2014年5月25日 星期日

蒸藕餅

蒸藕餅 - 新奇, 得意, 有趣, 又簡單~

 最適合: 不喜歡吃肉的小寶寶, 又或是不太喜歡蔬菜的小朋友, 因為外形真的很有趣,也讓小朋友認識多一點食材~ ^^

第一款是"夾"的,有點像車輪,孖寶每人吃了兩件 (每件直徑有 7cm)!加另外的餸,午餐吃多了 1/2両肉(平日吃1両)!其實孖寶還很想吃多一點,只是媽媽我覺得真是吃得多了點,一次過也不能吃太多啊~

  

第二款是"將蓮藕磨絲" 做成小藕餅,晚餐吃,都是每人吃多了肉!(嘻嘻,我暗自好開心,因為BBs 都鍾意 ^^)

材料 : 

蓮藕
免治瘦肉4両

2014年5月20日 星期二

冰豆腐

好多媽媽都知道街市買的豆腐好(多鈣質), 但容易變壞,只可放雪櫃一日,隔多一日都會變酸,可是小寶寶每次只吃很少,而且又不是常常有時間去街市,所以大家可以試試做 “冰豆腐“。


做法:

將買回來的豆腐,不用洗,原塊放入食物袋,封好,放入冰箱。
要食用的時候,取出,切出需要的份量,洗淨,切粒 /塊,即可煮。
煮的時候,只要加少一點水就可以 (因為冰豆腐會出水)

 
 

2014年5月16日 星期五

鮮淮山番茄薯仔洋蔥湯

孖寶越來越鐘意大人的食物,又喜歡跟大人一起開餐。哈哈,所以媽媽我都想做多點大人BB都可以一齊食的食物 ^^

天氣熱又濕,今天就煲了一個開胃湯 ~

孖寶晚飯後,只過了1.5小時,還可以每人食半碗 (連湯料)!似乎是有另一個胃給湯料的~

需時: 1小時

材料:

番茄1斤
鮮淮山一條 (去皮)
薯仔1-2個 (去皮)
洋蔥1-2個 (去皮)
瘦肉片 (大概$10)
水適量

做法:

1) 開始煲水. 將所有材料洗淨,切成塊狀,先放薯仔、淮山、洋蔥, 中火煲滾,轉慢火,大約煲30分鐘。
2) 轉中火,加入番茄及瘦肉片,至滾,轉慢火再煲30分鐘。
3) 取出BB的份量 (2歲以下不用加鹽) - 可預留第二天的份量。
4) 剩下的可加少許鹽調味, 完成!(不過其實真的很好味,所以我家大人的都不加鹽 ^^)

* 慢火 : 指標是都有見到“滾下滾下“。因為每個爐/煲有所不同,所以要留意一下。


2014年5月14日 星期三

(17個月大) 大孖BB練習 "畢" 餅餅

孖寶玩煮飯仔學自己食mum mum。有得玩, 有得食 ^O^ 而且玩具餐具一般比較細,BB比較容易控制,成功感都會大D ^^ ~

孖寶同好多BB一樣, 一開始不太肯拿匙 "畢" 飯, 不過, 用這個方法就會好鍾意~~ 當然亦都係因為這是他倆最愛的餅餅. 當BBs成功 "畢" 到, 也要加以讚許~ 哈哈, 咁下次, 下次, 同再下次都會好開心咁 "畢" "畢"呢~



芋頭喳咋糖水

下雨天,天陰陰,好想食糖水啊!小時候我媽媽教落 “平日不可以食紅豆,因為紅豆有點燥熱,下雨天才可以吃啊!" 所以我家在下雨天很多時都會煲紅豆沙。現在到我有了孖寶,到了下雨天,也很想保存這個傳統啊!(其實只是食糖水的藉口) ^^.
不過今日好想好想食芋頭!就煮芋頭喳咋吧!不是最正宗的,卻是非常簡易 (BBs 婆婆牌)~ 
BBs果然有媽媽的DNA! 每次下午茶 / 宵夜都可以食1/3碗!仲要添食!

<營養焦點>

豆類,如紅豆、眉豆、雞心豆等有豐富水溶性膳食纖維,有助便便暢通。另外亦是蛋白質的來源,不太喜歡肉類的小朋友可食多一點豆類,增加蛋白質吸收~ 


2014年5月10日 星期六

BB 自己食飯飯 (17個月)

17個月大嘅BBs 鐘意自己食飯飯,不過一開始自己好難“不“,“不“唔到又會“憫“。想俾BB多D成功感?一開始用video個方法都幾好架 ^O^


究竟BB幾時開始練習自己食飯飯?

