久休復出 之 "一日走3場" ! 懷孕媽媽講座 x 2 場 + Towngas 示範班

久休復出, 第一日 (上星期六) 居然講咗3節課 !!! 非常有效率, 因為將工作安排在同一日 (其實係咁啱改唔到期), 咁第二日 (即係星期日) 就可以好好享受 Family Day 喇 ~ 所以今日先有時間報告一下我嘅新工作~~

2015年第一場講座: 

 去到當然首先要做下工課, 睇多次個 powerpoint 先~

同大會負責人及主持傾下 rundown ~

 

 正式開始喇~

 

 又幾多人喎! 大會話有120人, 不過我無數過 ^^ 好開心可以同準爸媽分享一下懷孕時嘅營養需要及知識呢~ (席間仲見到兩個老朋友~~ 嘻嘻, 好開心呢~)

 

 

 12:45 完成第二場講座, 立即到位於銅鑼灣的 Towngas Cooking Center 為課堂準備.

 其實我同 Towngas 真係好有緣, 因為我中學時代就已經參加過佢地舉辦嘅烹飪比賽 (哈哈, 係呀, 我真係好鍾意煮嘢食!!! 去 supermarket/街市開心過去 shopping), 仲攞咗季軍架~ (下次等我 share 下得獎作品俾大家睇啦~ ) 不過好可惜佢地話而家已經無攪....

言歸正傳, 一去到即刻預備材料先~

切下甘筍

 煲定粥

 2:30 開始喇 ! 好開心可以同媽媽們 (席間仲有一位BB嘅婆婆) 分享一下 BB 營養飲食, 煮下BB餸呢~ 

一邊講下理論 (食物金字塔當然會出現啦~ 不過唔係普通的, 而係小朋友的食物金字塔啊. 仲有好多其他資訊)

 一邊又示範一下先 (這是我最鍾意的部份, 因為大家可以近距離聊天 ^O^) 我是有問必答的啊~

在 BLOG /facebook 傾計就傾得多, 今次真係好開心可以面對面見到大家呢 !!! 特別係大家都咁關注BB嘅飲食, 真係要俾個 "讚" 大家!

最後, 大家一齊試食下先~~~ 多謝媽媽們嘅支持, 大家都話好好味啊~~ (沒有任何調味料架!)

期待下一次再同大家見面, 玩下煮飯仔 ^O^