問有關BB去濕嘅湯, 就同大家分享一下啦~ )

特別鳴謝兩老嘅食譜~ ^O^

 

材料 (大人小朋友一齊飲) :
竹薯1/2 磅
心内美蘿蔔 1/2 個
栗子(已去皮)1磅
雪耳1朶

蜜棗3粒

瘦肉(大概$50)

水3公升

 

做法:

1) 竹薯洗淨，去衣(不用去皮，因為很硬)，切片。
2) 心內美蘿蔔去皮，洗淨，切片。
3) 栗子，蜜棗洗淨。
4) 雪耳浸半小時, 剪去蒂, 一開六, 備用.
5) 瘦肉出水

 6) 待水滾, 加入所有材料, 煲2小時, 即可飲用. (先盛起BB的份量, 再加鹽給大人的份量)

 <小貼士> 雪耳選偏黃色, 沒有漂過的. 雪耳有爽或滑的, "滑"的煲湯口感較佳. 

栗子甘筍雪耳三角螺湯

 可以間中飲用適量的螺湯, 補充碘質, 達至均衡的飲食.

有沒有其他食物可以補充碘質? 首選紫菜/海帶, 但份量不宜太多.

 碘質是BB神經系統發展的必要元素. 之前有報導指日本奶粉相對沒有那麼多碘質, 就是因為日本BB在飲食中已經會食很多紫菜和海帶.  

** 另外,對海產敏感的寶寶也要注意一下啊~

 

材料 (一家大細的份量):

栗子 1 磅
甘筍 1 條 (大)
雪耳 1 朶 (手掌大)

 三角螺 (連殼) 1 斤 (去殼後只剩大約半斤螺肉) (可用急凍螺頭代替)
豬腱 1 對

蜜棗 2 粒

 水大約3公升

做法:

1) 雪耳浸半小時, 剪去蒂, 一開六, 備用.

2) 栗子去殼去衣(可買已去殼去衣的), 洗淨; 甘筍洗淨, 去皮, 切件.

3) 三角螺洗淨 (用鹽捽一捽去澀), 切成數件.
4) 豬腱出水.
5) 待水滾, 加入所有材料, 煲2.5小時, 即可飲用. (先盛起BB的份量, 再加鹽給大人的份量)

<小貼士> 雪耳選偏黃色, 沒有漂過的. 雪耳有爽或滑的, "滑"的煲湯口感較佳. 

焗陳皮水 - 化痰順氣

秋風起，大人小朋友都特別容易起痰，連我自己都有D咳同痰。似乎每個家庭都會有D“秘方“，我家的“秘方“係“焗陳皮水“，今日就焗咗同BBs & BBs daddy 分享 ^v^ 保健一下~

材料:

1) 陳皮2/3個
2) 水2飯碗

做法:

1) 陳皮浸水，待軟，刮去白色的囊，放入保温瓶。
2) 水煲滾，加入已放果皮的保温瓶，焗2小時，即可飲用。

我有咳同痰，自己飲1碗.
BBs 保健各飲 1/4碗，剩餘的給 Daddy ^^

清燉雪梨蘋果無花果

秋天天氣乾燥，只飲水確實不夠滋潤，真係要煲下湯水。

屋企沒有預備特別材料, 但有蘋果雪梨. 出街前將材料全放入燉盅，回家就可以飲，實在好方便呢！

7個月大以上 BB 可飲，但雪梨、蘋果份量要減半, 不用下無花果 (淡D)。

材料 (可燉出大約4飯碗水) :

雪梨(中)4個
蘋果(中)4個
無花果亁(半濕)5粒
水大约1公升 (可隨意加減)

做法:

1) 雪梨、蘋果洗淨，去皮去芯，切成塊狀，放入燉盅。無花果乾洗淨，一開四，放入燉盅。
2) 加入滾水至最高刻度，蓋好。
3) 調教至燉2小時，即可！

湯連果肉同吃 ^O^

** 如用明火煲, 水要多一點, 大約 1.5 公升.

 

 

栗子鮮淮山排骨湯

一陣陣秋風，帶一點點的乾燥，天氣已經告訴我們，秋天來了！

BB 似乎都感覺到，常常想用手指挖鼻孔，皮膚也有一點乾燥，係時候給BB煲一些滋潤的湯水喇 ^^ 

秋天是栗子當造的季節，今天就做個栗子鮮淮山排骨湯吧！我家孖寶是非常喜歡的!

 

<營孖媽小貼士>

間中用排骨煲湯，有助BB增磅，因為排骨含有比較多的脂肪。需要減磅的寶寶，可用豬腱代替。

 

材料 (3大人+BB份量):

栗子 1磅 (=大約1斤)
鮮淮山 1-2 條 (視乎長短)
排骨 1斤 或  西施骨 /鮑魚骨 (大約$50)
水大約3公升

做法:

1) 栗子及鮮淮山去皮、洗淨。加水，同煲.
2) 排骨出水，加入已煲滾的水，中慢火煲2小時。
3) 先留起BB的份量 (可飲2天)，其餘大人飲的可加少許鹽。
4) 由於排骨可能有碎骨，所以BB的湯要用篩隔去碎骨。另加入栗子及鲜淮山同吃。

<烹飪小貼士> 

栗子選購圓形飽滿的，比較"粉" (扁的比較便宜，但亦比較硬)。

BB 中秋應節食品

今年係 BBs 第二年過中秋，不過月餅太甜，BBs雖然已經21個月大, 不過仲未可以食，好在仲有好多其他應節食品可以食~ ^O^

 

賞月佳品 :
BBs 舅父親自給BBs製作的「龍貓」碌柚！嘩，真係好可愛啊!!!

