2015年1月27日 星期二

感動,謝謝您們!(學員的分享)

   真係好感動啊!!!星期六講完 Towngas的課,今日就收到學員嘅心聲分享!!!(已問可post)

From Po Yee 媽媽(無編輯過架):

心聲:第一次做人媽媽,本身又唔識煮飯,諗到唔知俾乜野個仔食就不其然有d擔心!由Aden六個月起就努力找尋bb食鐠。偶然找到營孖媽手記blog,令 我如有神助!多得Katrina無私o旣分享,Aden先至由六至九個月食到不過不失旣半固體食物 xD wahaha, 但係踏入十個月,佢開始玩多,又好似食到好悶,咁啱Towngas x Katrina 開堂,我就的起心肝去學煮野! 

工作關係,只可以參加星期六班,有限時間內又學到育兒知識(有關食物),當然主打食物營養及配搭,非常充實!落堂後急不及待去買食材,準備星期天下廚! (心情滿期待!) 恰巧當天Aden早上睡久了,我有足夠時間慢慢做!做好那刻,嘗味那時,及Aden把整碗吃光時,都讓我有超強滿足感!!期待再試Katrina的bb食 譜!」

實在係青出於藍!有老懷安慰嘅感覺!其實我都係俾D靈感 inspiration 大家,相信大家都會比我做得更好~ ^O^ 俾個你地~

 睇到都想食!

 

2015年1月26日 星期一

久休復出 之 "一日走3場" ! 懷孕媽媽講座 x 2 場 + Towngas 示範班

久休復出, 第一日 (上星期六) 居然講咗3節課 !!! 非常有效率, 因為將工作安排在同一日 (其實係咁啱改唔到期), 咁第二日 (即係星期日) 就可以好好享受 Family Day 喇 ~ 所以今日先有時間報告一下我嘅新工作~~

2015年第一場講座: 

 去到當然首先要做下工課, 睇多次個 powerpoint 先~


2015年1月21日 星期三

BB 好去處 : 摘士多啤梨 @ 農莊 (Strawberry picking @ Farm)

冬天係去農莊嘅最佳時節 (當然不是非常寒冷的日子), 因為比較少蚊蟲出沒 (但都是有的, 所以要做足防蚊措施啊~)

跟上次拔紅蘿蔔事隔1個月, 終於可以摘士多啤梨喇 ! 而我亦發現......原來BBs係識用剪刀架 !!! 基於安全理由, 就算兒童剪刀通常都會話 3-4 歲先可以用, 不過原來 25個月大就識用!!! 當然係要係專人 (即是我及Daddy) 指導下, 才可以啦~~~ 

似模似樣 !



2015年1月16日 星期五

南美 Chili: 紅腰豆羅勒燴牛肉

每逄天氣又凍又乾燥就會令我想起在美國讀書及工作時最喜歡的一道菜式 Chili! 顧名思義, 大人的食譜是辣的, 但正正因為辣, 所以在冬天吃是非常暖胃的. 但BB不能吃辣, 所以媽媽特別創作了這道 Baby Chili. 雖然名叫 Chili, 但沒有辣椒, 卻有少許香草, 增添一點南美風情. BBs果然跟媽媽一樣, 非常喜歡這道菜呢! ^O^ (尤其是因為兩個都超鍾意紅腰豆~~ )


 


【材料】(1人2餐份量)

2015年1月15日 星期四

如何貯存用剩的新鮮香草?

香草很多時都是買一盒的, 但因為只需加少許作調味, 所以會用剩很多. 可是也不能存放於冰箱太長時間, 因為很易變壞.  

 其實貯存方法非常簡單! 將用剩的新鮮香草, 如金不換/羅勒, 迷迭香, 番茜....等, 用密實袋封好 (如下圖), 放入冰格, 就可以貯存 2 星期! ^O^

2015年1月13日 星期二

生日有感~



昨天是我XX歲的生日, 最感恩的是孖寶健健康康, BBs Daddy 愛錫, 但更感恩的是我有很好的媽媽. 我從來很少在我生日的日子感謝我媽, 今年, 孖寶2歲了, 我更感受到母愛的偉大. 當然也是因為自己也當媽了, 更感受到當媽的日夜牽掛及無私的付出.  