到 BB會搶餵食者的匙, 要自己食就差不多了. 時間方面, 真的每個BB都不同! 我家孖寶大約12個月大開始, 想要大人的匙 (但不是強烈要, 只是想拿著, 看看, 玩弄一下, 扮"不"), 那個時候她們自己會有一隻匙拿著, 而我會用另一隻匙餵. 

大約15個月大開始, 孖寶就很認真地想自己食, 但一開始是不太可以將匙直接放入口的, 通常是未到咀邊, 食物已經掉了. 轉捩點是一隻新的匙! 最主要是柄要短!

到了大約16個月大, 又有另一個有趣的遊戲,令孖寶有得食, 有得玩, 又可以增加BB自己食mum mum的成功感, 雙培興奮! (都有video, 不過要找一下, 下次再分享)

 到現在17個月大, 就慢慢練習到自己可以食得幾好 ("放入口" 那一部份). 不過每次如果是自己"不"飯, 暫時都只可以"不"到幾粒. 剛剛買了一個新碗, 不知道是不是又會是另一個轉捩點呢? 真的好期待啊!


妹妹BB自己食飯飯:



家姐BB自己食飯飯:


BB12個月大唔肯食嘢?



2014年5月8日 星期四

一口 "飯團波波"

孖寶有時唔想食飯,只要快速地拿一塊保鮮紙,做這個 “飯團波波“,就會變成 “BBs, 你地食得咁快,媽媽做飯團波波不夠你地食得快啊!“ 一餐飯的飯量不用5分鐘,食完!

當孖寶食完飯,媽媽想用大人的飯做幾個飯團波波拍個照,同大家分享,大孖BB居然要添食!最终要食多3個! 拍完照的我自己食, 又真係幾好味喎! 哈哈, 得意D真係會食多一點~ ^O^

原本食得慢吞吞, 好似唔想食, 但只吃了 1/3 平常的份量 (按照很多書, 應該係代表"飽" ?? 可以停, 不吃?), 不過當"飯團波波" 出現, 孖寶會用5分鐘清晒D飯, 而且仲會可以添飯啊 !

雖然有時真的是飽了, 不過其實很多時候係因為BB/小朋友的專注時間比較短, 所以好快覺得悶, 所以只要食物有趣一點, 連我都想食多一點! =^O^=

** 不喜歡吃飯的BB / 小朋友一定要試啊~ (不過也不要每餐都這樣, 否則會悶)

沒有什麼特別技巧, 就如下圖, 一包一按, 完成.

一口一個, 剛剛好~

 

 

2014年5月5日 星期一

淮山瘦肉湯

超簡易,孖寶一人飲一碗圖中的份量,好似好餓, 唔使5分鐘清晒,雖然仲想食,不過另一半份留到大人晚餐時間先一齊食~

唔太鐘意飲水的BB(好似我家大孖BB咁)一定要試,因為會好鐘意~

**D河南鐵棍淮山干好cutie啊,細細粒~ 要多謝BBs在國內嘅姨婆 ^O^
 
 

適合: 7個月大或以上 (7-8個月大的BB可將淮山壓蓉食 /只飲湯, 份量減半或更少)

材料 (2人1日2次份量):

 乾淮山片(如圖 X 4份量)
瘦肉片 (大概$10)
蜜棗1粒
大約4飯碗  (** 視乎不同的淮山乾會不同)

做法:

 1) 將所有材料用大火煲滾, 轉細火煲1個鍾 (乾淮山片有時間可以浸一下, 不過乾的都可以)  
2) 完成 ! 完成品會有圖中份量 x 4.


2014年5月4日 星期日

蒸水蛋肉餅

這是我媽媽在我小時經常做的家常小菜,超級容易,又有豐富的營養,是其中一道我不時會突然想起想食的餸菜。每次當我要求我媽做這個菜, 我媽都會問: "真的就這個嗎? 太簡單了吧. 要不要弄個什麼什麼魚, 煲個什麼什麼湯?". 現在自己做了媽媽, 很多時候都會想給孖寶做個特別的菜式, 希望BBs吃多一點. 昨天沒有時間, 只給孖寶做了這個簡單的 " 蒸水蛋肉餅 ". 沒想到孖寶的味蕾跟媽媽是一樣的! 居然不用15分鐘, 連飯連菜吃光了 !!! 破了最近的紀錄 ! (不過事先聲明, 也不是一餵一食這麼簡單, 餵食方法在文章最後)

對於不大喜歡吃肉,但都喜歡雞蛋的BB /小朋友,真的要試一試啊!


材料 (2人1餐份量 = 1個BB的2餐份量): 

免治豬肉2両
雞蛋1隻
開水 (大約1中式湯匙)