 

 

 

 

BBs 的中秋下午茶 :
菱角 + 芋頭仔 + 水晶梨

 

 

 

 

 

午餐便當 :
大人去飲荼，住在附近的姨婆婆給BBs預備了一個有營「便當」及當造蔬菜湯！yummy yummy~~

 

 

蔬菜湯材料簡單，有本地紫番薯、本地彩豆角 (每年都大約只是中秋有)、及栗子，卻非常清甜！BBs 非常鐘意呢！

 

 

 

秋葵洋蔥瘦肉 (12m+)

 秋葵有很獨特的香氣, 加上洋蔥, 味道真的很 "夾" !!! BB好鍾意呢 ^O^

材料 (2人2餐份量):

秋葵4-5條
洋蔥粒半飯碗
瘦肉粒/片4両
水1碗
油1茶匙

做法:

1) 水煮滾，加入洋蔥粒煮10分鐘。
2) 秋葵洗淨、去頭尾，切粒，加入煮5分鐘.
3) 最後，加入油及瘦肉, 再煮10分鐘, 即成!

西湖牛肉羮烏冬 (12m+)

<香草香料入門>

超快的食譜。哈哈，因為芫荽很香，所以BB好鐘意呢！

需時: 15分鐘

材料 (2人2餐份量) :

芫荽1小扎 (如圖) - 影相時 Kaylie BB 已瞓醒了, 攞住沙灘耙攪攪陣 ~ ^O^

免治牛肉4両
蛋白1隻
水1 - 1.5 碗
油1-2茶匙

做法 :

1) 芫荽洗淨，浸1小時，切成1-2厘米長。
2) 水煮沸，加入芫荽，待滾起，加入免治牛肉及油，煮3分鐘。
3) 略“發“蛋白，加入略拌，再煮2分鐘，即成！

烏冬 : 今次用乾的，煮好，隔水，加入煮好的湯羹，即成！

<註> 我没有加粟粉水，所以比較似湯~ ^^ 

yummy yummy~~~

 

 如前一日食比較 "熱氣" 的菜式, 第二天就最適合食這道 "西湖牛肉羮".

蒸藕餅:

 http://hk-dietitianmama.blogspot.hk/2014/05/blog-post_25.html

 

鮮淮山番茄薯仔洋蔥湯

孖寶越來越鐘意大人的食物，又喜歡跟大人一起開餐。哈哈，所以媽媽我都想做多點大人BB都可以一齊食的食物 ^^

天氣熱又濕，今天就煲了一個開胃湯 ~

孖寶晚飯後，只過了1.5小時，還可以每人食半碗 (連湯料)！似乎是有另一個胃給湯料的~

需時: 1小時

材料:

番茄1斤
鮮淮山一條 (去皮)
薯仔1-2個 (去皮)
洋蔥1-2個 (去皮)
瘦肉片 (大概$10)
水適量

做法:

1) 開始煲水. 將所有材料洗淨，切成塊狀，先放薯仔、淮山、洋蔥, 中火煲滾，轉慢火，大約煲30分鐘。
2) 轉中火，加入番茄及瘦肉片，至滾，轉慢火再煲30分鐘。
3) 取出BB的份量 (2歲以下不用加鹽) - 可預留第二天的份量。
4) 剩下的可加少許鹽調味, 完成！(不過其實真的很好味，所以我家大人的都不加鹽 ^^)

* 慢火 : 指標是都有見到“滾下滾下“。因為每個爐/煲有所不同，所以要留意一下。

芋頭喳咋糖水

下雨天，天陰陰，好想食糖水啊！小時候我媽媽教落 “平日不可以食紅豆，因為紅豆有點燥熱，下雨天才可以吃啊！" 所以我家在下雨天很多時都會煲紅豆沙。現在到我有了孖寶，到了下雨天，也很想保存這個傳統啊！(其實只是食糖水的藉口) ^^.

不過今日好想好想食芋頭！就煮芋頭喳咋吧！不是最正宗的，卻是非常簡易 (BBs 婆婆牌)~ 

BBs果然有媽媽的DNA! 每次下午茶 / 宵夜都可以食1/3碗！仲要添食！

<營養焦點>

豆類，如紅豆、眉豆、雞心豆等有豐富水溶性膳食纖維，有助便便暢通。另外亦是蛋白質的來源，不太喜歡肉類的小朋友可食多一點豆類，增加蛋白質吸收~ 

淮山瘦肉湯

超簡易，孖寶一人飲一碗圖中的份量，好似好餓, 唔使5分鐘清晒，雖然仲想食，不過另一半份留到大人晚餐時間先一齊食~

唔太鐘意飲水的BB(好似我家大孖BB咁)一定要試，因為會好鐘意~

**D河南鐵棍淮山干好cutie啊，細細粒~ 要多謝BBs在國內嘅姨婆 ^O^

 

 

適合: 7個月大或以上 (7-8個月大的BB可將淮山壓蓉食 /只飲湯, 份量減半或更少)

材料 (2人1日2次份量):

 乾淮山片(如圖 X 4份量)
瘦肉片 (大概$10)

蜜棗1粒
水大約4飯碗  (** 視乎不同的淮山乾會不同)

做法:

 1) 將所有材料用大火煲滾, 轉細火煲1個鍾 (乾淮山片有時間可以浸一下, 不過乾的都可以)  
2) 完成 ! 完成品會有圖中份量 x 4.

山斑魚湯

魚湯跟魚一樣含有豐富DHA 及 EPA, 所以好啱BB~ 如果BB有時唔係好想飲奶, 飲下魚湯都可以補充下 DHA~ (所以都好啱大肚媽媽架~)

 

材料:

山斑魚一條