最近開始有更多的新工作, 今天很晚才回家, 一路心也內疚不能陪BBs, 也沒有時間教她們ABC (因為是細B插班, 同學們上學期學了的老師不會再仔細教我們了, 所以老師提議我們要自己教一下). 回到家中, 孖寶跟我打了一下招乎, 就主動拉著婆婆話要玩, 我也好奇 

然後婆婆帶著微笑跟我說: 想知道我們在玩什麼嗎?
我心想: 「是家家酒? 還是波波池? 
 婆婆再語帶微笑說: 「表演一下給你看吧!

2015年1月6日 星期二

2歲 PN 學前班 : 孖寶第一日番學喇! (二)

<第一天放學> 老師報告:

兩個都有輪流喊, 只係斷斷續續, 都算幾好.
有一個見另一個喊 (由於我嘅烏龍, 老師不知誰是誰), 仲會拿紙巾幫她抹 (這就是孖B的好處吧, 有個照應, 壯下膽 ^^)
 ......
 .....
 
在路上:

媽媽: 你今日食咗乜嘢茶點呀? (問完諗: 佢地會唔會答呢?)
 (隔咗5秒) 餅餅

媽媽: (心諗) 咦, 真係會答架喎! 再問: 咁仲有無其他呀?
(答得好快) 水

 ~~ 之後問過老師, 真係餅同水啊! ~~ 
好感動啊! 原來BBs已經可以記得學校D嘢, 仲識話番俾媽媽聽!
 
回家後:

婆婆: 學校老師唱咗乜嘢歌呀 ?
兩姊妹開始有所動作, 嘩, 原來係做緊 head, shoulders, knee & toe 嘅動作!!! (當然只係有頭有尾, 無乜拍子, 中間又唔見咗, 但媽媽已經好好好開心!!) 其實媽媽我自己之前示範過好多次, 不過之前都係我自唱自跳, 今次係第一次我一路唱, 兩姊妹一路跳! 不禁覺得老師真係好厲害啊!!! 也覺得俾BBs番PN係正確的 (因為之前都有疑惑應否上PN).
 
乖乖番學, 所以有新玩具 (其實係要學習幫手做家務, 媽媽好奸啊 !!!)


 第二天番學, 在沒有跟老師溝通下, 媽媽給了家姐一個大的髮夾, 妹妹一個小的, 希望老師會明白, 果然老師一看就知媽媽嘅用意 ^O^ 咁就容易認好多喇 ~

2歲 PN 學前班 (預備篇)

2歲 PN 學前班 : 孖寶第一日番學喇! (一) 

 http://hk-dietitianmama.blogspot.hk/2015/01/bbs-first-school-day-pn.html


2歲 PN 學前班 (預備篇)

我人生的第一個熨貼 ! 之前其實我真的不知道什麼是熨貼, 亦由於只係開學前10日開始預備, 所以選擇了最快的方法, 好不好用還未知 (唔知會唔會容易脫掉~), 但最起碼 BBs 好鍾意啊 (因為有公仔)! 也因為這樣, 對校服有了好感~



一次過買6對鞋, 好似有點誇張 ...

作為中國人, 囡囡番學, Daddy Mami 當然要封封利是啦~


 衫也熨得貼貼服服 (家中姐姐又多一樣嘢做了~)


2歲 PN 學前班 : 孖寶第一日番學喇! (一)


2歲 PN 學前班 : 孖寶第一日番學喇! (二) 

 http://hk-dietitianmama.blogspot.hk/2015/01/2-pn_6.html

2歲 PN 學前班 : 孖寶第一日番學喇! (一)

BBs第一日番學, 果然係有D緊張 .....(係媽媽我). 烏龍事一大籮。。。最大件事係忘記了幫BBs帶名牌,而且外套(有名的)也調換了!果然。。。老師也因為這樣以為家姐係妹妹,妹妹係家姐。。。 媽媽實在太大意了吧!(媽媽我之後諗到個方法幫老師認人, 老師都話好 ^^)

今日戰戰兢兢, 之前聽過好多媽媽話BB連換校服都唔肯, 真係好驚!

首先幫妹妹換, 弊喇, 妹妹話白色, 灰色唔靚, 唔肯換!!! (我心一沉, 冒汗中...) 好在家姐肯 (即刻鬆了一口氣, 因為好多時只要一個肯, 另一個都會跟住肯)! 而且好在喺每一件衫都有卡通熨貼 !!! 妹妹一見到 minnie, mickey, 當堂覺得親切好多! 因為有佢地陪番學!(原來卡通熨貼仲有哩個用途!) 

原來第一次著校服都會需要多少少時間...第一次幫BBs 著嘅校服, 不錯吧~ (咦,有一個好似笑唔出喎。。。)